ဆံသား ကျန်းမာရေးကို ထိန်းသိမ်းချင်တယ်။ ဘာတွေနဲ့ ထိန်းသိမ်းရမလဲ မသိဘူး ဆိုတဲ့သူလေးတွေရှိလား…… ဒါဆိုရင်တော့ ဆံသား ကျန်းမာအောင် ထိန်းသိမ်းပေးနိုင်မယ့် ရှာဖွေရလွယ်ကူတဲ့ ပစ္စည်းလေးတွေအကြေင်း ပြောပြပေးပါရစေလား……………
လက်တစ်ကမ်းအကွာမှာ ရှိနေတဲ့ ဆံသားထိန်းသိမ်းမှုပေးနိုင်တဲ့ ပစ္စည်းတွေက ဘာတွေများလဲ………
ဆံသားထိန်းသိမ်းမှုပေးနိုင်တဲ့ လက်လှမ်းမီနိုင်တဲ့ ပစ္စည်းလေးတွေက သတိမထားမိပေမယ့် တော်တော်လေးများပါတယ်။
ဆန်ဆေးရည်ကို ဒီအတိုင်းသွန်ပစ်မယ့်အစား ဆံသားကျန်းမာရေးအတွက် အသုံးပြုပေးလို့ရပါတယ်။ ဆန်ဆေးရည်မှာ ပရိုတင်း ၁၆ ရာခိုင်နှုန်းပါဝင်ပြီး ဆံသားကျန်းမာစေဖို့ အကောင်းဆုံး အားဖြည့်ပေးနိုင်ပါတယ်။ ဆန်ဆေးရည်မှာပါတဲ့ အဆီဓာတ်က ၊ ကာဗိုဟိုက်ဒရိတ်၊ inositol နဲ့ phytic အက်ဆစ်တို့က ဆံပင်ကဆဲလ်တွေကို ကျန်းမာစေပြီး အကောင်းဆုံး အားဖြည့်ပေးပါတယ်။
ဆံပင်လျှော်ပြီးတဲ့အခါ အသန့်ခံထားတဲ့ ဆန်ဆေးရည်ကို လောင်းချပြီး ဆေးပေးတာက ဆံပင်ကျွတ်တာနဲ့ ဆံပင်မဖြူအောင် ကာကွယ်ပေးနိုင်ပါတယ်။
ကြက်ဥကလည်း ဆံသားကို ကျန်းမာစေနိုင်ပါတယ်။ ကျိုးပျက်ခြောက်သွေ့နေတဲ့ ဆံသားတွေကို အားဖြည့်ပေးပါတယ်။ ကြက်ဥမှာ ဆံသားကျန်းမာရေးအတွက် အရေးပါတဲ့ ဗီတာမင် B အုပ်စုတွေဖြစ်ကြတဲ့ ဗီတာမင် B1 (thiamin)၊ B2 (riboflavin) နဲ့ B5 (pantothenic acid) တို့ပါဝင်နေပါတယ်။ ဆံသားကျန်းမာရေးကို အားဖြည့်ပေးတဲ့ ဖေလစ်အက်ဆစ်လည်း ပါဝင်ပါတယ်။
ကြက်ဥနဲ့ ဆံပင်ပေါင်းတင်တာက အရွယ်မတိုင်ခင် ဆံပင်ဖြူတာမျိုး မဖြစ်အောင် ကာကွယ်ပေးပါတယ်။
ဆံသားခြောက်သွေ့တာ၊ ဦးရေပြားခြောက်သွေ့တာနဲ့ ဗောက်ပြဿနာတွေကို ကင်းစေဖို့ဆိုရင် ဆံသားအရင်းကနေ အဖျားထိ၊ ဦးရေပြားတို့ကို အုန်းဆီ ပုံမှန်လိမ်းလို့ နှိပ်နယ်ပေးပါ။ ဆံသားကို ကျန်းမာသန်စွမ်းစေပြီး ဆံပင်ကျိုးတာ၊ ခြောက်တာ၊ ဆံပင်ကျွတ်တာတွေကို သက်သာစေနိုင်ပါတယ်။ ဆံသားကို ပရိုတင်းဓာတ်ဖြည့်ပေးပါတယ်။
