ကျောင်းနေအရွယ်ကလေးအတွက်အာဟာရ

ရွေးချယ်စရာတွေ များလာတာက ကောင်းပေမယ့် အမှားလည်း များနိုင်သလို အရွေးရခက်စေပါတယ်။ ဒီလို ရွေးချယ်စရာ များတာကြောင့် ဘာရွေးလို့ ရွေးရမှန်းမသိဖြစ်ရတဲ့အထဲမှာ သားသားမီးမီးတို့ရဲ့ ကြီးထွားဖွံ့ဖြိုးမှုအတွက် အာဟာရလိုအပ်ချက်ကို ဖြည့်ပေးမယ့် နို့ရွေးချယ်ရတာကလည်း တစ်ခု အပါအဝင်ပါပဲ။ အိမ်ရဲ့ ဆည်းလည်းလေးဖြစ်တဲ့ သားသားမီးမီးအတွက် အာဟာရပြည့်အောင် နို့တစ်မျိုးမျိုး ဒါမှမဟုတ် ဖြည့်စွက်အာဟာရတစ်မျိုးမျိုး တိုက်ချင်ပေမယ့် ဘာရွေးလို့ ရွေးရမှန်း မသိလို့ စိတ်ညစ်နေပြီလား မေမေဖေဖေ၊ ဖွားဖွား တီတီတို့ရေ ............ ဒီရွေးရခက်နေတဲ့ စိတ်ရှုပ်ထွေးစရာကိစ္စလေးကို ဖြေရှင်းနိုင်မယ့် အကြံကောင်းလေး မျှဝေချင်ပါတယ်။ သားသားမီးမီးတို့ကို အကောင်းဆုံးသော အရာတွေပဲ ပေးချင်တာက မိဘတိုင်း ဖိုးဖိုးဖွားဖွားတိုင်း တီတီတိုင်းရဲ့ ဆန္ဒပါ။ ဒီဆန္ဒလေးကို စိတ်ရှုပ်ထွေးမှု မရှိစေဘဲ ဖြည့်ပေးနိုင်ဖို့ ဆောင်းပါးလေးက ကူညီပေးနိုင်မှာပါ။ သားသားမီးမီးတို့ ကြီးထွားဖွံ့ဖြိုးဖို့အတွက် အကောင်းဆုံး ထောက်ပံ့ပေးနိုင်တဲ့အရာ ကလေးတွေ အကောင်းဆုံး ကြီးထွားဖွံ့ဖြိုးလာစေဖို့ဆိုရင် […]

မိဘတိုင်းက သူတို့ရဲ့ကလေးတွေကို ဉာဏ်ရည်ထက်မြက်ပြီး တော်တဲ့ကလေးတွေဖြစ်စေချင်ကြပါတယ်။ ဒါဆိုရင်တော့ ကလေးတွေကို မှန်ကန်တဲ့ အစားအသောက်တွေ၊ အာဟာရတွေဖြည့်တင်းပေးဖို့အပြင် Brain Gym Exercise လို့ခေါ်တဲ့ ဦးနှောက် ဖွံ့ဖြိုးစေမယ့် လေ့ကျင့်ခန်းတွေ သင်ကြားပေးဖို့လည်း လိုအပ်မှာပါ။ ဘာတွေလိုအပ်လည်း သေချာဆက်ရှင်းပြပေးပါမယ်နော်။ သားသားမီးမီးတွေ ရဲ့ ဦးနှောက်ကို ဖွံ့ဖြိုးစေမယ့် အစားအစာများ ကလေးတွေရဲ့ ဦးနှောက်ကောင်းမွန်စွာ ဖွံ့ဖြိုးစေဖို့ဆိုရင် မှန်ကန်တဲ့အစားအသောက်တွေကို မှီဝဲစေဖို့ က