ကိုယ်ဝန် လနုစဉ် မူးဝေပျို့အန်ခြင်း

ကိုယ်ဝန် ရှိခါစ လနုစဉ်မှာ မူး‌ဝေပျို့အန်တတ်တာကို ရုပ်ရှင် ဇာတ်လမ်းတွေမှာရော လက်တွေ့ဘဝမှာပါ ကိုယ်ဝန်ဆောင် အမျိုးသမီးတော်တော်များများ ခံစားရတတ်ပါတယ်။ အဲ့ဒါကို morning sickness လို့ ခေါ်ပါတယ်။ စစ်တမ်းတွေအရ ၅၀% သော ကိုယ်ဝန်ဆောင်အမျိုးသမီးများဟာ ကိုယ်ဝန်ရှိခါစမှာ morning sickness ခံစားရတယ်လို့ဆိုပါတယ်။ ကိုယ်ဝန် ၆ပတ် လောက်ကနေ ၁၂ပတ်အတွင်း ဖြစ်တတ်ပြီး ကိုယ်ဝန် ၁၂ပတ် ကျော်ရင် သူ့အလိုလို ရပ်သွားတတ်ပါတယ်။ ကိုယ်ဝန်ရှိခါစမှာ အမျိုးသမီး ဟော်မုန်းများပြောင်းလဲမြင့်တက်လာခြင်းကြောင့် အော့အန်ချင်စိတ်များ ဖြစ်ပေါ်လာရပြီး အချို့သော အမျိုးသမီးများမှာတော့ ကိုယ်ဝန်ဆောင်စဉ်သက်တမ်းတလျှောက် တစ်ကြိမ်တစ်ခါမှ ပျို့အန်ချင်စိတ်မပေါ်ပေါက်ဘူးလို့ ဆိုပါတယ်။ နောက်ထပ် မှတ်သားစရာ တစ်ခုက morning sickness လို့သာခေါ်ပေမယ့် မနက်ပိုင်းမှာပဲ ဖြစ်တတ်တာမျိုးလည်းမဟုတ်ပါဘူးနော်။

ပုံမှန်အားဖြင့်တော့ Morning sickness ဟာ မိခင်အတွက်ရော သန္ဓေသားအတွက်ပါ အန္တရာယ်ရှိတဲ့ အခြေအနေတစ်ခုမဟုတ်တဲ့ အတွက် အရမ်းစိုးရိမ်စရာမလိုပါဘူး။ ဒါပေမယ့် အလွန်အမင်း အန်ခဲ့မယ်၊ ဘာအစာမှလည်း စားမဝင်တော့ဘူးဆိုရင်တော့ ရေ နဲ့ဓာတ်ဆားများ ဆုံးရှုံးကာ အာဟာရမမျှတခြင်းများဖြစ်လာနိုင်ပြီး သေချာစွာမကုသရင် မိခင်ရော ကလေးပါ အန္တရာယ်ရှိနိုင်ပါတယ်။

Morning sickness သက်သာစေဖို့ ဆောင်ရန်၊ ရှောင်ရန်များ

ဘယ်အချိန် ဆရာဝန်နဲ့ သွားပြရမလဲ။

• အလွန်အမင်း ပျို့အန်ပြီး မည်သည့်အစာမှ မျိုမကျလျှင်
• ပျို့အန်သည့်အပြင် ဗိုက်အောင့်ခြင်း၊ အဖျားတက်ခြင်းတို့ပါ ဖြစ်လာလျှင်
• ကိုယ်ဝန် ၁၂ပတ် ကျော်သည်အထိ မပျောက်နိုင်ဘဲ မူးဝေအော့အန်နေလျှင်

အထက်ပါ အခြေအနေတစ်ခုခုဖြစ်နေပြီဆိုရင်တော့ Hyperemesis gravidarum လို့ခေါ်တဲ့ ကိုယ်ဝန်ဆောင်စဉ် အလွန်အမင်း အော့အန်ခြင်းဖြစ်နေနိုင်ပြီး ရေနဲ့ ဓာတ်ဆားဆုံးရှုံးခြင်းများရှိနိုင်တဲ့အတွက် သားဖွားမီးယပ် ဆရာဝန်များနဲ့ အမြန်ဆုံးပြသရန်လိုအပ်ပါတယ်။

ရေးသားသူ – Dr. Saint