သင့်ကလေးဘာကြောင့် အဆက်မပြတ် ငိုကြွေးပါသလဲ

ဗိုက်ဆာလျှင်၊ စိတ်တိုလျှင်၊ သေးခံလဲပေးစေလိုလျှင်၊ ငိုတတ်ကြသည်။ သို့သော် ငိုခြင်းသည် သူတို့နေမကောင်းနေသောကြောင့်လည်း ဖြစ်နိုင်ပါသည်။

အချိန်တိုင်း ငိုနေခြင်းသည် ကလေးများအတွက် ပုံမှန်ဖြစ်ပါသလား။

သုတေသီများသည် ကလေးတစ်ယောက်ကြီးပြင်းလာသည့်အခါ ငိုသည့် ပုံစံရှိကြောင်း တွေ့ရှိကြသည်။ အသက် ၂ ပတ်မှ ၃ ပတ်တွင် ပို၍ငိုနိုင်ပြီး၊ ၆-၈ ပတ်တွင် အငိုဆုံးဖြစ်သည်။ ထို့နောက် တဖြည်းဖြည်း အငိုနည်းသွားပြီး ၄ လခန့်တွင် အနည်းဆုံးဖြစ်သွားသည်။ ကလေးများသည်နေ့လည်ဘက် နှင့် မနက်စောစောတွင် တစ်နေ့တာလုံး ဖိစီးမှုကို သက်သာစေရန် ပိုငိုကြသည်။

သင့်ကလေး ငိုသည့်ပုံစံသည် ဤကဲ့သို့မဟုတ်လျှင် သင့်ကလေးသည် လေထိုးသောကြောင့် ဗိုက်နာနေခြင်းဖြစ်နိုင်သည်။ ထိုအခြေအနေသည် သင့်ကလေးကို အချိန်အကြာကြီး မဖြစ်စေနိုင်သော်လည်း မိဘများအတွက် စိတ်ရှုပ်ဖွယ်ရာဖြစ်နိုင်ပါသည်။ သို့သော် အချိန်ခဏသာကြာနိုင်ပြီး သက်သာအောင် ပြုလုပ်နိုင်သည့် နည်းလမ်းများလည်း ရှိပါသည်။

ကလေးကို တစ်ခုခု စုပ်နေစေရန်ပေးထားခြင်း

နှလုံးခုန်နှုန်းကိုငြိမ်စေပြီး အစာအိမ်ကို သက်သာစေသည်။ ခြေလက်များ လှုပ်ရှားခြင်းကိုလည်း ငြိမ်သက်စေသည်။

တစ်ခုခုနှင့် ထုပ်ပိုးထားပြီးနွေးထွေးအောင်ထားခြင်း

မွေးကင်းစကလေးများသည် အမေ၏ ဗိုက်ထဲမှာကဲ့သို့ နွေးထွေးပြီးလုံခြုံသော စိတ်ခံစားချက်မျိုးကို နှစ်သက်ကြသည်။ ကလေးကို စောင်နှင့် ထုပ်ထားပြီး လက်ထဲတွင်ထွေးပွေ့ထားခြင်းဖြင့် ထိုခံစားချက်ရအောင် ဖန်တီးပေးနိုင်သည်။ အချို့ကလေးများသည် ထိုသို့လုပ်ပေးခြင်းဖြင့် အငို သက်သာစေနိုင်သည်။

တေးဂီတနှင့် တေးသံ

သီချင်းများဖွင့်ပေးထားခြင်း၊ သီချင်းဆိုပေးခြင်းဖြင့် အငိုသက်သာအောင်ပြုလုပ်ပေးနိုင်သည်။ မတူညီသော သီချင်းဂီတများကို ဖွင့်ပေးခြင်းဖြင့် သင့်ကလေး၏ တုံ့ပြန်မှုအရ သူနှစ်သက်သော ဂီတသံကို သိနိုင်သည်။

အချို့အသံများ

ရေနွေးသည်လည်း လတ်ဆတ်သော လေကဲ့သို့ပင် သင့်ကလေးကိုအငိုတိတ်စေသည်။

ရေချိုးသည်နှင့် မတူပဲ သင့်ကလေးကို ရေပန်းအောက်တွင် ကိုင်ထားပေးပြီး ရေနွေးကို ထိတွေ့ပေးပါ။ သို့သော် ရေအရှိန်မပြင်းစေရန်၊ ချော်မလဲစေရန် ဂရုစိုက်ပါ။

လှုပ်ရှားမှု

လက်ထဲတွင်ချီထားပြီး လှုပ်ရှားပေးခြင်း၊ သို့မဟုတ် တွန်းလှည်းထဲတွင်ထည့်တွန်းခြင်းတို့သည်လည်း သင့်ကလေးကို အငိုသက်သာစေသည်။ အခြားသောလှုပ်ရှားမှုများတွင် လှုပ်နေသောခုံ၊ ဒါန်း၊ လှုပ်ရှားနေသော ကား စသည်တို့ပါဝင်သည်။

Translated by su sandy