ပထမလိုအပ်ချက်ပါ။ အစားအစာတိုင်းမှာ အာဟာရဓာတ်တွေပါဝင်နေတာမှန်ပေမယ့် အကျိုးပြုပေးတဲ့ သဘောသဘာဝခြင်းတော့ တူညီမှာမဟုတ်ပါဘူး။ ဒါကြောင့် ကလေးတွေရဲ့ ဦးနှောက်ကို ဖွံ့ဖြိုးအောင် ကူညီပေးနိုင်တဲ့ အစားအစာတွေကို မိဘတိုင်းက သိထားဖို့ လိုအပ်မှာဖြစ်ပါတယ်။ သားသားမီးမီးတွေ ရဲ့ ဦးနှောက်ကို အကောင်းဆုံး ဖွံ့ဖြိုးစေနိုင်တဲ့ အစားအစာတွေကတော့ အောက်ပါအတိုင်းပါပဲ။ ပင်လယ်ငါး - DHA နဲ့ EPA […]

ကလေးတစ်ယောက်ကို ပျိုးထောင်ရတာ လွယ်ကူတဲ့ကိစ္စတော့မဟုတ်ပါဘူး။ မွေးစကနေစလို့ ဘွဲ့ရတဲ့အထိ မေမေအတွက်တော့ ကိုးလလွယ် ဆယ်လဖွားထားရတဲ့ ကလေးက အရွယ်ကိုရောက်မလာဘူးနော်။ မေမေတစ်ယောက်အနေနဲ့ ကလေးတစ်ယောက်ကြီးပြင်းလာတဲ့ အခိုက်အတန့်တိုင်းကို အကောင်းဆုံးကျော်ဖြတ်ခဲ့နိုင်မှုရလဒ်ကို မှတ်ကျောက်တင်ပေးနိုင်တာက ကလေးက ကျန်းမာပျော်ရွှင်စွာ ကြီးပြင်းအရွယ်ရောက်လာခြင်းပါ။ ကလေးတစ်ယောက် ကောင်းစွာကြီးပြင်းလာစေဖို့ မေမေတို့ ကျော်ဖြတ်ခဲ့ရတဲ့ အခိုက်အတန့် ကိုးလလွယ် ဆယ်လဖွားရတဲ့ကလေးတစ်ယောက်ကို ကောင်းမွန်စွာကြီးပြင်းလာဖို့ မေမေ့အနေနဲ့ အခုလိုအဆင့်လေးတွေကို အကောင်းဆုံးကျော်ဖြတ်ခဲ့တာပါ။ မွေးစကနေ မူကြိုတက်ချိန် မူကြိုတက်ချိန် ကနေ မူလတန်းစတက်ချိန် မူလတန်း ကနေ အလယ်တန်းရောက်ချိန် အလယ်တန်း ကနေ အထက်တန်း အထက်တန်း ကနေ ဘွဲ့ရချိန်အထိပါ။ အလုပ်ခွင်ဝင်ချိန်မှာတော့ ဘေးကနေ ဖေးမပေးရုံလောက်ပဲလုပ်ပေးရတော့တာပေါ့။ မွေးစကနေ မူကြိုမတက်ခင်အထိကတော့ မနက်ကနေ ညအထိ ရင်အုပ်မကွာစောင့်ရှောက်ပေးရင်း အစားအသောက်တွေကိုလည်း ကျန်းမာရေးနဲ့ညီညွတ်အောင် ကိုယ်တိုင်ပြင်ဆင်ပြီးကျွေးမွေးပျိုးထောင်ပေးနေချိန်ပေါ့။ ကလေးမတည့်တာတွေစားမိမှာကို သိပ်စိုးရိမ်စရာမလိုသလို ထိခိုက်မှုတစ်ခုခုမဖြစ်အောင်လည်း မေမေက […]

