အခြေခံကျန်းမာရေး

ခေါင်းထဲကပဲ ကိုက်နေသလိုလို၊ ခြေလက်တွေပဲ ညောင်းကိုက်နေသလိုလို၊ မကြည်မလင်နဲ့ ညီးစီစီဖြစ်နေလို့ နေရထိုင်ရ မသက်မသာဖြစ်နေပြီလား။ ပင်ပန်းနွမ်းနယ်နေတာ တွေ  ခံစားနေရပြီလား။ ခုကာလက တစ်ခုခုဆို ကိုဗစ်များလားဆိုပြီး စိုးရိမ်ရတာကလည်း မသေးနော်။ ချောင်းဆိုးလည်း ကိုဗစ်၊ လည်ချောင်းနာလည်း ကိုဗစ်၊ မအီမသာ ဖျားချင်သလို ဖြစ်လည်း ကိုဗစ်လားဆိုပြီးလေ။ ဒီတော့ မအီမသာဖြစ်နေတဲ့အခါ သက်သာအောင် လုပ်လို့ရမယ့် နည်းလမ်းလေးတွေ ပြောပြပေးပါမယ်။ ဘာတွေကြောင့် ပင်ပန်းနွမ်းနယ်နေတာ လဲ။ လူတွေမှာ ခံစားရတဲ့ ပင်ပန်းနွမ်းနယ်မှု အတော်များများက စိတ်ဖိစီးတာ၊ အိပ်ရေးမဝတာ၊ အစား မမှန်တာတွေကနေ စလာတာပါ။ ကျန်းမာရေး အခြေအနေ တစ်ခုခုကြောင့်လည်း ဖြစ်နိုင်ပေမယ့် များသောအားဖြင့်ကတော့ အနားယူလိုက်ရင်ကို သက်သာသွားတတ် ကြပါတယ်။ ဒီတော့ ပင်ပန်းနွမ်းနယ်လာပြီဆိုရင် ရေသောက်ပါ တစ်ခါတလေ အရမ်းပင်ပန်းပြီး ခြေကုန်လက်ပမ်းကျလာပြီဆိုရင် ရေတစ်ခွက်သောက်ချလိုက်ပါ။ ခန္ဓာကိုယ်မှာ ရေဓာတ် ခမ်းခြောက်ရင်လည်း […]

အသီးအရွက်တွေကို ကြိုက်တယ်။ အစိမ်းစားရတာလည်း သဘောကျတယ်။ ကြော်စား၊ ချက်စားရတာကိုလည်း ကြိုက်တယ်။ ဒါပေမယ့် အသီးအရွက်တွေက မသန့်ဘဲ ပိုးတွေပါလို့ ကျန်းမာရေး ထိခိုက်မှာလည်း စိုးတယ်။ ဒီတော့ အသီးအရွက်တွေကို သန့်စင်အောင် ရေအထပ်ထပ်ဆေးပါတယ်။ ဒီလိုကျတော့လည်း အာဟာရတွေ ပျက်သွားမှာ စိုးတယ်။ ဘာလုပ်လို့ လုပ်ရမယ် မိသဘူး ဆိုတဲ့သူတွေရှိလား။ ဒါဆိုရင်တော့ အသီးအရွက်တွေကို အာဟာရ မပျက်စေဘဲ သန့်ရှင်းစင်ကြယ်အောင် ဘယ်လို ဆေးကြောရမလဲဆိုတာကို ပြောပြပေးပါရစေ။ အသီးအရွက်တွေကို အာဟာရ မပျက်စေဘဲ စင်ကြယ်စေဖို့ အသီးအရွက်တွေကို ဝယ်လာပြီဆိုတာနဲ့ ပိုးသေအောင် စင်ကြယ်အောင်ဆိုပြီး ရေအထပ်ထပ်ဆေးတာ ရှိသလို ဆပ်ပြာရည် သုံးပြီး ဆေး​ကြောတာတွေလည်း ရှိပါတယ်။ တကယ်ကတော့ ဒီနည်းလမ်းတွေက အသီးအရွက်တွေမှာပါတဲ့ အာဟာရတန်ဖိုးကို ပျက်စေနိုင်ပြီး စားလိုက်ရင် အရသာမရှိတာလိုမျိုး ဖြစ်စေနိုင်ပါတယ်။ ဒီတော့ ပင်ကိုယ် အာဟာရနဲ့ အရသာလည်း […]

