အမျိုးသမီးများတွင် ဖြစ်လေ့ရှိသည့် ဟော်မုန်းမမျှတခြင်း

အက်စရိုဂျင်ဟော်မုန်း (Estrogen) တစ်နည်းအားဖြင့် မဟော်မုန်းတွေကို အမျိုးသမီးတွေမှာ အများဆုံးတွေ့ရပြီး အမျိုးသားတွေမှာလည်း ပမာဏတစ်ခုထိ တွေ့ရနိုင်ပါတယ်။ အမျိုးသမီးတွေအတွက် မဟော်မုန်းရဲ့ လုပ်ဆောင်ချက်တွေကတော့ မျိုးပွားစနစ်၊ အရိုးနဲ့ အရေပြားကျန်းမာစေဖို့၊ လိင်မှုကိစ္စ၊ အမျိုးသမီးများ ရာသီစက်ဝန်းကို ပုံမှန်လည်ပတ်စေဖို့ပဲ ဖြစ်ပါတယ်။ ပုံမှန်အားဖြင့် မိန်းကလေးတွေမှာ အပျိုဖော်ဝင်ကာစမှ အသက် ၄၀ မတိုင်ခင်အထိကာလသည် မဟော်မုန်းထုတ်လုပ်မှုနှုန်း အမြင့်ဆုံးကာလအဖြစ် သတ်မှတ်ထားပြီး အဲ့နောက်ပိုင်းမှသာ ကိုယ်ခန္ဓာက ဟော်မုန်းထုတ်လုပ်တဲ့ နှုန်းကျဆင်းလာကာ မဟော်မုန်းချို့တဲ့တဲ့ အခြေအနေကို ရောက်ရှိပါတယ်။ မဟော်မုန်းနည်းတဲ့အခါ ဘယ်လိုလက္ခဏာတွေ တွေ့ရတတ်လဲ။ • မိန်းမကိုယ်မှ စိုစွတ်မှုနည်းသွားပြီး ခြောက်သွေ့လာခြင်း • လိင်ဆက်ဆံစဉ် အလွန်အမင်း နာကျင်ခြင်း • ရာသီလာချိန် ပုံမှန်မဟုတ်ခြင်း သို့မဟုတ် ရာသီထိန်သွားခြင်း • စိတ်ခံစားချက် အပြောင်းအလဲမြန်ခြင်း • ဆီးလမ်းကြောင်း ကျဉ်းသွားပြီးနောက် ပိုးဝင်ရန်လွယ်ကူသွားခြင်း • ရုတ်တရက် အချမ်းတက်ခြင်း • ရင်သားက […]

မဟော်မုန်းဆိုတာ ဘာလဲ။ အမျိုးသမီးတစ်ယောက် ကိုယ်ခန္ဓာဖွံ့ဖြိုးမှုနဲ့ ကျန်းမာရေးအတွက် ကိုယ်ခန္ဓာကနေ မဟော်မုန်းတွေ ကို အများအပြား ထုတ်လွှတ်ပေးရပါတယ်။ အမျိုးသမီးတွေအတွက် မရှိမဖြစ် အဓိကအကျိုးပြု မဟော်မုန်းကတော့ အက်စထရိုဂျင်ဟော်မုန်းပါပဲ။ ဒီဟော်မုန်းက အပျိုဖော်ဝင်စကနေ အသက် ၄၀ မတိုင်ခင်အထိ ပုံမှန်ထုတ်လွှတ်ပေးနေပြီး အဲ့ဒီနောက်ပိုင်းမှာ ဟော်မုန်းထုတ်လွှတ်နှုန်းက ကျဆင်းသွားပါတယ်။ မဟော်မုန်းရဲ့ လုပ်ဆောင်ချက်တွေက ဘာလဲ။ • အမျိုးသမီးများရဲ့ ရင်သားကို ကြီးထွားလာစေခြင်း • အရိုးအားကောင်းစေခြင်း • ခန္ဓာကိုယ်ရဲ့ ဇီဝကမ္မပြောင်းလဲမှုဖြစ်စဉ်များကို ပုံမှန်လည်ပတ်အလုပ်လုပ်စေခြင်း • ကိုယ်အလေးချိန်ကို ထိန်းညှိပေးခြင်း • မိန်းမကိုယ် ကျန်းမာစေခြင်း • လိင်စိတ်ဆန္ဒကို မြှင့်တင်ပေးခြင်း စတဲ့နေရာတွေမှာ ကူညီပေးပါတယ်။ အမျိုးသမီးတစ်ယောက် အပျိုဖော်ဝင်ကာစအရွယ်ကနေ အသက်ကြီးတဲ့အထိ မဟော်မုန်းတွေကို အဆက်မပြတ်ထုတ်လုပ်ပေးနေပြီး ဘဝသက်တမ်းတစ်လျှောက်လုံးမှာ ကျန်းမာစေဖို့ ကူညီပံ့ပိုးပေးပါတယ်။ မဟော်မုန်းနည်းလာတဲ့အခါ ခန္ဓာကိုယ်မှာ ဘယ်လိုပြောင်းလဲမှုမျိုး တွေ့ရတတ်လဲ။ အတွေ့များတဲ့ လက္ခဏာတွေကတော့ • မိန်းမကိုယ်မှ စိုစွတ်မှုနည်းသွားပြီး ခြောက်သွေ့လာခြင်း • […]

အမျိုးသမီးကျန်းမာရေးအတွက် မရှိမဖြစ်လိုအပ်တဲ့ မဟော်မုန်း ဓာတ်ဆိုတာကတော့ အက်စထရိုဂျင်ဟော်မုန်း (Estrogen) နဲ့ ပရိုဂျက်စတီရုန်းဟော်မုန်း (Progesterone) တို့ပဲဖြစ်ပါတယ်။ အက်စထရိုဂျင်ဟော်မုန်းသည် အမျိုးသမီးတွေရဲ့ ကိုယ်ခန္ဓာအချိုးအစားလှပစေဖို့၊ မျိုးအောင်နိုင်စေဖို့ ကူညီပေးပြီး ပရိုဂျက်စတီရုန်းဟော်မုန်းကတော့ ရာသီစက်ဝန်းမှန်စေဖို့၊ ကိုယ်ဝန်ဆောင်ကာလအတွင်း မိခင်နဲ့ ကလေးကို ကျန်းမာစေဖို့ ပံ့ပိုးပေးနိုင်ပါတယ်။ အမျိုးသမီးတွေ အပျိုဖော်ဝင်ကာစ ဆယ်ကျော်သက်အရွယ်မှာ မဟော်မုန်းပမာဏဟာ အဆမတန် မြင့်တက်လာပြီး အသက် ၂၀ မှ ၄၀ ကြားကာလဟာ မဟော်မုန်းပမာဏ မြင့်တက်မှု အများဆုံးအချိန်လို့ ဆိုနိုင်ပါတယ်။ ကိုယ်ဝန်ဆောင်ချိန်၊ ရာသီသွေးဆုံးချိန်မှာတော့ ပမာဏပြန်နည်းသွားကာ ဟော်မုန်းမျှခြေကို ကမောက်ကမဖြစ်စေတတ်ပါတယ်။ ဒီလိုဟော်မုန်းမျှခြေပျက်ယွင်းတဲ့အခါ အမျိုးသမီးတွေရဲ့ စိတ်ခံစားချက်ပိုင်းဆိုင်ရာ၊ လိင်စိတ်ဆန္ဒ၊ အရိုးနဲ့ ကြွက်သား၊ ရုပ်ခန္ဓာကျန်းမာရေး ဒါတွေအားလုံးကို သွားပြီး အဆိုးဘက်ကသက်ရောက်မှု ဖြစ်စေနိုင်ပါတယ်။ ဒီအတွက်ကြောင့် အမျိုးသမီးတွေအတွက် မဟော်မုန်းပမာဏဟာ အလွန်အရေးကြီးပြီး […]

