ဆောင်းရာသီမှာ ခြေထောက်လေးတွေကို ဒီလိုဂရုစိုက်

ဆောင်းရာသီက အသားခြောက်တဲ့ရာသီပါ။ဆောင်းရာသီမှာ အသားအရေကို ဂရုစိုက်ဖို့လိုသလိုခြေထောက်တွေကိုဂရုစိုက်ဖို့ကလည်း အရမ်းအရေးကြီးပါတယ်။ လူတော်တော်များများကဆောင်းရာသီမှာ အသားအရေကို အဓိကထားဂရုစိုက်ကြပေမယ့်ခြေထောက်လေးတွေကို ဂရုစိုက်ဖို့ကိုတော့မေ့နေတတ်ကြပါတယ်။ တကယ်တော့ခြေထောက်လေးတွေကလူတစ်ယောက်အတွက်အရေးပါတဲ့ အစိတ်အပိုင်းလေးတွေဖြစ်တာကြောင့်ဆောင်းရာသီမှာ သူတို့လေးတွေကိုလည်း ဂရုစိုက်ပေးပါနော်။

ဆောင်းအေးအေးမှာခြေထောက်ကို ဒီလိုဂရုစိုက်ပါ

ဆောင်းရာသီမှာခြေထောက်လေးတွေ ကျန်းမာလှပနေစေဖို့ဆိုရင်တော့

ခြေထောက်ကို အစိုဓါတ်ထိန်းပေးပါ

ဒီအချက်ကခြေထောက်ကျန်းမာနေစေဖို့ မဖြစ်မနေလိုက်နာရမယ့် အချက်တစ်ချက်ပါ။ဆောင်းရာသီလိုအေးမြတဲ့အချိန်မှာခြေထောက်တွေကို တစ်နေ့ကို အနည်းဆုံး ၃ ကြိမ် ၄ ကြိမ်လောက်တော့ အစိုဓါတ်ထိန်းပေးပါ။ခြေထောက်အသားအရေခြောက်သွားတိုင်းလူးပေးပါ။

ခြေထောက်ကိုေနွးနွေးထွေးထွေးထားပါ

ဒီအချက်ကလည်း လိုက်နာသင့်တဲ့ အချက်တစ်ခုပါ။ဆောင်းအရမ်းအေးတဲ့အခါခြေထောက်ကိုနွေးအောင်ထားပေးတာကခြေထောက်အသားအရေကို ထိန်းသိမ်းရာရောက်သလို ခန္ဓါကိုယ် အပူချိန်ကို ထိန်းညှိရာရောက်ပါတယ်။ ဒါကြောင့်ဆောင်းရာသီခြေညှပ်ဖိနပ်တွေအစားခြေထောက်နွေးစေမယ့် ဖိနပ်တွေကို ဝတ်ဆင်ပေးပါ။

ရေများများသောက်ပါ

ရေကခြေထောက်အတွက်ရော၊ အသားအရေအတွက်ရော တစ်ကိုယ်လုံးကျန်းမာရေးအတွက်ပါကောင်းပါတယ်။ ကိုယ်တွင်းအင်္ဂါတွေအတွက်လည်း လိုအပ်တဲ့အရာတစ်ခုပေါ့။ဆောင်းရာသီမှ အသားခြောက်တာ ကင်းဝေးစေဖို့ရေများများသောက်ပေးပါ။

ခြေအိတ်စွပ်ပါ

ဆောင်းရာသီမှာခြေအိတ်လေးတွေစွတ်ထားပေးတာကခြေထောက်ကိုနွေးစေပြီးပြင်းထန်တဲ့ ရာသီဥတုကနေ ကာကွယ်ရာရောက်ပါတယ်။ တကယ်လို့ သင့်မှာခြေအိတ်စွပ်တတ်တဲ့ အကျင့်မရှိဘူးဆိုရင်တောင်မှဆောင်းရာသီမှာတော့ခြေအိတ်စွပ်ပေးပါ။

ခြေထောက်ကဆဲလ်သေတွေကို ဖယ်ရှားပေးပါ

ဆဲလ်သေတွေကြောင့်ခြေထောက်အရေပြားတွေၤ ကြမ်းတမ်းအက်ကွဲတာပိုဖြစ်နိုင်ပါတယ်။ ဒါကြောင့်ဆောင်းရာသီမှာ တစ်ပတ်ကို တစ်ကြိမ်လောက်ကြေးတွန်းကျောက်ကိုသုံးပြီးခြေထောက်ကဆဲလ်သေတွေကို ဖယ်ရှားပေးပါ။

ခြေထောက်ကိုရေနွေးစိမ်ပေးပါ

ဒါကလည်းခြေထောက်ကိုသွေးလည်ပတ်မှုကောင်းစေပြီး ကျန်းမာစေဖို့ အထောက်အကူပြုနိုင်မှာပါ။ ဒါကြောင့်ခြေထောက်ကို ၃ ရက်တစ်ကြိမ်လောက်ရေနွေးနွေးလေးထဲစိမ်ပြီး လက်ချောင်းလေးတွေ သုံးလို့ နှိပ်နယ်ပေးပါ။ အသားအရေကိုလည်းကောင်းမွန်စေဖို့ အထောက်အပံ့ဖြစ်စေမှာပါ။

ခြေသည်းတွေညှပ်ပါ

ဆောင်းရာသီမှာခြေသည်းရှည်တွေထားတာကခြေထောက်ကို ပိုးဝင်လွယ်စေနိုင်ပါတယ်။ ဒါကြောင့်ခြေသည်းလေးတွေကို ခပ်တိုတိုလေးညှပ်ပေးထားပါ။ ဒီလိုလုပ်တာကြောင့်ခြေထောက်မတော်တဆထိခိုက်မိနိုင်ခြေနည်းသွားနိုင်သလိုခြေထောက်ကို မှိုပိုးလိုမျိုး ပိုးဝင်ကူးစက်မှုတွေကနေ ကာကွယ်ပြီးသားဖြစ်သွားပါတယ်။

ခြေသည်းတွေကို ဆီလိမ်းပေးပါ

ဆောင်းရာသီမှာ ဂရုစိုက်ဖို့လိုတဲ့နောက်အစိတ်အပိုင်းတစ်ခုကခြေသည်းပါ။ခြေသည်းလေးတွေကိုလည်းခြေထောက်အရေပြားလိုပဲ ဂရုစိုက်ရပါမယ်။ ဒါကြောင့်ခြေထောက်ကို အစိုဓါတ်ထိန်းသလိုပဲခြေသည်းလေးတွေကို ဆီတစ်မျိုးမျိုးလိမ်းပေးပါ။ အုန်းဆီလိမ်းပေးမယ်ဆိုရင်ခြေသည်းတွေကို ဘက်တီးရီးယားတွေ အန္တရာယ်ကနေ ကာကွယ်ပေးနိုင်မှာဖြစ်သလိုခြေသည်းလေးတွေကို အစိုဓါတ်ရစေပြီး ကျန်းမာသန်စွမ်းစေမှာပါ။ခြေသည်းတွေဆောင်းအအေးဒဏ်ကြောင့် ကြွပ်ဆတ်ကွဲအက်တာမျိုးမဖြစ်အောင် ကာကွယ်ပေးပါတယ်။

ကဲဆောင်းရာသီမှာခြေထောက်လေး အလှမပျက်စေဖို့ ဒီနည်းလေးတွေ သုံးလိုက်ပါ……