သင်က ကြောင်ချစ်တတ်တဲ့သူတစ်ဦးလား။ ကိုယ့်အိမ်မှာ ကြောင်လေးတစ်ကောင်လောက် မွေးမယ်လို့ရော စဉ်းစားထားတာလား။ ဒါဆိုရင်တော့ ဒီဆောင်းပါးက သင့်အတွက် အဆင်ပြေစေမှာပါ။ ပထမဆုံးအကြိမ် ကြောင်မွေးတော့မယ့် မိသားစုတွေအတွက် သိထားသင့်တဲ့၊ ပြင်ဆင်ထားသင့်တဲ့အရာတွေကို ဒီဆောင်းပါးမှာ ဖတ်ရှုရင်း ကိုယ့်ကြောင်လေးအတွက် အနွေးထွေးဆုံးအိမ်ဂေဟာလေး ဖြစ်အောင် ဖန်တီးလိုက်ကြရအောင်နော်။ ကြောင်မွေးတဲ့ဆိုင်တွေနဲ့ ကြောင်အမျိုးအစားတွေကို သေချာစုံစမ်းထားပါ။ ကိုယ့်အိမ်အနီးပတ်ဝန်းကျင်မှာ ဘယ်လိုကြောင်အမျိုးအစားတွေ ရှိလဲ၊ ဘယ်ကြောင်လေးကတော့ ကိုယ်နဲ့ ကိုယ့်မိသားစုအတွက် ကိုက်ညီမလဲပေါ် မူတည်ပြီး သေချာရွေးချယ်ပါ။ ကိုယ်မွေးမယ့် ကြောင်အမျိုးအစားနဲ့ ပတ်သက်ပြီး လိုအပ်တဲ့အရာတွေ၊ သိထားသင့်တဲ့ အချက်တွေကို အွန်လိုင်းကနေဖြစ်စေ၊ ဆိုင်ပိုင်ရှင်ကိုဖြစ်စေ သေချာမေးမြန်းပါ။ စွန့်ပစ်ကြောင်ကို မွေးမှာလား။ မြန်မာနိုင်ငံမှာ စွန့်ပစ်ခွေးထက် စွန့်ပစ်ကြောင်အရေအတွက်က ပိုများပါတယ်။ တချို့ကလည်း ပိုင်ရှင်ကိုယ်တိုင်က စွန့်ပစ်လိုက်တာမျိုး၊ တချို့ကြောင်တွေကျ အပြင်လျှောက်သွားရင်းကနေ ကိုယ့်အိမ်ကို မမှတ်မိဘဲ လမ်းပျောက်သွားတာမျိုး ကြုံရတတ်ပါတယ်။ ဒီတော့ စွန့်ပစ်ကြောင်ကို […]

သင်က ခွေးချစ်တတ်တဲ့သူတစ်ဦးလား။ ကိုယ့်အိမ်မှာ ချစ်စရာ ခွေးလေးတစ်ကောင်လောက် မွေးမယ်လို့ရော စဉ်းစားထားတာလား။ ဒါဆိုရင်တော့ ဒီဆောင်းပါးက သင့်အတွက် အဆင်ပြေစေမှာပါ။ ပထမဆုံးအကြိမ် ခွေးမွေးတော့မယ့် မိသားစုတွေအတွက် သိထားသင့်တဲ့၊ ပြင်ဆင်ထားသင့်တဲ့အရာတွေကို ဒီဆောင်းပါးမှာ ဖတ်ရှုရင်း ကိုယ့်ခွေးလေးအတွက် အနွေးထွေးဆုံးအိမ်ဂေဟာလေး ဖြစ်အောင် ဖန်တီးလိုက်ကြရအောင်နော်။ အရင်ဆုံး ကိုယ်က ဘယ်လိုခွေးမျိုးမွေးချင်တာလဲဆိုတာ သေချာစဉ်းစားပါ။ လူအများစုကတော့ ခွေးမွေးမယ်ဆိုရင် ပေါက်စလေး ဒါမှမဟုတ် ၆လ၊ တစ်နှစ်အောက် ခွေးလေးတွေကို မွေးတာများပါတယ်။ ခွေးငယ်ငယ်လေး မွေးတဲ့အခါ ကိုယ်ကပဲ အစအဆုံးသေချာပြုစုစောင့်ရှောက်ပေးရတာ ဖြစ်တဲ့အတွက် ကိုယ်နဲ့ ကိုယ့်မိသားစုအပေါ် ပိုသံယောဇဉ်တွယ်နိုင်လို့ပါ။ ခွေးအမျိုးအစားကို ရွေးချယ်တဲ့အခါ လက်ရှိ ကိုယ်နေတဲ့ မြို့အတွင်းမှာ ခွေးရောင်းတဲ့ဆိုင်တွေနဲ့ အဲဒီဆိုင်တွေမှာ ဘယ်လိုအမျိုးအစားတွေ ရလဲဆိုတာ သေချာစုံစမ်းထားဖို့ လိုအပ်ပါတယ်။ ဒီလိုစုံစမ်းထားမှ ကိုယ့်အနေနဲ့ အွန်လိုင်းကနေ ဒါမှမဟုတ် သိကျွမ်းနားလည်သူများနဲ့ […]