ကလေးတစ်ယောက် ပြုစုပျိုးထောင်ရတာမှာ နို့စို့အရွယ်က သိပ်ပြဿနာမရှိပေမယ့် တခြားအစားအစာတွေ စားတတ်လာပြီဆိုတာနဲ့ အလုပ်က စပါပြီ။ ဘာလေးကျွေးရမလဲ၊ ဘာလေးတွေက ကလေးအတွက်ကောင်းမလဲ၊ ဒါက ကလေးနဲ့တည့်ပါ့မလား၊ ကလေးကို မကျွေးသင့်တာတွေ ဘာတွေဖြစ်မလဲ မေးခွန်းပေါင်းများစွာနဲ့ မေမေတို့ခေါင်းစားရပါတော့တယ်။ လမ်းလျှောက်တတ်စအရွယ်ရောက်တဲ့အထိ ဒီလိုဂရုစိုက်လာခဲ့ပေမယ့် သရေစာတွေ စစားတတ်တဲ့ ဒီအရွယ်မှာ လူကြီးစားသမျှအကုန်မိတ်ဆက်ကျွေးလိုက်လို့တော့ မဖြစ်သေးဘူးနော်။ နောက်တစ်ချက်က စျေးကွက်မှာရှိသမျှ အစားအသောက်တွေ ကလေးကို အကုန်မကျွေးလိုက်ပါနဲ့။ ဘာလို့လဲဆိုတော့ မေမေတို့ သိပ်သတိမထားမိကြတဲ့ အန္တရာယ်တွေရှိနေနိုင်လို့ပါပဲ။ မေမေတို့မသိသေးတဲ့ ကလေးတို့အတွက် အန္တရာယ် ကလေးတို့ရဲ့ကျန်းမာတဲ့ဖွံ့ဖြိုးမှုအတွက် အားပေးမယ့် အစားအသောက်ဖြစ်စေဖို့က ထမင်းအပြင် သရေစာတွေကလည်း သက်ရောက်မှုများပါတယ်။ ကလေးကို ကျွေးတဲ့သရေစာမုန့်နဲ့ သောက်စရာတွေက ဘေးကင်းစိတ်ချရမှုမရှိဘူးဆိုရင် ဖွံ့ဖြိုးမှုမှာ အနှောင့်အယှက်ဖြစ်စေနိုင်တဲ့အပြင် ကလေးအဝလွန်၊ ကလေးဆီးချို စတဲ့ ကြောက်စရာရောဂါတွေအထိ ဖြစ်လာနိုင်ပါတယ်။ အသင့်သောက် ဘူးလေးတွေ အားရှိတယ်၊ ဉာဏ်ကောင်းတယ်၊ သွက်လက်ထက်မြက်စေတယ်လို့ အာဟာရဖြည့်စွက်ထားတဲ့ […]

ကျောင်းသားအရွယ်မှာ စာမေးပွဲကာလဟာ ကလေးတွေအတွက် အပင်ပန်းရဆုံး၊ အရေးကြီးဆုံးအချိန်ပါ။ ဒီလိုအချိန်မှာ စာကျက်ဖို့ ကလေးကိုပဲ တွန်းအားပေးနေတာထက် မေမေ၊ဖေဖေတို့ရဲ့ဘေးကနေကူညီပံ့ပိုးမှုက သိပ်ကိုအရေးပါပါတယ်နော်။ ကလေးကို အားပြည့်အောင် ဆိုပြီး အစားအသောက်တွေစီစဉ်ပေးကြပေမယ့် တကယ်တမ်းအထောက်အကူဖြစ်စေမယ့်အစားအစာတွေ မပါဘဲ လွဲချော်နေရင် အထောက်အကူမဖြစ်ပါဘူးနော်။ ဒီတော့ ကလေးရဲ့မှတ်ဉာဏ်နဲ့ ဦးနှောက်စွမ်းဆောင်ရည်အတွက်ရော၊ ခွန်အားပြည့်ကျန်းမာနေဖို့အတွက်ရော