သွားပေါင်းကူးစိုက်ခြင်း (သွားအသေစိုက်ခြင်း)

၁။ သွားပေါင်းကူးစိုက်ခြင်း (အသေစိုက်ခြင်း) ဆိုတာဘာလဲ

သွားပေါင်းကူးစိုက်ခြင်းဆိုတာ လစ်ဟာနေတဲ့ သွားတစ်ချောင်း၊ နှစ်ချောင်းနေရာမှာ ပေါင်းကူးတပ်ဆင်ပြီး ဖြည့်တင်းပေးခြင်း ဖြစ်ပါတယ်။ သွားပေါင်းကူးကို လွတ်နေတဲ့သွားရဲ့ တဖက်တချက်ဆီမှာ သွားအစွပ်၂ခု၃ခုတပ်ဆင်ပြီး ပြုလုပ်ပါတယ်။ အခုလိုသွားတွေကို ပိုမိုခိုင်မြဲစွာလုပ်ခြင်းကို သွားအကူစိုက်ခြင်းလို့ ခေါ်ပါတယ်။ သွားအတုတွေကတော့ အလယ်တည့်တည့်မှာ ရှိပါတယ်။ သွားတုတွေကို pontics လို့ ခေါ်ပြီး ရွှေ၊ အလွိုင်း၊ ပေါ်ဆီလင်၊ ဒါမှမဟုတ် အဲဒီပစ္စည်းတွေပေါင်းစပ်ခြင်းဖြင့် ပြုလုပ်ထားပါတယ်။ သွားပေါင်းကူးကို ရိုးရိုးသွား ဒါမှမဟုတ် စိုက်ထားတဲ့သွားတွေနဲ့ အားကူထိန်းထားပါတယ်။

၂။ သွားပေါင်းကူးစိုက်ခြင်းရဲ့ ရည်ရွယ်ချက်ဘာလဲ

လစ်ဟာသွားတဲ့ သွားတွေနေရာမှာ ဖြည့်တင်းပေးဖို့ ရည်ရွယ်ချက်နဲ့ ပြုလုပ်ပါတယ်။ ဒီလိုလုပ်ခြင်းအားဖြင့် ပါးစပ်ရဲ့ပုံစံနဲ့ လုပ်ငန်းတာဝန်ကို တိုးတက်စေပါတယ်။ လူနာတွေအနေနဲ့ အရင်လိုပဲ ကောင်းကောင်းစားပြီး စကားလည်း ကောင်းကောင်းပြောနိုင်ပါတယ်။

ကုသမှုခံယူမည့်သူများ

၁။ ဘယ်အချိန်မှာ သွာပေါင်းကူးစိုက်မလဲ

သွားတချောင်းချောင်း မရှိတော့ရင်၊ ဆိုးရွားစွာ ကျိုးပဲ့ပျက်စီးနေရင်၊ အဲဒီသွားပေါ်မှာပဲ သွားအစွပ်စွပ်ရုံနဲ့ မခိုင်ဘူးဆိုရင် သွားပေါင်းကူးစိုက်ခြင်း ပြုလုပ်နိုင်ပါတယ်။

၂။ ဘယ်သူတွေ လုပ်သင့်သလဲ

အောက်ပါသွားတွေကို ဆုံးရှုံးနေရင် ပြုလုပ်သင့်ပါတယ်။

• ရှေ့သွားတစ်ချာင်းမှ လေးချောင်း
• စွယ်သွားတချောင်း
• အံသွားတချောင်းနှင့်အထက်
• Premolar အံသွား၂ချောင်းနှင့် ပထမဆုံးအံသွား

ဒါပေမယ့် အောက်ပါအခြေအနေတွေမှာ မလုပ်သင့်ပါဘူး။

• စွပ်ရမယ့်နေရာ ရှည်လွန်းခြင်း
• အလိုလို အံကြိတ်ဝါးနေတတ်ခြင်း
• သွားလှုပ်ရှားမှုများပြီး ပြန်ပြုတ်နိုင်ခြေများနေခြင်း
• သွားမညီခြင်းကြောင့် ကောင်းကောင်းမတပ်ဆင်နိုင်ခြင်း
• အကူသွားများ အရည်အသွေးမပြည့်ဝခြင်း (ဥပမာ မျက်နှာပြင်ဧရိယာနည်းခြင်း၊ ကြွေလွှာပါးခြင်း၊ ဆိုးရွားစွာ ပြန်လည်ပြုပြင်ထားရခြင်း)
• ပေါင်းကူးပတ်လည်တွင် သန့်ရှင်းရေးလုပ်ရန်ခက်၍ သွားပိုးစားမှုများခြင်း
• သွား၏ ရှင်သန်နိုင်စွမ်း လျော့သွားခြင်း
• သတ္တုနှင့် ဓတာ်မတည့်ခြင်း