ဆံသားတွေခြောက်သွေ့နေတယ်ဆိုရင် နှမ်းဆီကို အသုံးပြုပေးလို့ရပါတယ်။ ဟင်းချက်တဲ့အခါသုံးတဲ့ နှမ်းဆီကို ဆံပင်အရင်းကနေ အဖျားအထိ လူးပေးပါ။ ဦးရေပြားကိုလည်း လူပေးပြီး ၄၅ မိနစ်ကြာ ပလပ်စတစ်ခေါင်းစွပ်လေး စွပ်ထားပေးပါ။ ပြီးရင် ခေါင်းလျှော်ချလိုက်ပါ။
အရည်အသွေးမြင့် ဘီယာက ဆံပင်ကို ပျော့ပျောင်းနူးညံ့စေနိုင်ပါတယ်။ ခေါင်းကို စင်အောင်လျှော်ပြီး ဘီယာနဲ့ ဆေးချလို့ ၁၅ မိနစ်လောက်ထားပေးပါ။ ပြီးရင် ခေါင်းလျှော်ချလိုက်ပါ။ ဆံပင်ကို ပျော့ဆေးသုံးစရာမလိုဘဲ ပျော့ပျောင်းနက်မှောင်စေမှာပါ။
ဆံသားကို သန်စွမ်းစေပြီး ဦးရေပြားကို အေးမြစေနိုင်တဲ့ အာနိသင် ရှိပါတယ်။ စန္ဒကူးမှုန့်ကို ရေနဲ့ဖျော်ပြီး ဆံသားနဲ့ဦးရေပြားကို လိမ်းပေးရုံပါ။ ၁၅ မိနစ်လောက်ထားပြီးရင်တော့ ခေါင်းလျှော်ချလိုက်ပါ။
Green tea မှာ EGCG လို့ခေါ်တဲ့ ဓာတ်တိုးဆန့်ကျင်အာနိသင်ကြွယ်ဝစွာ ပါဝင်နေပါတယ်။ ဒါကြောင့် ဆံပင်ကို အဖျားကနေ အရင်းထိ ကျန်းမာစေနိုင်ပါတယ်။ ဆံပင်ကျွတ်တာ၊ ဆံပင်ပါးတာတွေ မဖြစ်အောင် ကာကွယ်ပေးနိုင်ပါတယ်။ ဗောက်တွေကိုလည်း သက်သာစေနိုင်ပါတယ်။
ခေါင်းလျှော်ပြီးတဲ့အခါ အအေးခံထားတဲ့ Green tea ကို ဆေးချလိုက်ရုံပါ။ ဆံသားကို ပျော့ပျောင်းပြီး အာဟာရဖြည့်ပေးသလို အဖျားနှစ်ခွမဖြစ်အောင်လည်း ကာကွယ်ပေးနိုင်ပါတယ်။ ဆံသားအရောင်တက်စေဖို့လည်း အကောင်းဆုံး အားဖြည့်ပေးပါတယ်။
ဆံသား ကျန်းမာစေဖို့ အကောင်းဆုံး အားဖြည့်ပေးပါတယ်။ ဗီတာမင် C ကြွယ်ဝမှုက ကော်လာဂျင်ထွက်ရှိအောင် လှုံ့ဆော်ပေးနိုင်သလို ဆံပင်ထူပြီး ဆံပင်အရှည်မြန်စေဖို့လည်း အားဖြည့်ပေးပါတယ်။ ဆံပင်နဲ့ဦးရေပြားကိုလည်း ရေဓာတ် ဖြည့်ပေးနိုင်ပါတယ်။
ဦးရေပြားကို သန့်စင်စေနိုင်သလို ပိုးမွှားတွေကို ဖယ်ရှားပေးနိုင်ပြီး ဆံသားပျက်စီးတာနဲ့ အရွယ်မတိုင်ခင် ဆံပင်ဖြူတာမျိုးတွေ မဖြစ်အောင် ကာကွယ်ပေးနိုင်ပါတယ်။ ကြိတ်ခြေပြီး ရလာတဲ့ အရည်ကို ဆံသားနဲ့ ဦးရေပြားကိုလိမ်းပေးရုံပါ။