အရွယ်စုံ အမျိုးသမီးတွေရဲ့ နေ့စဉ် ဘဝမှာရော မသဘာဝ ကိုဖော်ဆောင်ရာမှာပါ အတော်လေးအရေးပါတဲ့ မ ဟော်မုန်းဓာတ် ( estrogen ) အကြောင်းကို လက်လှမ်းမီသလောက် ပြောပြပေးချင်စိတ်ဖြစ်လာတာမို့ သည်ဆောင်းပါးလေးကို ရေးပါတယ်။ ဆေးပညာရှုထောင့်ချည်း သတ်သတ်မဟုတ်ဘဲ မိမိကိုယ်ထဲမှာရှိနေတဲ့ ဓာတ်တစ်ခုရဲ့ အလုပ်လုပ်ပုံနဲ့ ကောင်းကျိုးလေးတွေကို သိထားစေချင်တာပါ။ ရာသီမမှန်ဘူး၊ နေမထိထိုင်မသာဖြစ်တယ်၊ အသားအရေ မွဲပြီး ခြောက်တယ်၊ အိမ်ထောင်ရေးသုခ မပြည့်ဝဘူး၊ သွေးဆုံးကိုင်ချင်တယ် စတဲ့ အမျိုးသမီး အများစုအတွက် မရိုးနိုင်တဲ့ ပြဿနာတွေရဲ့ အစက သည်ဟော်မုန်းဖြစ်နေတာကြောင့်ပါ။ သူ့အကြောင်းကို သေချာသိပြီးသွားပြီဆိုရင်တော့ သူမရှိတော့တဲ့ သွေးဆုံးချိန်မှာ ကြုံရတတ်တဲ့ စိတ်ပိုင်းဆိုင်ရာ ရုပ်ပိုင်းဆိုင်ရာ အပြောင်းအလဲ လေးတွေ အကြောင်းကို လည်း သီးသန့်ဆောင်းပါး လေးတွေနဲ့ ပြောပြပေးသွားပါမယ်။ မ ဟော်မုန်းဓာတ် လို့သာပြောပေမယ့် […]

ဟော်မုန်းဆိုတာ လူတစ်ယောက်ရဲ့ ကျန်းမာရေးနဲ့ စိတ်အခြေအနေတွေအားလုံးကို အုပ်စိုးထားတဲ့အရာတစ်ခုလေ။ အထူးသဖြင့် မိန်းကလေးတွေမှာပေါ့။ ဟော်မုန်းမမျှတ တာဖြစ်တတ်တဲ့ သွေးဆုံးခါနီးသူတွေကို ကြည့်ပါလား။ ဟော်မုန်းတွေ အပြောင်းအလဲဖြစ်တာကြောင့် တော်ကြာနေရင်း အေးလိုက် တော်ကြာနေပူလိုက် ဓမ္မတာလည်း လာလိုက်မလာလိုက်နဲ့ မီးယပ်ပြဿနာတွေဖြစ်ရတာပေါ့။ ကိုယ်က သွေးဆုံးခါနီးအရွယ်ကို မရောက်သေးပေမယ့် ကိုယ့်ဆီမှာ ဟော်မုန်းမမျှတတဲ့ ပြဿနာရှိနေရင် ဘယ်လိုလက္ခဏာတွေပြလဲ ဆိုတာကြိုသိထားတော့ မမှားဘူးပေါ့။ ဟော်မုန်းဓာတ်တွေ ညီညွတ်မျှတမှ ဓမ္မတာစက်ဝန်းမှန်မယ်။ စိတ်တိုစိတ်ရှုပ် စိတ်ဖိစီးတာတွေကင်းမှာလေ။ ဒီတော့ ဟော်မုန်းမမျှတ အပြောင်းအလဲ ဖြစ်နေပြီဆိုတဲ့ လက္ခဏာတွေက ဘာတွေလဲ  ( ၁ ) ရုတ်တရက် ကိုယ်အလေးချိန် အများကြီးတက်လာမယ်။ ဟော်မုန်းမမျှတ ခြင်း ရဲ့ လက္ခဏာ တစ်ခုက ကိုယ်အလေးချိန်တွေ ရုတ်တရက်အများကြီးတက်လာပြီး ပြန်ချဖို့ ခက်ခဲတတ်ပါတယ်။ အထူးသဖြင့် အီစတိုဂျင်၊ cortisol နဲ့ အင်ဆူလင်ဟော်မုန်းတွေ […]