ဘာတွေကျွေးရမလဲ။ မေမေတို့ ပြင်ဆင်ပေးသင့်တဲ့ အစားအစာ (၆) မျိုးကို ပြောပြပေးမယ်နော်။ (၁) ကြက်ဥ ကြက်ဥဟာ ခွန်အားရှိစေတဲ့ ပရိုတင်းအရင်းအမြစ်တစ်ခုအဖြစ် လူသိများပါတယ်။ ဒါပေမယ့် ဒီနေရာမှတော့ ကြက်ဥအနှစ်မှာပါဝင်တဲ့ ကိုလင်းဓါတ်ကြောင့် ပိုပြီးအကျိုးရှိစေပါတယ်။ ကိုလင်းဓါတ်က မှတ်ဉာဏ်စွမ်းရည်ကိုမြင့်တက်စေနိုင်တဲ့အပြင် ပရိုတင်းဓါတ်ကြောင့် ကလေးကို အားပြည့်လန်းဆန်းစေနိုင်ပါလိမ့်မယ်။ ပေါင်မုန့်ကြက်ဥကြော်၊ ကြက်ဥပြုတ်တို့အပြင် ကြက်ဥပါတဲ့မုန့်နဲ့ အစားအစာလေးတွေ ကိုယ်တိုင်စီမံပေးတာက အပြင်ကဝယ်ကျွေးတာထက် ပိုကောင်းပါတယ်နော်။ (၂) အစေ့အဆန် ပရိုတင်း၊ မရှိမဖြစ်လိုအပ်တဲ့ အကျိုးပြုအဆီဓါတ်တွေ၊ ဗီတာမင်နဲ့ သတ္တုဓါတ်တွေ ပါဝင်နေတဲ့ […]

မိုးလေးစရွာတာနဲ့အတူ သားသားမီးမီးတွေ ကျောင်းပြန်တက်ရမယ့် အချိန်ရောက်လာပါပြီ။ ကျောင်းတက်ဖို့ တက်ကြွနေမယ့် သားသားမီးမီးတွေရှိနေနိုင်သလို ဖေဖေမေမေကိုမခွဲနိုင်ပါဘူးဆိုပြီး ကျောင်းမတက်ချင်လို့ ငိုမယ့် သားသားမီးမီး တွေလည်းရှိမှာပါ။ ကျောင်းတက်ချင်တဲ့ကလေးကို ကျောင်းပို့ရတာမခက်ပေမယ့် ကျောင်း မတက်ချင်ပါဘူးဆိုတဲ့ သားသားမီးမီးတွေကိုကျောင်းပို့ဖို့ကျ မေမေတို့အတွက် စိတ်မကောင်းဖြစ်ရသလို အရမ်းလည်းခက်ခဲနိုင်ပါတယ်။ ဒီပြဿနာကို အကောင်းဆုံးဖြေရှင်းလို့ရမယ့် နည်းလမ်းလေးတွေရှိပါတယ်။ ကလေးကိုကျောင်းပို့တော့မယ်ဆိုရင် စိတ်အပူဆုံးဖြစ်မယ့် မေမေတို့အတွက် နည်းလမ်းကောင်းလေးအချို့ ကိုယ်ချစ်ရတဲ့ ကိုယ်ပွားလေးတွေကို ကျောင်းပြန်တက်ဖို့ဆိုရင် အရင်ဆုံးက ကျောင်းတက်ချင်စိတ်ဖြစ်အောင်လှုံ့ဆော်ရမှာပါ။ အကြောင်းကတော့ ကျောင်းတက်ရတာက တစ်ရက်နှစ်ရက်အလုပ်မဟုတ်လို့ပါပဲ။ တစ်နှစ်ရဲ့ ၃ ချိုး ၂ ချိုးကာလကိုအကောင်းဆုံးကျော်ဖြတ်နိုင်ဖို့လိုမှာပါ။ ဒီတော့ ကျောင်းတက်ရာသီကိုအကောင်းဆုံးကျော်ဖြတ်နိုင်ဖို့ ကလေးကို ဒါလေးတွေပြင်ဆင်ပေးပါနော်။ အဝတ်အစား ကလေးကို အရင်နှစ်ကအဝတ်အစားတွေပဲ ပြန်ပေးမဝတ်ပါနဲ့။ အသစ်တစ်စုံနှစ်စုံလောက်ချုပ်ပေးပါ။ သူ့စိတ်ကြိုက်ဖြစ်မယ့် အဝတ်အစားလေးတွေ ဝယ်ပေးပါ။ ကလေးကို အဝတ်အစားဝယ်ပေးတဲ့အခါ ခြင်ကြောင့်ဖြစ်တဲ့ ကျန်းမာရေးပြဿနာတွေ ကင်းစေဖို့အတွက် လုံခြုံမှုရှိတဲ့ အဝတ်အစားလေးတွေကို […]

ကျောင်းသားဖြစ်ရင်တော့ စာမေးပွဲ နဲ့ ကင်းလွတ်တဲ့သူ ဘယ်သူမှ မရှိပါဘူး။ မကြာခင်မှာ မြန်မာနိုင်ငံရဲ့ အကြီးကျယ်ဆုံး စာမေးပွဲဖြစ်တဲ့ ဆယ်တန်းစာမေးပွဲ (တက္ကသိုလ်ဝင်တန်းစာမေးပွဲ) ရောက်လာတော့မှာပါ။ ဒီလို စာမေးပွဲရာသီဆိုတာ ကလေးရော မိဘရော စိတ်ရောကိုယ်ပါ အရမ်းပင်ပန်းကြတဲ့အချိန်ပါ။ ဒီအချိန်လေးက ကလေးရဲ့ ရှေ့လျှောက်ဘဝကို အဆုံးအဖြတ် ပေးနိုင်တာကြောင့် အတိမ်းအစောင်း နည်းနည်းလေးတောင်ခံလို့ မရတဲ့အတွက် ဒီ စာမေးပွဲရာသီ အတွင်းမှာ အားအင်တွေ ပြည့်နေအောင် မိဘတွေဘက်က ကိုယ့်ကလေးကို ဘယ်လို ပြုစု စောင့်ရှောက်ရမလဲ ဆိုတာလေးတွေ ပြောပြပေးချင်ပါတယ် ။ အစားအသောက်က အရေးအကြီးဆုံးပါ။ ။ စာမေးပွဲ နီးလာပြီဆိုတာနဲ့ စာတွေကျက်ရတာ၊ ပူပန်မှုတွေ များရတာနဲ ကလေးတွေ အစားဘက်ကို အာရုံ မရောက်နိုင်ကြတော့ပါဘူး။ အစားအသောက်ဆိုတာ အားအင်ပြည့်ဝနေဖို့ ခေါင်းကြည်နေဖို့ အတွက် တစ်ဘက်တစ်လမ်းက […]

မိဘဖြစ်သူတိုင်း ခံစားဖူးတဲ့ ကြောက်စရာ အိပ်မက်ဆိုးကြီး တစ်ခုရှိပါတယ်။ ဒါက ကိုယ်သေချာ ဂရုစိုက်နေရက်သားနဲ့ ကိုယ့်ကလေး နေမကောင်းဖြစ်သွားတာပါ။ ကလေးဆိုတာကလည်း နေမကောင်းဖြစ်ရင် ဘယ်နားက ဘယ်လိုနာတာ ဘယ်လိုခံစားရတာဆိုတာကို သဲသဲကွဲကွဲ မပြောနိုင်တဲ့အတွက် မိဘတွေ ပိုစိုးရိမ်တတ်ကြပါတယ်။ ကိုယ့်ကလေးကို ပန်းလေးတစ်ပွင့်လိုပဲ လန်းနေတာကို မြင်ချင်ကြတာ မိဘတိုင်းပါ။ ဒါကြောင့် မိဘတိုင်းရဲ့ အိပ်မက်ဆိုးတစ်ခုဖြစ်တဲ့ ကလေးဖျားနာတာတွေကနေကင်းဝေးဖို့ မိဘတွေဘက်က ဘယ်လို ပြုစုပေးရမလဲဆိုတာပြောပြပေးချင်ပါတယ်။ ကိုယ်ခံအားစနစ်ကောင်းကောင်းဖွံ့ဖြိုးဖို့ ဒီအချက်တွေလိုအပ်ပါတယ် ။ ။ ကိုယ်ခံအားစနစ်တစ်ရပ်ကောင်းကောင်းဖွံ့ဖြိုးဖို့ဆိုရင် ဒီအချက်တွေလိုအပ်ပါတယ်။ ။ အာဟာရပြည့်ဝအောင်စားသုံးဖို့ ကောင်းကောင်းအိပ်စက်ဖို့ သင့်တော်တဲ့ကိုယ်လက်လှုပ်ရှားမှုလုပ်ဖို့ တစ်ကိုယ်ရေသန့်ရှင်းမှုရှိဖို့ ကျန်းမာရေးနဲ့ ညီညွတ်မျှတတဲ့ ပတ်ဝန်းကျင်အနေအထားတို့ လိုအပ်ပါတယ်။ ကလေးဖျားနာမှုကင်းစေဖို့ အစားအသောက်တွေကို ဘယ်လိုပြင်ဆင်ပေးရမလဲ။ ။ ကလေးတစ်ယောက် ကျန်းမာဖွံ့ဖြိုးဖို့အတွက်၊ ခုခံအားကောင်းစေဖို့အတွက်ဆို ကလေးတွေနေ့စဉ်စားတဲ့ အစားအသောက်တွေကသာ အဓိကပါ။ ဒါကြောင့် ကိုယ့်ကလေးအမြဲကျန်းမာနေအောင် မေမေတို့ဘယ်လိုအစားအသောက်တွေကို […]

သွားပုံမှန်တိုက်ပေးရုံနဲ့ ကလေးတွေရဲ့သွားကျန်းမာရေးအတွက်ပြီးပြည့်စုံပြီလို့ မထင်လိုက်ပါနဲ့။ ဖွံ့ဖြိုးနေဆဲ ခန္ဓာကိုယ်လေးတွေအတွက်က အာဟာရညီညွတ်မျှတတဲ့ အစားအသောက်တွေလည်း အဓိကလိုအပ်ပါတယ်။ မရှိမဖြစ်လိုအပ်တဲ့ အာဟာရဓာတ်တွေပါဝင်တဲ့ အစားအစာတွေနဲ့ အမူအကျင့်ကောင်းလေးတွေပေါင်းစပ်လိုက်တဲ့အခါ သွားအတွက်တင်မကဘဲ ကျန်းမာကြံ့ခိုင်တဲ့ခန္ဓာကိုယ်ကို ပိုင်ဆိုင်နိုင်မှာပါ။ ကလေးရဲ့သွားတွေ ကျိုးပဲ့၊ သွားပိုးစားနေလည်း ငယ်သွားတွေပဲ၊ သွားအသစ်ပြန်ပေါက်လာလိမ့်မယ် ဆိုပြီး မတွေးလိုက်ပါနဲ့။ ငယ်သွားလေးတွေကို ဂရုမစိုက်ဘဲ ပစ်မထားပါနဲ့။ သွားဖုံးရောဂါဖြစ်လာခဲ့ရင်နောက်ပိုင်း သွားကျန်းမာရေးမှာလည်း ထိခိုက်လာနိုင်တဲ့နောက်ဆက်တွဲပြဿနာတွေရှိလာတတ်ပါတယ်။ သွားကျန်းမာရေးအတွက် အကောင်းဆုံးအစားအသောက်များ ကလေးရဲ့စားသောက်ပုံအာဟာရမှာ ဒီအစားအစာတွေကို