ဒီရက်ပိုင်းမှာ ရာသီဥတု တော်တော်ပူလာတာကို သတိပြူမိမှာပါ ။ အထူးသဖြင့် နေလယ်နေခင်းအချိန်တွေက နေပူထဲထွက်ဖို့ မဝံ့ရဲအောင်ပါပဲ ။ စာရေးသူလို သန်သန်မာမာ လူငယ်တစ်ယောက်တောင် နေပူဒဏ်ကို ကြာကြာမခံနိုင်တဲ့အတွက် နေပူထဲမှာ သွားလာနေရတဲ့ စာဖတ်ပရိတ်သတ်အတွက် အပူဒဏ်ကြောင့် ဖြစ်တတ်တဲ့ အန္တရာယ်တွေကို သတိပြုမူစေနိုင်ဖို့ ဒီဆောင်းပါးကို ရည်ရွယ်ပါတယ် ။
ဆောင်းပါးများ
ကိရိယာများ
အဖွဲ့များ
အပူဒဏ် အန္တရာယ် ကာကွယ်ပါ
- ကြွက်တက်ခြင်း
- မူးဝေခြင်း
- အသက်ရှူမြန်ခြင်း၊ နှလုံးခုန်နှုန်း မြန်ခြင်း
- ခေါင်းကိုက်ခြင်း
- ဂနာမငြိမ်ဖြစ်ခြင်း
- ရေအလွန်ငတ်ခြင်း
- အသားအရည် ဖြူဆုတ်သွားခြင်း
- ချွေးအထွက်လွန်ပြီး မေ့လဲခြင်းတွေ ဖြစ်တတ်ပါတယ် ။
ဒီထက်ဆိုးတဲ့ အခြေအနေကတော့ အပူကြောင့် သတိလစ်ခြင်းဖြစ်ရင်တော့ အပေါ်က လက္ခဏာတွေအပြင်
- ကိုယ်ပူချိန် ၁၀၄ ဒီဂရီဖာရင်ဟိုက်ထက် တက်ခြင်း
- ကယောင်ကတမ်းဖြစ်ခြင်း
- သတိမေ့မြောခြင်း
- သွေးခုန်နှုန်း ကျသွားခြင်း
- တက်ခြင်း
- အရေပြား ခြောက်သွေ့ခြင်းတွေ ဖြစ်တတ်ပါတယ် ။
ဒီအခြေအနေတွေက အရေးပေါ် ကုသမှုခံယူရမယ့် အခြေအနေဖြစ်တဲ့အတွက် ဆေးရုံကို အမြန်ဆုံးပြေးဖို့ လိုအပ်ပါမယ် ။ လမ်းမှာ လူနာက သတိလစ်ခြင်း အန်ခြင်းတွေ ဖြစ်နေရင်တော့ ရေမတိုက်သင့်ပါဘူး ။ အဖျော်ယမကာ နဲ့ ကဖင်းဓါတ်ပါတဲ့ အရည်တွေကိုလည်း ရှောင်သင့်ပါတယ် ။
အပူကြောင့် ကြွက်တက်သူတွေအနေနဲ့
- အရိပ်ရတဲ့နေရာမှာ နေထိုင်ပါ
- ကြွက်တက်နေတဲ့ နေရာကို အနည်းငယ်နှိပ်နယ်ပေးခြင်း ၊ ကြွက်သားဖြေလျှော့ခြင်းတွေ လုပ်ပါ
- sport drink သို့မဟုတ် ရေအေးအေးကို ၁၅မိနစ် တစ်ကြိမ်ခန့်သောက်ပါ
အပူဒဏ်ကြောင့် ပင်ပန်းနေတဲ့လူနာတွေကို
- အရိပ်ရပြီး အေးတဲ့နေရာမှာ နေထိုင်စေခြင်း
- အဝတ်အစား ချောင်ချိအောင် ပြုလုပ်ခြင်း
- မျက်နှာ ၊လည်ပင်း၊ ရင်ဘတ်နဲ့ ခြေလက်တွေကို ရေပတ်တိုက်ပေးခြင်း
- ကိုယ်အေးအောင် ယပ်တောင်ခပ်ပေးခြင်း
- ရေအေးအေးကို ၁၅မိနစ် တခါသောက်ပေးစေခြင်းတွေကို ပြုလုပ်သင့်ပါတယ် ။
အပူကြောင့် သတိလစ်ခြင်းကတော့ အသက်အန္တရာယ်ရှိတဲ့အတွက် ဆေးရုံကို အမြန်ပြေးရပါမယ် ။ လမ်းမှာ
အပူကြောင့် ဖြစ်တတ်တဲ့ အန္တရာယ်တွေကို ကာကွယ်ဖို့အတွက်
- အနားယူပါ
- အဝတ်အစား အရောင်ဖျော့ဖျော့ ချောင်ချောင်ချိချိ အဝတ်တွေ ဝတ်ပါ
- ရေများများသောက်ပြီး
- အရက်ကို ရှောင်ရှားဖို့ တိုက်တွန်းပါရစေ
ရေးသားသူ – ဒေါက်တာအောင်ကျော်မြင့်
မှ ဆေးပညာပိုင်းဆိုင်ရာ စစ်ဆေးထားပါသည်။Hello Sayarwon Panel
Written by Dr. Thiha Phyo Myint · 07/06/2022 တွင် အသစ်ဖြည့်စွက်ခဲ့သည်။