ဘေဘီလေးက ဖေဖေမေမေတို့နဲ့ သွေးအမျိုးအစားမတူတာမျိုးဖြစ်နိုင်လား

ဖေဖေက Aသွေးပါ။မေမေက Bသွေးပါ။ ဒါပေမယ့်မွေးလာတဲ့ဘေဘီလေးက Oသွေးဖြစ်နေတယ်။ ဒါကဖြစ်နိုင်ရဲ့လားလို့တွေးနေတာလား။ ဒါဆိုရင်တော့ပြောစရာရှိတာကဖြစ်နိုင်ပါတယ်ဆိုတဲ့ အချက်ပါ။ဖေဖေက Aသွေး၊မေမေက Bသွေးဖြစ်နေတာနဲ့ပဲဘေဘီလေးက Aသွေး။ ဒါမှမဟုတ် Bသွေးဖြစ်နေစရာတော့မလိုဘူးပေါ့။ ဘာကြောင့်ဒီလိုပြောရလဲဆိုတာကို သိချင်တယ်ဆိုရင်သွေးအမျိုးအစားြဖစ်နိုင်ခြေလေးကို အတူတူတွက်ချက်ကြည့်ရအောင်လား။

ဘေဘီလေးကဖေဖေမေမေတို့နဲ့သွေးအမျိုးအစားမတူတာမျိုးဖြစ်နိုင်လား………

ဘေဘီလေးကဖေဖေမေမေတို့နဲ့သွေးအမျိုးအစားတာကဖြစ်နိုင်တဲ့အခြေအနေတစ်ရပ်ပါ။ အကြောင်းကတော့ DNA ကနေပဲစပြောလိုက်ရအောင်လား။ သက်ရှိတိုင်းမှာ DNA ဆိုတာရှိတယ်။ ဒီ DNA ကပဲ ဘယ်သူဘယ်ဝါဆိုတာကို ခွဲခြားပေးတာပေါ့။ လူတစ်ယောက်မှာ မျိုးဗီဇပေါင်း ၂၀၀၀၀ နီးပါးလောက်ရှိတာပါ။ ဒီမျိုးဗီဇတွေကွဲပြားမှုကပဲ လူတစ်ယောက်ချင်းစီရဲ့သွေးအမျိုးအစားနဲ့အခြားသောအရာတွေကို မတူကွဲပြားတာမျိုးတွေဖြစ်စေတာပါ။ လူတိုင်းမှာသွေးအမျိုးအစားမတူရတာကလည်းသွေးအမျိုးအစား မျိုးဗီဇ A၊ B၊ O ရယ်ဆိုပြီးကွဲပြားမှုရှိလို့ပါ။သွေးအမျိုးအစား မျိုးဗီဇက ၃ မျိုးရှိနေတာကြောင့် လူတစ်ယောက်နဲ့တစ်ယောက် သွေးအမျိုးအစားတူဖို့ခက်ခဲနေတာပါ။

ဘေဘီလေးကဖေဖေတစ်ယောက်တည်းဆီကသွေးအမျိုးအစားကို တသွေမသိမ်းယူလိုက်ရင်ဖြစ်ဖြစ်မေမေ့ရဲ့သွေးအမျိုးအစားကို အတိအကျရယူလိုက်တဲ့အခါမျိုးမှာသွေးအမျိုးအစားကမေမေ ဒါမှမဟုတ်ဖေဖေနဲ့တစ်ထပ်တည်းတူသွားနိုင်ပေမယ့်ဖေဖေရောမေမေဆီကပါနည်းနည်းဆီရယူလိုက်မယ်ဆိုရင်သွေးအမျိုးအစားမတူဘဲ ကွဲထွက်သွားတာမျိုးရှိနိုင်ပါတယ်။ ဒီလိုဆိုတိုင်း ဘယ်လိုတွေတောင်ကွဲထွက်သွားမလဲသိချင်နေတယ်ဆိုရင်တော့ ဆက်ကြည့်လိုက်ရအောင်နော်။