ထည့်သွင်းပေးသင့်ပါတယ် - ပန်းသီး ပန်းသီးက သွားပိုးစားခြင်းကို ကာကွယ်ပေးပါတယ်။ ပန်းသီးနဲ့ အမျှင်ဓာတ်များတဲ့ တခြားကြွပ်ရွတဲ့သစ်သီးတွေက သွားမှာကပ်ငြိနေတဲ့ သွားချေးတွေကို ပွတ်တိုက်ဖယ်ရှားနိုင်ပါတယ်။ ဗီတာမင်နဲ့ သတ္တုဓာတ်တွေရရှိနိုင်တဲ့အပြင် ကျန်းမာရေးနဲ့ညီတဲ့ သရေစာလည်းဖြစ်ပါတယ်။ ဥ အမျိုးမျိုး ကြက်ဥ၊ဘဲဥတွေမှာ သွားနဲ့ခံတွင်းကျန်းမာရေးအတွက် အရေးပါတဲ့သတ္တုဓါတ်တွေဖြစ်တဲ့ ကယ်လ်စီယမ်၊ ပရိုတင်းနဲ့ ဗီတာမင် D တို့ကို ရရှိနိုင်တဲ့ အရင်းအမြစ်တွေဖြစ်ပါတယ်။ အရိုးနဲ့သွား ကျန်းမာရေးအတွက် […]

"ကလေးက ထွားလာလိုက်တာနော်၊ သွက်လက်နေတာပဲ"ဆိုတဲ့စကားနဲ့ "ကလေးက ကြည့်ရတာ အားနည်းနေသလိုပဲ၊ ချော်လဲမယ်နော်" ဆိုတဲ့စကား မေမေတို့ ဘယ်ဟာပိုကြားချင်မလဲ။နေမကောင်းတော့ မဖြစ်ပေမယ့် ကြီးထွားဖွံ့ဖြိုးနေဆဲအရွယ်မှာ ကြံ့ခိုင်မှုရှိဖို့လည်း လိုပါတယ်နော်။ အားရှိအောင်လို့ဆိုပြီး စားသမျှအကုန်ကျွေးတာမျိုးကလည်း အာဟာရတန်ဖိုးသေချာမချင့်ချိန်ခဲ့ရင် ကလေးမှာအဝလွန်တာပဲ အဖတ်တင်ပါလိမ့်မယ်။ ဒါဆို ကလေးကို လူလည်း ကျန်းမာ၊ အရိုးအဆစ်တွေလည်း ကြံ့ခိုင်သန်စွမ်းဖို့ ဘာတွေသိထားဖို့လိုအပ်လဲ အကြံပေးမယ်နော်။ အရိုးကျန်းမာကြံ့ခိုင်ရေးအတွက် မေမေတို့ သိထားကြဖို့ လိုမှာလေးတွေကို အတူတူ ကြည့်လိုက်ရအောင်နော်။ အရိုးကျန်းမာကြံ့ခိုင်ရေးအတွက် မေမေတို့ သိထားကြဖို့ အရိုးကျန်းမာကြံ့ခိုင်ရေးအတွက် မေမေတို့ သိထားကြဖို့ လိုမှာလေးတွေကတော့ အရိုးအဆစ်တွေအတွက် ဘာတွေက ထောက်ကူအားဖြည့်ပေးသလဲ အရိုး ကျန်းမာကြံ့ခိုင်ရေးအတွက် ဒေါက်တိုင်တစ်ခုလို အဓိကထောက်ကူပေးဖို့ ပါဝင်အားဖြည့်ပေးနေတဲ့ အာဟာရဓါတ်တွေအများကြီးရှိပါတယ်။ ကယ်လ်စီယမ်က ရှေ့ဆုံးက ဦးဆောင်နေပြီး ဗီတာမင် D၊ မဂ္ဂနီဆီယမ်၊ ဗီတာမင် K တို့ကလည်း အရေးကြီးတဲ့နေရာက […]