သင်သိထားသင့်သည့် သက်ကြီးရွယ်အိုများအတွက် ဟန်ချက်ထိန်းလေ့ကျင့်ခန်း ၅ မျိုး

သင်အသက်ကြီးလာတဲ့အချိန်မှာ ချော်လဲနိုင်ပါတယ်။ ချော်လဲခြင်းနဲ့ ချော်လဲခြင်းကြောင့်ရတဲ့ ဒဏ်ရာတွေဖြစ်တဲ့ အရိုးကျိုးခြင်းတွေဟာ သင့်ရဲ့ လှုပ်ရှားမှုတွေကို ကန့်သတ်နိုင်ပါတယ်။ ညီမျှမှု လေ့ကျင့်ခန်းတွေဟာ သင့်လှုပ်ရှားမှုတွေနဲ့ ကိုယ်ခန္ဓါပုံစံတွေကို ထိန်းချုပ်မှုရရှိစေပါတယ်။ ဒါကြောင့် သူတို့က ချော်လဲခြင်းတွေကို ကာကွယ်ပေးနိုင်ပါတယ်။

ရိုးရှင်းတဲ့ လေ့ကျင့်ခန်း ငါးမျိုး

သင့်ရဲ့ညီမျှမှုကို တိုးတက်စေတဲ့ ရိုးစင်းတဲ့ လေ့ကျင့်ခန်း ငါးမျိုးရှိပါတယ်။ ဒီလေ့ကျင့်ခန်းတွေကို သင်လုပ်နိုင်မလုပ်နိုင်နဲ့ သင့်ကျန်းမာရေးအခြေအနေနဲ့ လုပ်ဖို့ သင့်မသင့်ဆိုတာ သိရှိဖို့ ဆရာဝန်နဲ့ တိုင်ပင်ဆွေးနွေးနိုင်ပါတယ်။

ခြေထောက်တစ်ဖက်နဲ့ မတ်တပ်ရပ်ပါ။

• နံရံနဲ့ မျက်နှာခြင်းဆိုင် (သို့) ခုံရဲ့ နောက်ဘက်မှာ ရပ်သင့်ပါတယ်။
• လက်ကို ဆန့်ထုတ်ပြီး နံရံ (သို့) ထိုင်ခုံကို ထိထားသင့်ပါတယ်။
• ခြေထောက်တစ်ဖက်ကို ဒူးကွေးပြီးကမကာ တင်ပါးဆုံ မျက်နှာပြင်လောက်ရောက်အောင် မြှောက်ထားသင့်ပါတယ်။
• ခြေထောက်ကို ကြမ်းပြင်ပေါ်ကို ဖြည်းညင်းစွာ ပြန်ချပါ။
• ဒီပုံစံကို ၁၀ မိနစ်ကနေ ၁၅ မိနစ်အထိ ပြုလုပ်သင့်ပါတယ်။
• အခြားခြေထောက်တစ်ဘက်နဲ့ ၁၀ကြိမ်၊ ၁၅ ကြိမ် ထပ်ပြီး ပြုလုပ်သင့်ပါတယ်။

ဘေးတိုက်လမ်းလျှောက်ခြင်း

• လက်ကို ဘေးမှာ ချပြီး မတ်မတ်ရပ်ပါ။
• ခြေထောက်တစ်ဖက်ကို ဘေးဘက်ကို ညင်သာစွာ ဆန့်ထုတ်ပါ။
• အခြားတစ်ဖက်ကို ပထမခြေထောက်နောက်ကို လိုက်လှမ်းပါ။
• ဆယ်ကြိမ်လောက် ပြန်လည်ပြုလုပ်ပါ။
• ပြောင်းပြန်ပြုလုပ်ပါ။

ခြေဖနောင့်-ခြေဖဝါး လမ်းလျှောက်ပါ။

• ကြမ်းပြင်ပေါ်မှာ မတ်မတ်ရပ်ပါ။
• ခြေထောက်တစ်ဖက်ရဲ့ ခြေဖနောင့်ကို အခြားတစ်ဖက်ရဲ့ ခြေချောင်းရှေ့မှာ ထားပါ။
• သင့်ခြေဖနောင့်ဟာ ခြေချောင်းတွေကို ထိနေသင့်ပါတယ်။
• ခြေလှမ်းတစ်လှမ်းစလှမ်းပါ။
• ခြေလှမ်း ၂၀ ထပ်လှမ်းပါ။
• သင့်မျက်လုံးတွေက ရှေ့တည့်တည့်ကို အမြဲကြည့်နေပါ။ လက်တွေကို ဘေးကို ဆန့်ထုတ်ပြီး ချော်လဲခြင်းက ကာကွယ်နိုင်အောင် နံရံကို ကိုင်ထားနိုင်ပါတယ်။

