ရာသီမလာခင် ဝမ်းချုပ်တဲ့ပြဿနာကို ဘယ်လို ဖြေရှင်းမလဲ။

ရာသီမလာခင် အကြို ကာလမှာ ဝမ်းချုပ်တာကြောင့် စိတ်ညစ်နေတဲ့ လေဒီလေးတွေ ရှိလား။ ဒါဆိုရင်တော့ ဒီ ဆောင်းပါးလေးက သင့်အတွက်ပါ။

ရာသီမလာခင်ကာလမှာ ဝမ်းချုပ်တတ်လား။

ဝမ်းချုပ်စေနိုင်တဲ့ အကြောင်းအရင်း အများကြီး ရှိပါတယ်။ ဒီထဲမှာမှ ကိုယ်တွင်း ဟော်မုန်း ပြောင်းလဲမှုကလည်း တစ်ခု အပါအဝင်ပါ။

ရာသီမလာခင်မှာ ဝမ်းချုပ်တာမျိုး ခံစားရနိုင်ပါတယ်။ လေဒီတိုင်းလား ဆိုတော့ မဟုတ်ပါဘူး။ ရာသီမလာခင်မှာ ဝမ်းချုပ်ရတာက ကိုယ်တွင်းမှာ estrogen နဲ့ progesterone ဟော်မုန်း ပမာဏကို ညီမျှအောင် လုပ်ဆောင်နေရတာကြောင့်ပါ။

ကိုယ်တွင်းမှာ ဟော်မုန်း ပြောင်းလဲတာက သားဥကြွေတာကိုတင် မဟုတ်ဘဲ အစာခြေစနစ် အပေါ်မှာပါ သက်ရောက်မှု ရှိစေတာပါ။ ကိုယ်တွင်းမှာ progesterone ဟော်မုန်း များရခြင်းက လေဒီတွေကို ရာသီ အကြို ကာလမှာ ဝမ်းချုပ်စေရတဲ့ အဓိက အကြောင်းအရင်းတစ်ရပ်ပါ။

ဒီ ဝမ်းချုပ်တာက ရာသီသွေး မဆင်းခင်ကနေပြီး သားဥကြွေပြီးချိန် ရက်အနည်းငယ်အထိ ကြာမြင့်နိုင် ပါတယ်။

ရာသီအကြို ဝမ်းချုပ်တာကို သက်သာစေဖို့

လေဒီတွေကို အနေရခက်စေတဲ့ ရာသီအကြို ဝမ်းချုပ်တာကို သက်သာစေဖို့

အမျှင်ဓာတ် ကြွယ်ဝတာကို စားသုံးပါ

အမျှင်ဓာတ်က ဝမ်းမှန်စေဖို့နဲ့ ဝမ်းပျော့ပျော့သွားစေဖို့ အကောင်းဆုံး အားဖြည့်ပေးနိုင်ပါ။ အူတွေရဲ့ လှုပ်ရှားမှုကို ကောင်းစေပြီး ရာသီလာချိန်မှာ ဖြစ်တဲ့ ဟော်မုန်း အပြောင်းအလဲကြောင့် အစာခြေစနစ် အပေါ် သက်ရောက်မှုကို အကောင်းဆုံး ကျော်ဖြတ်နိုင်စေပါတယ်။

ဒါကြောင့် စားသုံးတဲ့ အစားအစာတွေထဲမှာ

• ပန်းသီး 
• ပန်းဂေါ်ဖီစိမ်း
• မုန်လာဥနီ
• အုတ်ဂျုံ
• သစ်တော်သီး
• ရက်စ်ဘယ်ရီ
• ပဲသီး စတာတွေ ပါဝင်အောင် စားပေးပါ။

ရေများများ သောက်ပါ 

ဝမ်းမှန်စေဖို့ နဲ့ ဝမ်းပျော့ပျော့ သွားစေဖို့ ရေများများ သောက်ဖို့ လိုပါမယ်။ ဒါကြောင့် ရေကို အနည်းဆုံး ၈ ခွက် ပုံမှန် သောက်ပေးပါ။

လေ့ကျင့်ခန်း လုပ်ပါ

လေ့ကျင့်ခန်း လုပ်ပေးတာက အူတွေကို လှုပ်ရှားစေဖို့ လှုံဆော်ပေးပါတယ်။ အစာကြေစေဖို့ရော ဝမ်းမှန်စေဖို့ပါ ကူညီပေးတာပါ။ မြင်သာအောင် ပြောပြရရင် အစားစားပြီး လမ်းလျှောက်တဲ့အခါ အစာကြေတယ် ဟုတ်။

ဝမ်းသွားချင်တဲ့အခါ အိမ်သာကို ချက်ချင်းသွားပါ

ဝမ်းသွားချင်တယ်၊ လို့ ခံစားမိပြီ ဆိုတာနဲ့ အိမ်သာကို ချက်ချင်း သွားပါ။ ဦးနှောက် နဲ့ ခန္ဓာကိုယ်ရဲ့ ခံစားရမှုတွေက တိုက်ရိုက် သက်ရောက်မှု ရှိနေလို့ပါ။ ဝမ်းသွားချင်တာကို မသွားဘဲ အောင့်ထားလိုက်မယ် ဆိုရင် ဝမ်းချုပ်စေမှာ အသေအချာ ပါပဲ။