ပိုပြီး အသေးစိတ်သိလိုလျှင် နားလည်တတ်ကျွမ်းသူများနဲ့ တိုင်ပင်ပါ။

ကုန်ကျစရိတ်

အိန္ဒိယမှာ ၂၁.၈၀ နဲ့ ၂၁၇.၉၉ ဒေါ်လာကြား ကုန်ကျပါတယ်။ မလေးရှားမှာ ၂၄၆.၁၅ ဒေါ်လာလောက် ကုန်ပါတယ်။

ပြင်ဆင်ခြင်း

၁။ ဘာတွေပြင်ဆင်ရမလဲ

ကုသမှုမခံယူခင်မှာ အောက်ပါအချက်တွေကို လိုက်နာပါ။

• တရက်နှစ်ရက်ခန့်ကြိုပြီး ဆေးလိပ်ဖြတ်ပါ
• ရက်အနည်းငယ်ကြိုတင်ပြီး သွေးကျဲဆေး သုံးစွဲပါ။

သွားပေါင်းကူးစိုက်ပြီးချိန်မှာ ဘာလုပ်သင့်သလဲ

• ပြုပြင်ထားတဲ့ဖက်နဲ့ မဝါးပါနဲ့
• အစာမာမာ မစားပါနဲ့
• သွားတိုက်ချိန်၊ သွားကြားထိုးချိန်မှာ သတိထားပါ
• ရက်အနည်းငယ်ကြာတဲ့အထိ စေးကပ်တဲ့အစာတွေ မစားပါနဲ့။
• ရက်အနည်းငယ်ကြာတဲ့အထိ အရက်၊ ဆေးလိပ် မသောက်ပါနဲ့။
• သွားကို ပုံမှန်တိုက်ပါ။

ပိုပြီး အသေးစိတ်သိလိုလျှင် နားလည်တတ်ကျွမ်းသူများနဲ့ တိုင်ပင်ပါ။

ပြုလုပ်ပုံ

၁။ ဘယ်လောက်ကြာသလဲ

ကုသမှုကြာမြင့်ချိန်ဟာ အပိုင်း ၂ပိုင်းပါပြီး ၂-၃နာရီလောက်ကြာတတ်ပါတယ်။ သွားပေါင်းကူးရဲ့ သက်တမ်းကတော့ ၅နှစ်ကနေ ၁၅နှစ်ထိ ကြာရှည်ခံပါတယ်။ ဒီထက်လည်း ပိုခံနိုင်ပါတယ်။ ခံတွင်းကျန်းမာရေးကောင်းပြီး ပုံမှန် စစ်ဆေးနေရင် ၁၀နှစ်အထက်တော့ ကြာပါတယ်။

၂။ ဘယ်လိုပြုလုပ်သလဲ

ပေါင်းကူးတွေဟာ သွားအစွပ်တွေနဲ့ ထိန်းထားတာမျိုးလည်း ရှိပါတယ်။ ပျက်စီးနေတဲ့သွားပေါ် သွားအစွပ်တပ်ဆင်ပြီး ခိုင်မာစေပါတယ်။ ပြိးရင် တခြားသွားတွေကို ပုံစံပြုပြင်ပြီး ပေါင်းကူးစိုက်နိုင်ဖို့ လုပ်ပါတယ်။ ဒါမှမဟုတ်ရင် သွားစိုက်တဲ့နည်းသုံးပါတယ်။ တိုင်တေနီယမ်ချောင်းကို မေးရိုးပေါ်တပ်ဆင်ပြီး အမြစ်အသစ်ဖြစ်စေပါတယ်။ ပြီးရင် ပေါင်းကူးကို သေချာကျနစွာ တပ်ဆင်နိုင်ပါတယ်။

ပေါင်းကူး၃မျိုး ရှိပါတယ်။

– ရိုးရိုးပေါင်းကူး။

ပေါ်စီလင်နဲ့ ပြုလုပ်ထားပြီး အဖိုးတန်တဲ့ ဒါမှမဟုတ် အဖိုးနည်းတဲ့ သတ္တုတမျိုးမျိုးနဲ့ ဆက်ထားပါတယ်။ မရှိတဲ့သွားနေရာရဲ့ ဘေးတဖက်စီက သွားတွေကို အစွပ်စွပ်တဲ့နည်းနဲ့ ပေါင်းကူးတပ်ဆင်ပါတယ်။

– Cantilever နည်း။

သွားတဖက်တည်းကနေ ထိန်းထားပေးပြီး ကပ်လျက်သွားမှာ အစွပ်စွပ်ဖို့ လိုပါတယ်။ ဒီအမျိုးအစားကို အံသွားတွေမှာ မလုပ်နိုင်ပါဘူး။ ဖိဝါးရင် ပျက်စီးသွားတတ်လို့ ဖြစ်ပါတယ်။

