ကလေးက ကိုယ်အပူကြီးပြီး တက်နေရင် အရေးပေါ်ဘယ်လိုပြုစုမလဲ

တက်တာ ဘယ်လိုမျိုးလဲ

febrile seizure အမျိုးအစားကိုမူတည်ပါတယ် –

ရိုးရိုး တက်ခြင်း –အဖြစ်များတဲ့အမျိုးအစားဖြစ်ပြီး တစ်မိနစ်၊နှစ်မိနစ်လောက်ပဲဖြစ်လေ့ရှိပါတယ်။ အလွန်ဆုံးကြာရင် ၁၅မိနစ်ထိ တက်နိုင်ပါတယ်။ အဖျားကြီးလို့ တက်တာက ပုံမှန်အားဖြင့် အန္တရာယ်မရှိတတ်ပါဘူး။

လက္ခဏာတွေကတော့ –

တက်ပြီး နာရီပိုင်းအတွင်းမှာ ကလေးက အိပ်ငိုက်နေတာ၊ စိတ်ဆိုးလွယ်တာ၊ ဂျီကျနေတာ၊ အာရုံရှုပ်ထွေးနေတာတွေဖြစ်နေနိုင်ပါတယ်။

တခြားအကြောင်းရင်းကြောင့် တက်ခြင်း (Complex seizures) – ဒီအမျိုးအစားကတော့ အဖြစ်မများပါဘူး။ ဖြစ်ပြီဆိုလည်း ၁၅ မိနစ်ထက်ပိုကြာနိုင်ပါတယ်။ တစ်နေ့တည်းမှာ တစ်ကြိမ်မကလည်းဖြစ်နိုင်တယ်။ ကလေးရဲ့ကိုယ်တခြမ်းမှာပဲ တွန့်တာ၊ အကြောဆွဲတာဖြစ်နေနိုင်တယ်။နောက်ပိုင်းမှာတော့ အဲဒီတဖက်မှာခြေ သို့မဟုတ် လက် မသန်ဘဲဖြစ်သွားနိုင်ပါတယ်။

ဒီအမျိုးအစားက ပိုပြီးစိတ်ပူစရာကောင်းပါတယ်။ရောဂါရှာဖွေမှုသေချာလုပ်ဖို့လိုအပ်ပြီးဆေးရုံတင်ရနိုင်ပါတယ်။

ဘယ်လိုပြုစုရမလဲ

ကလေးက တက်နေရင် အရင်ဆုံး ကိုယ်က စိတ်ကိုတည်ငြိမ်အောင်ထားပါ။ ပျာယာခတ်ပြီး အမှားမလုပ်မိစေဖို့ ဒါလေး လိုက်နာပေးပါ –

• ကလေးကို (လိမ့်ကျတာ၊ပြုတ်ကျတာမဖြစ်စေဖို့) ညီညာတဲ့ကြမ်းပြင်မှာ ထားပါ။
• တံတွေး၊ ပျို့အန်တာတွေနဲ့ တစ်ဆို့မသွားစေဖို့ဘေးတစ်ဖက်စောင်းပေးထားပါ
• အဝတ်အစားတွေကိုချောင်ချိအောင်လုပ်ပေးပါ။ ကြယ်သီးဖြုတ်တာ၊ အနွေးထည်ချွတ်တာ။စောင်တွေဖယ်ပါ။
• ကလေးရဲ့ ပါးစပ်ထဲ ဘာမှမထည့်ပါနဲ့။
• တက်နေတဲ့အချိန် ဘာမှမခွံ့ပါနဲ့။ အလွန်ဆုံးရေပါမတိုက်ပါနဲ့။
• ကလေးကို ချီမထားပါနဲ့၊ အကြောဆွဲတာ၊ တွန့်လိမ်နေတာကို ထိန်းချုပ်ပေးဖို့မကြိုးစားပါနဲ့။
• ကလေးကို လွတ်လွတ်လပ်လပ်ထားပေးပါ။
• တစ်ယောက်တည်းပစ်မထားပါနဲ့။
• အနီးအနားမှာ ထိခိုက်စေမယ့်ပစ္စည်းတွေ ရှင်းထားပါ။
• ကလေးက ပါးစပ်ထဲမှာ အန်တာတွေ၊ ချွဲတွေ ရှိနေတယ်ဆိုရင်ဘေးစောင်းစေပါ ဒါမှမဟုတ်မှောက်ပေးလိုက်ပါ။ လျှာအနေအထားက အသက်ရှူလမ်းကြောင်းကိုပိတ်မသွားစေဖို့ အရေးကြီးပါတယ်။

ပြီးရင်တော့ ဆရာဝန်ပြပြီး တက်ရတဲ့အကြောင်းရင်းကိုရှာဖွေပါ။ တချို့မှာ ဦးနှောက်အမြေးရောင်ပိုးကြောင့် အဖျားတက်တာဖြစ်နိုင်လို့ မပေါ့ဆပါနဲ့။

အရေးပေါ်ကုသမှုလိုအပ်ချိန်

တကယ်လို့ –