လေဒီလေးတွေအတွက် အရေးပါတဲ့ဟော်မုန်းလေးတစ်ခုအကြောင်း နည်းနည်းလောက်ဆွေးနွေးချင်ပါတယ်။ ဒီ ဟော်မုန်းက များလည်း မကောင်းသလို နည်းလည်း မကောင်းပြန်ပါဘူး။ မရှိလို့မဖြစ်အောင် အရေးပါတဲ့ဟော်မုန်းလေးနဲ့ ပတ်သက်လို့လေဒီတိုင်း သိထားလို့ရအောင် ဒီဆောင်းပါးလေးကနေပြောပြပေးပါရစေနော်။ အက်စထရိုဂျင် ဟော်မုန်း လေဒီလေးတိုင်းအတွက်လိုအပ်တဲ့ဟော်မုန်းပါ။ မိန်းကလေးတွေဖွံ့ဖြိုးကြီးထွားဖို့အတွက် အရေးပါတဲ့ဟော်မုန်းတစ်မျိုးပါ။ အပျိုဖော်စဝင်ချိန်မှာ သားဥအိမ်က လစဉ်ရာသီလာချိန်မှာ ထုတ်ပေးပါတယ်။ ရာသီစက်ဝန်းတဝက်ခန့်မှာဟော်မုန်းပမာဏကိုမြင့်တက်စေပြီး မျိုးဥတွေကိုကြွေစေနိုင်ပါတယ်။ မျိုးဥကြွေပြီးချိန်မျာဟော်မုန်းပမာဏက သိသိသာသာလျော့ကျစေနိုင်ပါတယ်။ ဒီဟော်မုန်းဟာ များသောအားဖြင့်သွေးကြောတွေထဲမှာ အရည်ပုံစံနဲ့ စီးဆင်းနေပါတယ်။ ခန္ဓါကိုယ်တစ်ရှုးတွေထဲက ဆဲလ်တွေနဲ့ အပြန်အလှန်ဓါတ်ပြုပါတယ်။ အက်စထရိုဂျင်ဟော်မုန်းဟာ ပရိုဂျက်စတင်ဟော်မုန်းနည်းတူ အမျိုးသမီးတွေအတွက် အရေးပါတဲ့ဟော်မုန်းတစ်မျိုးပါ။ ကိုယ်ဝန်မြဲစေဖို့နဲ့ သားအိမ်ထဲမှာ မမျိုးဥတွေဖြစ်ပေါ်စေဖို့ ပရိုဂျက်စတင်ဟော်မုန်းက လုပ်ဆောင်ပေးပါတယ်။ အက်စထရိုဂျင်ဟော်မုန်း ဘယ်နှမျိုးရှိလဲ အက်စထရိုဂျင်ဟော်မုန်းအမျိုးအစားက အကြမ်းဖျင်းအားဖြင့် ၃ မျိုးရှိနေတာပါ။ Estrone (E1) -အက်စထရိုဂျင်ဟော်မုန်းရဲ့ အပျော့စားပုံစံတစ်မျိုးပါ။သွေးဆုံးပြီးနောက်အမျိုးသမီးတွေမှာတွေ့ရတဲ့ဟော်မုန်းအမျိုးအစားပါ။ ခန္ဓါကိုယ်ထဲက တစ်ရှုးအများစုမှာရှိနေနိုင်ပြီး အထူးသဖြင့်ကတော့ ကြွက်သားနဲ့ အဆီတစ်ရှုးတွေမှာရှိနေနိုင်ပါတယ်။ ခန္ဓါကိုယ်ကestrone ကိုestradiol အဖြစ်ပြောင်းလဲပြီးestradiol ကိုestrone […]

လူတိုင်းမှာ ကျားဟော်မုန်း (Testosterone သို့မဟုတ် Androgen) နဲ့ မ ဟော်မုန်း (Estrogen) ဆိုပြီး ရှိပါတယ်။ အမျိုးသားတွေမှာတော့ ကျားဟော်မုန်းပိုများပြီး အမျိုးသမီးတွေမှာ မ ဟော်မုန်း ပိုများတာက ကိုယ်ခန္ဓာရဲ့ သဘာဝပါ။ ဒီလိုမဟုတ်ဘဲ ဟော်မုန်းမျှခြေ ပျက်ယွင်းတာ ဥပမာ - အမျိုးသမီးတွေမှာ ကျားဟော်မုန်း ပိုများတဲ့အခါ ဆိုရင် ကျန်းမာရေးနဲ့ ကိုယ်ခန္ဓာကို ထိခိုက်လာတော့မှာပေါ့။ ဒီနေ့ဆောင်းပါးလေးမှာ မ ဟော်မုန်းထက် ကျားဟော်မုန်း ပိုများနေတဲ့ အမျိုးသမီးတွေမှာ ဘယ်လိုပြဿနာတွေ ဖြစ်နိုင်လဲ၊ ဘယ်လိုကုသဖြေရှင်းမလဲဆိုတာကို ပြောပြပေးသွားမှာ ဖြစ်ပါတယ်။ ကျားဟော်မုန်းရဲ့ လုပ်ဆောင်ချက်က ဘာလဲ။ ကိုယ်ခန္ဓာကို ကြီးထွားဖွံ့ဖြိုးစေတယ်။ ကြွက်သားတွေကို သန်စွမ်းစေတယ်။ ကိုယ်တွင်းအင်္ဂါတွေကို ကျန်းမာစေတယ်။ အမျိုးသမီးတွေမှာဆိုရင် မျိုးပွားတစ်ရှူးတွေကို ပြုပြင်ပေးတယ်။ အရိုးအဆစ်တွေကို သန်မာစေပြီး အရိုးပါးရောဂါ […]

အမျိုးသမီးတော်တော်များများဟာသူတို့ရဲ့ဘဝသက်တမ်းမှာတစ်ကြိမ်ဒါမှမဟုတ်၂ကြိမ်လောက်တော့ဟော်မုန်းမညီမျှမှုကြောင့်ခေါင်းကိုက်တာကိုခံစားရဖူးပါတယ်။ ဖြစ်ရပ်တော်တော်များများမှာခေါင်းကိုက်တာနဲ့ရာသီသွေးဆင်းတာတို့ကြားမှာသိသာတဲ့ဆက်စပ်မှုရှိနေတယ်ဆိုတာကိုသတိထားမိခဲ့ပါတယ်။   ရာသီသွေးပေါ်ချိန်မှာခေါင်းကိုက်တာဟာရာသီသွေးပေါ်နေချိန်အတွင်းရက်အတော်ကြာကြာခံစားရလေ့ရှိသလိုရာသီသွေးပေါ်ချိန်ရဲ့ပထမ၃ရက်အတွင်းမှာလည်းခံစားရနိုင်ပါတယ်။ ဟော်မုန်းမညီမျှမှုကြောင့်ခေါင်းတစ်ခြမ်းကိုက်ရတဲ့အကြောင်းအရင်းကတော့အီစထရိုဂျင်ဟော်မုန်းပမာဏရုတ်တရက်ကျဆင်းသွားတာကြောင့်ဖြစ်ပါတယ်။ ရာသီသွေးပေါ်ချိန်မှာခံစားရလေ့ရှိတဲ့ခေါင်းကိုက်ဝေဒနာဟာတစ်ခါတလေမှာ ပြင်းထန်လေ့ရှိပြီးတစ်ခါတလေအမျိုးသမီးတွေအနေနဲ့သူတို့ရဲ့နေ့စဉ်လုပ်ဆောင်နေကျလုပ်ဆောင်မှုတွေကိုတောင်မလုပ်ဆောင်နိုင်တာမျိုးအထိဖြစ်တတ်ပါတယ်။   ရာသီသွေးပေါ်တာကပဲဟော်မုန်းမညီမျှမှုကြောင့်ခေါင်းကိုက်ရတဲ့တစ်ခုတည်းသောအကြောင်းအရင်းမဟုတ်ပါဘူး။ သားဆက်ခြားဆေးတွေကလည်းခေါင်းကိုက်တာကိုခံစားရစေနိုင်ပါတယ်။ အချို့အမျိုးသမီးတွေမှာတော့သားဆက်ခြားဆေးသောက်သုံးမှသူတို့အနေနဲ့ပိုမိုနေထိုင်ကောင်းသွားတာမျိုးလည်းရှိပါတယ်။ သားဆက်ခြားဆေးသောက်သုံးနေတာကိုရပ်တန့်လိုက်တဲ့အခါခေါင်းတစ်ခြမ်းကိုက်တဲ့ဝေဒနာကမကြာခဏဆိုသလိုခံစားရတာကိုတွေ့ရပါတယ်။ သွေးဆုံးတာနဲ့ကိုယ်ဝန်ဆောင်တာကလည်းဟော်မုန်းမညီမျှမှုကြောင့်ခေါင်းကိုက်တာကို