– Maryland Bonded ပုံစံ။

ကိုက်အားနည်းတဲ့ ရှေ့သွားတွေအတါက် သုံးပါတယ်။ သွားတုကို သတ္တုနဲ့ပေါင်းပြီး ဘေးသွားတွေကို ထိခိုက်မှုနည်းအောင် လုပ်ပေးပါတယ်။

ကုသမှုဟာ ၂ရက်လောက် အချိန်ယူရတတ်ပါတယ်။ ဆရာဝန်ဆီ ၂ကြိမ် သွားရပါတယ်။

ပထမအကြိမ်မှာ အကူသွားတွေကို အရွယ်ညှိပါတယ်။ အစွပ်စွပ်နိုင်ဖို့ နေရာပြင်ဆင်ပါတယ်။ ပြင်ဆင်ပြီးချိန်မှာ သွားရာတွေကို ယူပါတယ်။ ဒီဂျစ်တယ်နည်းနဲ့ ပုံရိပ်ဖော်နိုင်ပြီး သွားရဲ့ တည်ဆောက်ပုံနဲ့ ဖိအားကို သိနိုင်ပါတယ်။ သွားအစွပ်နဲ့သွားတုတွေကို ပုံစံယူပြီးတဲ့နောက် သွားဖက်ဆိုင်ရာ ဓါတ်ခွဲခန်းမှာ ပြုလုပ်ပါတယ်။ အဲဒီအတွက် ရက်အနည်းငယ် ကြာနိုင်ပါတယ်။ သွားကို ပုံစံပြင်ချိန်မှာ ထိခိုက်မှုမရှိအောင် ယာယီသွားပေါင်းကူး တပ်ဆင်နိုင်ပါတယ်။ သွားစိုက်တဲ့နည်းနဲ့ ပြုလုပ်ရင် မေးရိုးပေါ်က အသားကို အနည်းငယ် ခွဲစိတ်ပါတယ်။ ပြီးရင် ပြန်ချုပ်ပေးပြီး အနာကျက်သွားပါလိမ့်မယ်။

ဒုတိယအကြိမ်မှာတော့ ယာယီသွားပေါင်းကူနေရာမှာ အမြဲတမ်းတပ်သွားမယ့် သွားပေါင်းကူးနဲ့ လဲလှယ်တပ်ဆင်ပါတယ်။ သွားစိုက်တဲ့နည်းဆိုရင် ပေါင်းကူးကို စိုက်ထားတဲ့သွားကို အားယူပြီး တပ်ဆင်ပါတယ်။ တပ်ဆင်ထားတဲ့ ပေါင်းကူးဟာ အံဝင်ခွင်ကျရှိလား စစ်ဆေးပါလိမ့်မယ်။ နောက်ဆုံးမှာ သေချာစမ်းသပ်ပြီးရင် ကော်တမျိုးနဲ့ ကပ်ပါလိမ့်မယ်။ သွားအတုဟာ သွားဖိုးအသားနဲ့ ထိစပ်နေမှာကြောင့် ဘက်တီးရီးယားပိုးတွေ ဝင်ရောက်စေခြင်း မရှိပါဘူး။

၃။ ပြီးရင် ဘာဖြစ်မလဲ

ကုသမှုပြီးချိန်မှာ နှုတ်ခမ်း၊ လျှာနဲ့ သွားတွေ နာရီအနည်းငယ်ကြာတဲ့အထိ ထုံနေပါလိမ့်မယ်။ ထုံနေခြင်း ပျောက်သွားတဲ့အထိ ကြိတ်ဝါးခြင်း မပြုပါနဲ့။

ဖိအားနည်းနည်းကို ခံစားသိနေခြင်း၊ ရောင်ရမ်းခြင်း စတာတွေ ကြုံနိုင်ပါတယ်။ ၁-၂ရက်ထက် ပိုပြီး ခံစားနေရရင် ဆားရည်နွေးနွေးနဲ့ကျင်းပါ။ Acetaminophen (သို့) Ibuprofen စတဲ့ ဆေးတွေကို မိမိဖာသာ ဝယ်ယူသောက်သုံးနိုင်ပါတယ်။

ပိုပြီး အသေးစိတ်သိလိုလျှင် နားလည်တတ်ကျွမ်းသူများနဲ့ တိုင်ပင်ပါ။

နောက်ဆက်တွဲပြသနာများ၊ ဘေးထွက်ဆိုးကျိုးများ

၁။ နောက်ဆက်တွဲပြသနာတွေက ဘာတွေလဲ

နောက်ဆက်တွဲပြသနာတွေဟာ ရှားပါးပါတယ်။

၂။ ဘေးထွက်ဆိုးကျိုးတွေက ဘာတွေလဲ

အောက်ပါ ဘေးထွက်ဆိုးကျိုးတွေကို ယာယီကြုံနိုင်ပါတယ်။

• ရောင်ရမ်းခြင်း၊ ပိုးဝင်ခြင်း
• ဓါတ်မတည့်ခြင်း

[embed-health-tool-bmi]