ဘေဘီလေးရဲ့ဖြစ်နိုင်ခြေရှိတဲ့သွေးအမျိုးအစား

သွေးအမျိုးအစားတွေပေါင်းစပ်မှုကနေ ဒီလိုတွေဖြစ်နိုင်ပါတယ်။

• ဖေဖေ့ရဲ့သွေးအမျိုးအစားက Aမေမေ့ရဲ့သွေးအမျိုးအစားက A ဆိုရင် ဘေဘီလေးရဲ့သွေးအမျိုးအစားက A ဒါမှမဟုတ် Oဖြစ်နိုင်ပါတယ်။
• ဖေဖေ့ရဲ့သွေးအမျိုးအစားက Bမေမေ့ရဲ့သွေးအမျိုးအစားက A ဆိုရင်ဘေဘီလေးရဲ့သွေးအမျိုးအစားက A၊ B၊ AB ဒါမှမဟုတ် Oဖြစ်နိုင်ပါတယ်။
• ဖေဖေ့ရဲ့သွေးအမျိုးအစားကABမေမေ့ရဲ့သွေးအမျိုးအစားက A ဆိုရင်ဘေဘီလေးရဲ့သွေးအမျိုးအစားက A၊ Bဒါမှမဟုတ် AB ဖြစ်နိုင်ပါတယ်။
• ဖေဖေ့ရဲ့သွေးအမျိုးအစားကOမေမေ့ရဲ့သွေးအမျိုးအစားက A ဆိုရင်ဘေဘီလေးရဲ့သွေးအမျိုးအစားက Aဒါမှမဟုတ် O ဖြစ်နိုင်ပါတယ်။

• ဖေဖေ့ရဲ့သွေးအမျိုးအစားကAမေမေ့ရဲ့သွေးအမျိုးအစားက B ဆိုရင်ဘေဘီလေးရဲ့သွေးအမျိုးအစားက A၊ B၊ ABဒါမှမဟုတ် O ဖြစ်နိုင်ပါတယ်။
• ဖေဖေ့ရဲ့သွေးအမျိုးအစားကBမေမေ့ရဲ့သွေးအမျိုးအစားက B ဆိုရင်ဘေဘီလေးရဲ့သွေးအမျိုးအစားက Bဒါမှမဟုတ် O ဖြစ်နိုင်ပါတယ်။
• ဖေဖေ့ရဲ့သွေးအမျိုးအစားကABမေမေ့ရဲ့သွေးအမျိုးအစားက B ဆိုရင်ဘေဘီလေးရဲ့သွေးအမျိုးအစားက A၊ Bဒါမှမဟုတ် AB ဖြစ်နိုင်ပါတယ်။
• ဖေဖေ့ရဲ့သွေးအမျိုးအစားကOမေမေ့ရဲ့သွေးအမျိုးအစားက B ဆိုရင်ဘေဘီလေးရဲ့သွေးအမျိုးအစားက Bဒါမှမဟုတ် O ဖြစ်နိုင်ပါတယ်။

• ဖေဖေ့ရဲ့သွေးအမျိုးအစားကAမေမေ့ရဲ့သွေးအမျိုးအစားက AB ဆိုရင်ဘေဘီလေးရဲ့သွေးအမျိုးအစားက A၊ Bဒါမှမဟုတ် AB ဖြစ်နိုင်ပါတယ်။
• ဖေဖေ့ရဲ့သွေးအမျိုးအစားကBမေမေ့ရဲ့သွေးအမျိုးအစားက AB ဆိုရင်ဘေဘီလေးရဲ့သွေးအမျိုးအစားက A၊ Bဒါမှမဟုတ် AB ဖြစ်နိုင်ပါတယ်။
• ဖေဖေ့ရဲ့သွေးအမျိုးအစားကABမေမေ့ရဲ့သွေးအမျိုးအစားက AB ဆိုရင်ဘေဘီလေးရဲ့သွေးအမျိုးအစားက A၊ Bဒါမှမဟုတ် AB ဖြစ်နိုင်ပါတယ်
• ဖေဖေ့ရဲ့သွေးအမျိုးအစားကOမေမေ့ရဲ့သွေးအမျိုးအစားက AB ဆိုရင်ဘေဘီလေးရဲ့သွေးအမျိုးအစားက Aဒါမှမဟုတ် B ဖြစ်နိုင်ပါတယ်။

• ဖေဖေ့ရဲ့သွေးအမျိုးအစားကAမေမေ့ရဲ့သွေးအမျိုးအစားက O ဆိုရင်ဘေဘီလေးရဲ့သွေးအမျိုးအစားက Aဒါမှမဟုတ် O ဖြစ်နိုင်ပါတယ်။
• ဖေဖေ့ရဲ့သွေးအမျိုးအစားကBမေမေ့ရဲ့သွေးအမျိုးအစားက O ဆိုရင်ဘေဘီလေးရဲ့သွေးအမျိုးအစားက Bဒါမှမဟုတ် O ဖြစ်နိုင်ပါတယ်။
• ဖေဖေ့ရဲ့သွေးအမျိုးအစားကABမေမေ့ရဲ့သွေးအမျိုးအစားက O ဆိုရင်ဘေဘီလေးရဲ့သွေးအမျိုးအစားက Aဒါမှမဟုတ်B ဖြစ်နိုင်ပါတယ်။
• ဖေဖေ့ရဲ့သွေးအမျိုးအစားကOမေမေ့ရဲ့သွေးအမျိုးအစားက O ဆိုရင်ဘေဘီလေးရဲ့သွေးအမျိုးအစားက O ဖြစ်နိုင်ပါတယ်။

Hello Health Groupသည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့်ကုသမှုများမပြုလုပ်ပေးပါ။