မျက်ခုံးထဲက ဆားဝက်ခြံ ဘယ်လိုဖြေရှင်းရမလဲ

ဝက်ခြံပေါက်တယ်ဆို ပါးနဲ့ နှာခေါင်းမှာပဲ အဖြစ်များကြပါတယ်။ မျက်နှာကို အသားအရေထိန်းသိမ်းရေးဆိုလည်း လုပ်လိုက်ကြတာပဲ။ ဂရုစိုက်ဖို့ကျန်နေတဲ့ တစ်နေရာက ရှိနေပါတယ်။ အလှပြင်တဲ့အခါ ခဲတံလေးတွေနဲ့ ဆွဲလေ့ရှိကြတဲ့ မျက်ခုံးပါပဲ။ မျက်ခုံးလှရင်၊ ပုံစံကျရင် မျက်နှာအလှမှာပြည့်စုံထင်ရှားစေတယ်ဆိုပေမယ့် အဲဒီမျက်ခုံးထဲမှာ ပုန်းနေတတ်တဲ့ဆားဝက်ခြံလေးတွေကြောင့် ပြဿနာရှိနိုင်ပါတယ်။

မျက်ခုံးမွေးရဲ့ အမြစ်အိတ်ထဲမှာ အဆီနဲ့ ဆဲလ်သေတွေပိတ်ဆို့လာတဲ့အခါ ဝက်ခြံဆိုတာဖြစ်လာပါတော့တယ်။ ဆားဝက်ခြံတွေလည်း ရှိနေနိုင်တယ်၊ တစ်ခါတစ်ခါ ရောင်ရမ်းတဲ့ ဝက်ခြံဖုတွေလည်းဖြစ်လာနိုင်တယ်။

အလှကုန်ပစ္စည်းတွေကြောင့်လည်းဖြစ်နိုင်တယ်

ကိုယ်အသုံးပြုနေတဲ့ အလှကုန်ပစ္စည်းတွေကြောင့်လည်း မျက်ခုံးထဲမှာ ဝက်ခြံဖြစ်စေနိုင်ပါတယ်။ မျက်နှာသစ်တဲ့အခါမှာ၊ မိတ်ကပ်ဖျက်တဲ့အခါ မျက်ခုံးကိုတော့သေချာသန့်စင်ဖို့ ဂရုမထားမိတတ်ကြပါဘူး။ မိတ်ကပ်လိမ်းတဲ့ပစ္စည်းတွေက မသန့်ရင်၊ ဘက်တီးရီးယားတွေရှိနေရင်လည်း ဝက်ခြံဖြစ်စေနိုင်ပါတယ်။

မျက်ခုံးထဲက ဝက်ခြံကို ဘယ်လိုလုပ်ရမလဲ

ဆားဝက်ခြံအပါအဝင် မျက်ခုံးက ဝက်ခြံတွေကို ပိုမဆိုးအောင်နဲ့ အမာရွတ်မကျန်စေအောင် ရှောင်ရမယ့်အချက်တွေက –

ဘယ်လိုကာကွယ်မလဲ

• တစ်နေ့နှစ်ကြိမ် မျက်နှာသစ်ပါ။ ချွေးတအားထွက်ထားတဲ့အခါ အဆီပြန်တာ ကာကွယ်ပြီး ဆဲလ်သေဖယ်ရှားနိုင်ဖို့ မျက်နှာသစ်ပါ။
• ခေါင်းပုံမှန်လျှော်ပါ။ ဆံပင်တွေ မျက်နှာပေါ်မကျအောင် ဂရုစိုက်ပါ။
• စိတ်ဖိစီးမှုကိုလျှော့ပါ။
• ချွေးပေါက်မပိတ်စေမယ့် အသားအရေထိန်းပစ္စည်းတွေကို သုံးပါ။
• အဆီနည်းတဲ့ နေရောင်ကာခရင်မ်သုံးပါ။