ရုပ်ရှင်တွေထဲမှာ တွေ့ဖူးမှာပေါ့။ အသည်းအစားထိုးရမယ်တို့၊ ကျောက်ကပ်အစားထိုးရမှာမို့လို့ အလှူရှင်လိုက်ရှာကြတာတွေ။ ကိုယ်အင်္ဂါတွေကို အစားထိုးမယ်ဆိုရင် လူအရှင်ဆီက ယူလို့ရသလို၊ လူသေဆီကလည်း ယူလို့ရပါတယ်။ ဒီဆောင်းပါးမှာတော့ လူအရှင်ဆီကနေ ကိုယ်အင်္ဂါအစားထိုးတာနဲ့ ပတ်သက်ပြီး ပြောပြပါမယ်။ ဘာတွေ အစားထိုးလို့ရသလဲ။ ကိုယ်တွင်းအင်္ဂါတော်တော်များများ အစားထိုးလို့ရပါတယ်။ အသည်း၊ ကျောက်ကပ်၊ ရိုးတွင်းခြင်ဆီစသဖြင့်ပေါ့။ လုံးဝကုသလို့မရတော့အောင် ပျက်စီးသွားတဲ့အခါမျိုးမှာ ကိုယ်တွင်းအင်္ဂါအစားထိုးတာက နောက်ဆုံးမျှော်လင့်ချက်ပါပဲ။ အစားထိုးရခြင်းရဲ့ ရည်ရွယ်ချက်ကတော့ အလှူခံတဲ့သူကလည်း အစားထိုးပြီးတဲ့ နောက်မှာ ပြန်ကျန်းမာရမယ်။ အလှူရှင်ကလည်း ကျန်းကျန်းမာမာနဲ့ နေထိုင်သွားနိုင်ရမယ်ဆိုတာပါပဲ။ တစ်ခါတလေမှာ  အလှူခံရဲ့ ကိုယ်ခန္ဓာကိုယ်က အလှူရှင်ရဲ့ ကိုယ်တွင်းအင်္ဂါကို ပြန်တိုက်ထုတ်တာကြောင့် မအောင်မြင်တာလည်း ရှိနိုင်ပေမယ့် တတ်နိုင်သလောက်တော့ အစားမထိုးခင်တည်းက အချက်အလက်တွေ တူနိုင်သမျှ တူအောင်၊ ခုခံအားက ပြန်မတိုက်အောင် ပြင်ဆင်ပြီးမှ အစားထိုးပေးပါတယ်။ ဘယ်လိုအချက်တွေ ကိုက်ညီမှ လှူလို့ရမှာလဲ။ အလှူရှင်နဲ့ အလှူခံတို့ရဲ့ သွေးအမျိုးအစား လှူဒါန်းမယ့် […]