Step-up လေ့ကျင့်ခန်း

• မတ်မတ်ရပ်ပါ။
• ခြေထောက်တစ်ဖက်ကို ခြေလှမ်းကြွလိုက်ပါ။
• အခြားတစ်ဖက်နဲ့ ပထမခြေထောက်အတိုင်း လိုက်လုပ်ပါ။
• ပထမခြေထောက်ကို ပြန်ချပါ။
• အခြားခြေထောက်ကို စစချင်းပုံစံကို ပြန်သွားပါ။
• ခြေထောက်တစ်ဖက်ကို ငါးကြိမ်စီ ပြုလုပ်သင့်ပါတယ်။
• ဒီလေ့ကျင့်ခန်းကို နံရံနားမှာ ပြုလုပ်သင့်ပါတယ်။

Back leg raises နောက်ခြေမြှောက် လေ့ကျင့်ခန်း

• ထိုင်ခုံအနောက်မှာ မတ်တပ်ရပ်ပါ။ ညီမျှမှုကို ထိန်းသိမ်းဖို့ ထိုင်ခုံကို ကိုင်ထားနိုင်ပါတယ်။
• ခြေထောက်တစ်ဖက်ကို အနောက်ကို မပါ။ ဒူးမကွေးသင့်ပါဘူး။
• ထိုင်ခုံဘက်ကို လူကို ကုံးလိုက်ပါ။
• ဒီပုံစံအတိုင်း တစ်စက္ကန့်နေပါ။
• ပုံမှန်ပုံစံကို ပြန်သွားပါ။
• ဒီခြေထောက်နဲ့ ၁၀-၁၅ ကြိမ်ပြုလုပ်သင့်ပါတယ်။
• အခြားခြေထောက်တစ်ခုနဲ့လည်း ၁၀-၁၅ကြိမ် ပြုလုပ်သင့်ပါတယ်။

ဒီလေ့ကျင့်ခန်းတွေကို ဘယ်လောက်တစ်ကြိမ် ပြုလုပ်သင့်သလဲ။

ဒီလေ့ကျင့်ခန်းတွေကို သင်ကြိုက်သလောက် ပြုလုပ်နိုင်ပါတယ်။ ညီမျှမှုလေ့ကျင့်ခန်းတွေဟာ ရိုးစင်းပြီး အချိန်အများကြီး မလိုအပ်ပါဘူး။ သူတို့ကို အခြားသန်မာစေတဲ့ လေ့ကျင့်ခန်းတွေနဲ့တွဲပြီး ညီမျှမှုတိုးတက်အောင် ပြုလုပ်နိုင်ပါတယ်။ ညီမျှမှုလေ့ကျင့်ခန်း အများကြီးလုပ်ခြင်းဟာလည်း ကိုယ်ခန္ဓါကို မထိခိုက်စေနိုင်ပါဘူး။

လေ့ကျင့်ခန်းလုပ်နေစဉ် လုံခြုံစိတ်ချရစေမယ့် အချက်များ

သင်လေ့ကျင့်ခန်းလုပ်တဲ့အခါ ဒဏ်ရာရရှိမှုတွေကို ကာကွယ်ဖို့ အရေးကြီးပါတယ်။

• လေ့ကျင့်ခန်းကို ချော်လဲခြင်းက ကာကွယ်ဖို့ နံရံ၊ ခုံနားမှာ ပြုလုပ်သင့်ပါတယ်။ လေ့ကျင့်ခန်းလုပ်စဉ်မှာ သင့်ကို ကိုင်ထားပေမယ့် လူရှိခြင်းဟာ သင့်လျော်ပါတယ်။
• သင့်လျော်တဲ့ ဖိနပ်၊ ဖျာ အစရှိတာတွေကို သုံးသင့်ပါတယ်။
• ပြားနေတဲ့ ကြမ်းပြင်ပေါ်မှာ လေ့ကျင့်ခန်း လုပ်သင့်ပါတယ်။
• ညီမျှမှုလေ့ကျင့်ခန်းတွေဟာ ရိုးစင်းပြီး သင့်ရဲ့ ညီမျှမှုကို ထိန်းပေးနိုင်ပါတယ်။ သူတို့ဟာ ပြုလုပ်ရလွယ်ကူတာမို့ သင်ကြိုက်သလောက် ပြုလုပ်နိုင်ပါတယ်။ အခြားမလိုလားအပ်တဲ့ ဒဏ်ရာရရှိမှုတွေ မဖြစ်ရအောင် လုံခြုံစိတ်ချရတဲ့ နည်းလမ်းတွေကို အသုံးပြုသင့်ပါတယ်။ Hello Health Group သည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။