နှုတ်ခမ်းလေးက နှင်းဆီဖူးလေးလို နီနီဖူးဖူးလေးလှလိုက်တာ။ ပန်းရောင်သွေးကြွယ်နေတဲ့ နှုတ်ခမ်းလေးက ဆွဲဆောင်မှုရှိလိုက်တာနော်ဆိုပြီး အားကျနေတဲ့သူတွေများရှိလား။ ဒါဆို ဒီဆောင်းပါးလေးက သင့်ဖြစ်ချင်နေတဲ့ ဆန္ဒလေးကို အကောင်အထည်ဖော်ဖို့ အထောက်အပံ့ပေးနိုင်မှာပါ။
နှုတ်ခမ်းသားတွေ ညိုမဲနေသလား
ဆေးတွေသောက်ရတာ၊နေ့စဉ်နေထိုင်မှုဘဝပုံစံအနေအထားတွေကြောင့် နှုတ်ခမ်းသားတွေညိုနေတာ၊ မဲနေတာမျိုးခံစားရနိုင်ပါတယ်။ဆေးလိပ်သောက်သူတွေ၊ရေသောက်နည်းတဲ့သူတွေရဲ့ နှုတ်ခမ်းသားကလည်း ကျန်းမာရေးအားနည်းပါတယ်။ ဒါတွေအပြင်ဒီအချက်တွေကြောင့် နှုတ်ခမ်းသားတွေညိုမဲနိုင်ပါသေးတယ်။
- နေရောင်နဲ့ အလွန်အကျွံထိတွေ့တာ
- ရေဓါတ်ခမ်းြေ်ခါက်တာ
- ဆေးလိပ်သောက်တာ
- သွားတိုက်ဆေး၊ နှုတ်ခမ်းနီတို့နဲ့ ဓါတ်မတည့်တာ
- ကဖင်းအလွန်အကျွံစားသုံးတာ
- နှုတ်ခမ်းသပ်တာ
- ဓါတုကုထုံးခံယူတာ
- သွေးအားနည်းတာ
- ဗီတာမင် ချို့တဲ့တာ
- ဖလိုရွိုက်အလွန်အကျွံသုံးတာတွေကြောင့်လည်း နှုတ်ခမ်းတွေညိုမဲနေနိုင်ပါတယ်။
နှုတ်ခမ်းလေးပန်းရောင်သွေးကြွယ်စေဖို့
သကြား – သကြားကို နှုတ်ခမ်းသားပေါ်က ဆဲလ်သေတွေကို ဖယ်ရှားဖို့အတွက် အသုံးပြုနိုင်ပါတယ်။ သကြားလက်ဖက်ရည်ဇွန်း ၃ ဇွန်းစာကိုထောပတ် လက်ဖက်ရည်ဇွန်း ၂ ဇွန်းစာကိုရောပြီး သမအောင်မွှေပေးပါ။ ဒီအရောကို နှုတ်ခမ်းသားပေါ်မှာ ထူထူလေးလူးပေးပါ။ ပြီးရင်လက်ချောင်းလေးတွေသုံးလို့ ခပ်ဖွဖွလေးပွတ်ပေးပါ။ နှုတ်ခမ်းပေါ်က ဆဲလ်သေတွေကို ဖယ်ရှားပေးနိုင်မှာပါ။ ထောပတ်က နှုတ်ခမ်းသားအစိုဓါတ်ကို ထိန်းပေးပါတယ်။ တစ်ပတ်ကို ၃ ကြိမ်လောက်လုပ်ပေးရပါမယ်။
ပျားရည်– နှုတ်ခမ်းသားလေးတွေတောက်ပစေဖို့ အသုံးပြုနိုင်တဲ့ သဘာဝပစ္စည်းလေးတစ်ခုပါ။ နှုတ်ခမ်းသားကို နူးညံ့စေဖို့လည်း အထောက်အပံ့ပေးနိုင်ပါတယ်။ ညအိပ်ရာမဝင်ခင်မှာ နှုတ်ခမ်းပေါ်မှာ ပျားရည်ခပ်ပါးပါးလေးလိမ်းပြီး အိပ်ပေးပါ။ သီတင်းပတ်နည်းနည်းကြာတဲ့အထိ ဆက်တိုက်လုပ်ပေးမယ်ဆိုရင် နငတ်ခမ်းသားအရောင်ပြောင်းလဲကောင်းမွန်လာတာကိုတွေ့ရမှာပါ။
ဘယ်ရီသီးတွေ –စတော်ဘယ်ရီသီး၊ ရက်စ်ဘယ်ရီသီးလိုမျိုး ဘယ်ရီသီးတွေက နှုတ်ခမ်းသားကို ပန်းသွေးရောင်ကြွယ်စေဖို့ အထောက်အပံ့ပေးနိုင်ပါတယ်။ ဘယ်ရီသီးတွေကို ပျားရည်စစ်စစ်၊ ရှားစောင်းလက်ပပ်အနှစ်တို့နဲ့သေချာရောစပ်ပြီးမွှေပါ။ အနှစ်ကို နှုတ်ခမ်းပေါ်မှာလိမ်းပြီး ၅ မိနစ်ကြာလိမ်းထားပေးပါ။ပြီးရင်ရေဆေးချလိုက်ပါ။ပြီးရင် အဆီတစ်မျိုးမျိုးလိမ်းပေးထားလို့ရပါတယ်။
သံလွင်ဆီ –နှုတ်ခမ်းသားလေးတွေကျန်းမာစေသလို အစိုဓါတ်ထိန်းပေးပြီး နှုတ်ခမ်းအတွက်လိုအပ်တဲ့ အာဟာရကိုဖြည့်တင်းပေးပါတယ်။ သံလွင်ဆီစစ်စစ်လေးကို နှုတ်ခမ်းသားပေါ်မှာ လိမ်းပေးပြီး လက်ချောင်းထိပ်လေးတွေသုံးလို့နှိပ်နယ်ပေးပါ။ အိပ်ရာမဝင်ခင်နေ့စဉ်လုပ်ပေးမယ်ဆိုရင် ပန်းရောင်သွေးကြွယ်ပြီး ကျန်းမာတဲ့နှုတ်ခမ်းသားလေးကို ရရှိစေမှာဖြစ်ပါတယ်။
လှပတဲ့အပြုံးလေးတွေရဲ့ တစ်စိတ်တစ်ပိုင်းဖြစ်တဲ့ နှုတ်ခမ်းလေးတွေလှပစေဖို့ ဒီနည်းလေးတွေသုံးပြီး နှုတ်ခမ်းကိုစောင့်ရှောက်လိုက်ပါ။
Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။
[embed-health-tool-bmi]