တကယ်လို့ သင်ဟာ အရက်ဖြတ် ဖို့ ကြိုးစားနေသူတစ်ဦးဆိုပါက အရက်စဖြတ်ချိန်မှာ ရရှိနိုင်တဲ့ ဆိုးကျိူးတွေကြောင့် တွန့်ဆုတ်နေရပြီလား။ အရက်ဖြတ်လိုက်ရင် ကျန်းမာရေးအတွက် များစွာအထောက်အကူပြုတဲ့အတွက်လည်း ကြိုးစားပြီးအရက်ဖြတ်ချင်ကြပါလိမ့်မယ်။ ယခုဆောင်းပါးလေးမှာတော့ အရက်ဖြတ်လိုက်ခြင်းဖြင့် ဖြစ်ပေါ်လာနိုင်မယ့် ကောင်းကျိုးနဲ့ ဆိုးကျိုးတွေကို ယှဉ်တွဲဖော်ပြပေးလိုက်ပါတယ်။ အရက်စဖြတ်ပြီဆိုတာနှင့် သင့်တစ်ကိုယ်လုံးမှာ အောက်ပါအချက်တွေ ဖြစ်ပေါ်လာပါလိမ့်မယ်။ (၁) အရက်နာကျခြင်း ထူးဆန်းတာက ဒီလိုအရက်နာကျလက္ခဏာကို ခံစားနေရခြင်းဟာ ပုံမှန်ပဲဖြစ်ပါတယ်။ အရက်ကို အမြဲသောက်သုံးနေရာကနေ ရုတ်တရက်ရပ်တန့်ပစ်မယ်ဆိုပါက ဆေးဝါးတစ်ခုခုအကူအညီကိုတော့ ယူရစမြဲဖြစ်ပါတယ်။ (၂) အသားအရေကောင်းမွန်လာခြင်း အရက်သောက်ခြင်းဟာ အရေပြားရှိ သွေးကြောများကိုကျယ်စေပြီး မျက်နှာကိုနီမြန်းစေပါတယ်။ ဒါကြောင့် အရက်ဖြတ်ပြီးနောက် ရေများများပြန်လည်သောက်မယ်ဆိုပါက အရေပြားကို သဘာဝအစိုဓာတ်ပြန်လည်ရရှိစေပြီး စိုပြေတောက်ပစေပါလိမ့်မယ်။ အရေးကြောင်းတွေလည်း ပြန်လည်မှေးမှိန်လာမှာဖြစ်ပါတယ်။ (၃) ချဉ်ခြင်းတပ်ခြင်း အရက်ဟာ ကာလ ကြာမြင့်စွာသောက်သုံးမယ်ဆိုပါက အလွန်စွဲလမ်းစေသော အရာတစ်ခုဖြစ်ပါတယ်။ဒါကြောင့် အရက်ဖြတ်ပြီးချိန်မှာတောင်မှ အရက်သောက်လိုစိတ်ဖြစ်ပေါ်ပါလိမ့်မယ်။အထူးသဖြင့် ဒင်နာနှင့်ပွဲလမ်းသဘင်တွေမှာပေါ့။ ဒီလို အရက်ဘီယာသောက်လိုစိတ်ဟာ အရက်ဖြတ်ပြီးသူအတော်များများမှာ ဖြစ်လေ့ရှိတဲ့ ကိစ္စတစ်ခုပဲဖြစ်ပါတယ်။ (၄) ဘေးပတ်ဝန်းကျင်ဖိအား ဒါဟာ […]

ဒါက ဆေးရုံတွေမှာ ကြားနေကြစကားပါ။ ခွဲစိတ်ဖို့ ဆုံးဖြတ်လိုက်ပြီဆို ခွဲမယ့်နည်းလမ်းကို စဉ်းစားရပါတယ်။ လူနာရဲ့ အခြေအနေရော၊ ရောဂါရဲ့ အခြေအနေရောက ဘယ်လိုခွဲခွဲ အဆင်ပြေတယ်ဆိုရင် ဆရာဝန်တွေ မေးလေ့ရှိတာက 'ရိုးရိုးခွဲမှာလား၊ အပေါက်လေးဖောက်ပြီး ခွဲမှာလား'။ လူနာအများစုကတော့ သိပ်နားမလည်ဘူးပေါ့။ ဒီဆောင်းပါးမှာ ဒါက ဘာတွေကို ပြောတာလဲ။ အားသာချက်၊ အားနည်းချက်တွေ ဘာရှိလဲဆိုတာ ပြောပြပေးပါ့မယ်။ သမားရိုးကျခွဲတယ်ဆိုတာ သမားရိုးကျ ခွဲတယ်ဆိုတာ အရင်လို ခွဲကြောင်းပေးပြီး ဓားနဲ့ ခွဲတာကို ဆိုလိုတာပါ။ ရုပ်ရှင်ထဲမှာ မြင်ဖူးနေကြပုံစံပေါ့။ ခွဲစိတ်မှုအများစုက သမားရိုးကျခွဲနည်းကိုပဲ သုံးကြပါတယ်။ သူ့မှာလည်း အားသာချက်၊ အားနည်းချက်တွေ ရှိပါတယ်။ အားသာချက်တွေကတော့ ခွဲစိတ်မှုမြင်ကွင်းကို ရှင်းရှင်းလင်းလင်း မြင်ရတယ်။ ကိုယ်တွင်းအင်္ဂါတွေကို လက်နဲ့ ထိတွေ့ပြီး ကိုင်တွယ်ရတဲ့အတွက် အပူချိန်၊ အပျော့အမာ စတာတွေကို ခံစားသိရှိနိုင်တယ်။ လိုအပ်ရင် […]