ဆောင်းပါးများ
ကိရိယာများ
အဖွဲ့များ
ထိပ်ပြောင်တာနဲ့ ပက်သက်လို့ အမျိုးသားထုကြီး မေးချင်နေတဲ့ အရာများ။ ။
Q အသက်ဘယ်လောက်ဆို ထိပ်စပြောင်တတ်လဲ။ ။
- ၂၀ ရာခိုင်နှုန်းသော အမျိုးသားတွေဟာ သူတို့ အသက်၂၀ ဝန်းကျင်လောက်မှာ ထိပ်ပြောင်တာကို စသတိထားမိတတ်ကြပါတယ်။
- အသက် ၅၀ လောက်မှာ ထိပ်ပြောင်တဲ့ အမျိုးသားတွေက ၅၀ ရာခိုင်နှုန်းလောက်ရှိပြီး
- အသက် ၇၀ အရွယ်မှာ ထိပ်ပြောင်တဲ့ အမျိုးသား ၇၀ ရာခိုင်နှုန်းရှိပါတယ်။ ဒါကြောင့် အသက် ဘယ်လောက်ဆို ထိပ်ပြောင်ရမယ်ဆိုတာက သေချာ သတ်မှတ်ထားတာမျိုး မဟုတ်တဲ့အတွက် တစ်ယောက်နဲ့ တစ်ယောက် မတူနိုင်ပါဘူး။
Q ထိပ်ပေါ်က ဆံပင်တွေ အကုန်ကုန်သွားဖို့ ဘယ်လောက်ကြာလဲ။ ။
- ကိုယ့်ထိပ်ပေါ်က ဆံပင်တွေစပါးနေပြီလို့ သတိထားမိတဲ့ အချိန်ကနေ နောက် ၁၅ နှစ် ( ဒါမှမဟုတ်) ၂၅ နှစ် အတွင်းမှာ ထိပ်ပေါ်က ဆံပင်တွေ အကုန်ပြောင်သွားနိုင်ပါတယ်။ ဒါက ပျှမ်းမျှ တွက်ထားတာဖြစ်ပြီး တစ်ချို့ဆို ၅ နှစ်အတွင်းမှာတင် အကုန်ပြောင်သွားနိုင်ပါတယ်။
Q ကိုယ့်ဆံပင်တွေ စပါးလာပြီးဆို နောက်ပိုင်းဘာတွေ ဆက်ကြုံတွေ့ရမှာလဲ။ ။
- ထိပ်ပြောင်တာက တစ်ဆင့်ပြီးမှ တစ်ဆင့်ဖြစ်တတ်တာမျိုးပါ။ အဆင့်တွေကတော့
၁ ။ ဆံပင်ကျွတ်တာ သိပ်မသိသာသေးဘူး
၂ ။ နဖူးနဲ့ ထိပ်တွေမှာ ဆံပင်တွေ စပါးလာပြီ။ သိသိသာသာတော့ ဆံပင် မကျွတ်သေးဘူး
၃ ။ မှန်ထဲကြည့်လိုက်တဲ့ အချိန်မှာ နဖူးကဆံစပ်အနားလိုင်း နောက်ဆုတ်တာ သိသာလာပြီ။ ထိပ်ပေါ်က ဆံပင်လေးတွေဆို ထိလိုက်တာနဲ့တင် ကျွတ်လာပြီ။
၄ ။ ဆံပင်လိုင်းက သိသိသာသာနောက်ဆုတ်လာပြီး ပြောင်နေတဲ့နေရာနဲ့ မပြောင်ဘဲကျန်ခဲ့တဲ့နေရာကို ခွဲခြားမြင်လာရပြီ။ နဖူးနဲ့ ထိပ်က ဆံပြင်ပြောင်တဲ့နေရာတွေကတော့ ဆက်မနေသေးဘူး။
၅ ။ နဖူးနဲ့ ထိပ်က ဆံပြင်ပြောင်တဲ့နေရာတွေကြားက ဆံပင်တွေ စပါးလာပြီ။
၆ ။ နောက်ဆုံး အဆင့်အနေနဲ့ နဖူးနဲ့ ထိပ်က ပြောင်နေတဲ့နေရာနှစ်ခုဆက်သွားပြီး နားထင်မှာပဲ ဆံပင်တွေကျန်ခဲ့တယ်။ ။
Q ထိပ်ပြောင်ရင် ဘယ်လိုနည်းတွေနဲ့ ကုသလို့ရမလဲ။ ။
- ဆံပင်ကောင်းစေမယ့် အစားအသောက်ေတွစားပေးတာမျိုး
- ဆံပင်စိုက်တာမျိုး
- ဆံပင်သန်ေဆးလိမ်းတာမျိုးတွေကို ဆရာဝန်နဲ့ သေချာတိုင်ပင်ပြီး ထိပ်ပြောင်တာကို ကုသလို့ရပါတယ်။
Q ထိပ်ပြောင်တာကို ကြိုတင်ကာကွယ်လို့ရလား။ ။
စိတ်ဖိစီးမှုတွေ လျော့အောင်နေမယ်၊ ပရိုတင်းဓါတ်ကြွယ်ဝတဲ့ အစားအသောက်တွေစားပေးမယ်၊ ဆံပင်ကိုခဏခဏ ဆေးဆို တာမျိုးတွေ မလုပ်ဘူး၊ ဗီတာမင် A ဗီတာမင် C နဲ့ ဇင့်ဓါတ်ကြွယ်ဝတာတွေ စားပေးမယ်ဆိုရင် ထိပ်ပြောင်တာကို အနည်းနဲ့ အများတော့ ကြိုတင်ကာကွယ်လို့ရနိုင်ပါတယ်။
မှ ဆေးပညာပိုင်းဆိုင်ရာ စစ်ဆေးထားပါသည်။Hello Sayarwon Panel
Written by Dr. Thin Yadanar @ Frances · 20/07/2022 တွင် အသစ်ဖြည့်စွက်ခဲ့သည်။