ဖြစ်ပေါ်စေနိုင်ပါတယ်။ ခေါင်းကိုက်ဝေဒနာကကိုယ်ဝန်ဆောင်မီးဖွားကာနီး၆လအတွင်းမှာသက်သာပျောက်ကင်းသွားပြီးမွေးဖွားလာမယ့်ကလေးငယ်အပေါ်မှာအန္တရာယ်ဖြစ်စေတာမျိုးမရှိပါဘူး။   တကယ်လို့ဟော်မုန်းကြောင့်ဖြစ်တဲ့ခေါင်းကိုက်ဝေဒနာခံစားနေရတယ်လို့သံသယရှိပါက ဖြစ်နိုင်ခြေရှိတဲ့ဆက်စပ်အကြောင်းအရာကိုစစ်ဆေးဖို့အတွက်ရာသီသွေးပေါ်ချိန်၃ကြိမ်ထက်မနည်းကိုရေးမှတ်ထားပါ။ အဆိုပါရေးမှတ်ထားတာကကုသမှုမှာများစွာအထောက်အကူပြုနိုင်မှာဖြစ်ပါတယ်။   သွေးတွင်းသကြားဓါတ်ပမာဏကျဆင်းတာကိုထိန်းသိမ်းဖို့အတွက်နေ့ဘက်မှာပေါ့ပေါ့ပါးပါးစားလို့ရတဲ့သရေစာလေးတွေစားပေးတာကလည်းခေါင်းကိုက်တာကိုသက်သာလျော့ပါးစေပါတယ်။ ကျန်းမာတဲ့ဘဝနေထိုင်မှုပုံစံချမှတ်ရေးဆွဲတာနဲ့လေ့ကျင့်ခန်းမှန်မှန်လုပ်ပေးခြင်းအားဖြင့်စိတ်ဖိစီးမှုမရှိအောင်လုပ်ဆောင်တာနဲ့အိပ်ရေးဝဝအိပ်စက်တာတွေလုပ်ဆောင်ပေးဖို့လည်းအကြံပြုလိုပါတယ်။ အရမ်းကိုအလုပ်များလွန်းတဲ့ဘဝနေထိုင်မှုပုံစံကကျန်းမာရေးအပေါ်မှာဆိုးဆိုးဝါးဝါးထိခိုက်လွှမ်းမိုးနေပါတယ်။ ဘဝနေထိုင်မှုပုံစံကိုပြောင်းလဲလိုက်တာကခေါင်းကိုက်ဝေဒနာကိုသက်သာစေဖို့အတွက်လိုအပ်နေတဲ့တစ်ခုတည်းသောအရာဖြစ်နိုင်ပါတယ်။   အမျိုးသမီးတွေအားလုံမှာမတူကွဲပြားတဲ့အနေအထားတွေရှိပါတယ်။ တစ်ယောက်အတွက်အလုပ်ဖြစ်ပေမယ့်အခြားတစ်ယောက်အတွက်အလုပ်မဖြစ်တာမျိုးလည်းရှိနေနိုင်ပါတယ်။ အထက်မှာဖော်ပြထးတဲ့နည်းတွေအတိုင်းလုပ်ဆောင်ကြည့်ပေမယ့်တိုးတက်ကောင်းမွန်လာတာမရှိဘူးဆိုရင်အီစထရိုဂျင်ဟော်မုန်းအားဖြည့်ဆေးတွေ၊ ခေါင်းကိုက်ပျောက်ဆေးတွေသောက်သုံးဖို့လို၊မလိုကိုဆရာဝန်နဲ့တိုင်ပင်သင့်ပါတယ်။ ရာသီသွေးပေါ်ခါနီးကာလမှာဟော်မုန်းမညီမျှမှုကြောင့်ခေါင်းကိုက်တာကတော့ ဖြစ်လေ့ဖြစ်ထရှိတဲ့အနေအထားတစ်ရပ်ပါ။ ဟော်မုန်းအစားထိုးတဲ့ကုထုံးကဟော်မုန်းပမာဏညီမျှအောင်ထိန်းညှိပေးခြင်းဖြင့်ခေါင်းကိုက်ဝေဒနာသက်သာအောင်အထောက်အပံ့ပေးနိုင်မှာဖြစ်ပါတယ်။ Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။