Anti-Glomerular Basement Membrane (အန်တီဂလိုမာရုလာဘေ့စ်မန့်မန်ဘရိန်း)

အဓိပ္ပါယ်ဖွင့်ဆိုချက်

Anti glomerular basement membrane ဆိုတာ ဘာလဲ

Anti-glomerular basement membrane စစ်ဆေးခြင်းအား Goodpasture syndrome နှင့် nephritis ကို ရောဂါအမည် တပ်နိုင်ရန် အသုံးပြုပါသည်။ Goodpasture syndrome သည် ကိုယ်ခံအားမှ ကိုယ့်ကိုယ်ကိုယ် ပြန်တိုက်သော ရောဂါတစ်မျိုးဖြစ်ပြီး ကျောက်ကပ်မှ glomerular basement membrane နှင့် အဆုတ်မှ pulmonary alveoli များကို တိုက်ရန် antibodies များ ထုတ်သော ရောဂါဖြစ်သည်။

၎င်း antibodies များသည် ကိုယ်ခံအားစနစ်ကို ထကြွစေပြီး ကျောက်ကပ်နှင့် အဆုတ်များကို ထိခိုက်စေသည်။ လူနာများသည် အောက်ပါ ပြဿနာသုံးခုကို တစ်ပြိုင်နက် ခံစားရနိုင်၏။ glomerulonephritis, pulmonary hemorrhage (အဆုတ်တွင် သွေးယိုခြင်း) နှင့် anti-glomerular basement membrane antibody ပေါ်လာခြင်း။ ၆၀ မှ ၇၅ ရာခိုင်နှုန်းသော immune glomerulonephritis ရှိ လူနာများတွင် အဆုတ် ပြဿနာကိုပါ ခံစားရပါလိမ့်မည်။

အခြေခံအကြောင်းရင်းကို သိရှိခြင်း

Anti glomerular basement membrane စစ်ဆေးမှုကို ဘာကြောင့် လုပ်ရသလဲ

Anti-GBM စစ်ဆေးမှုအား ဆရာဝန်က သင့်၌ Goodpasture syndrome နှင့် lupus nephritis ရောဂါလက္ခဏာများ ရှိလျှင် စစ်ဆေးရန် ညွှန်ကြားမည် ဖြစ်သည်။ ထိုရောဂါနှစ်ခု၏ လက္ခဏာများမှာ အောက်ပါအတိုင်း ဖြစ်၏။

• ကိုယ်အလေးချိန်ကျခြင်း
• ချမ်းတုန်ဖျားခြင်း
• ချောင်းဆိုးသွေးပါခြင်း
• ပျို့ခြင်း အန်ခြင်း
• ရင်ဘတ်အောင့်ခြင်း
• အဆုတ်နှင့် ကျောက်ကပ်တို့မှ သွေးထွက်သောကြောင့် သွေးအားနည်းခြင်း
• အဆုတ်အားနည်းခြင်း (အသက်ရှုရ အလွန်ခက်ခြင်း)
• ကျောက်ကပ် မကောင်းခြင်း

ကြိုတင်ပြင်ဆင်ခြင်း

Anti glomerular basement membrane မစစ်ခင် ဘာတွေ သိထားရမလဲ

Immunohistochemica နည်းပညာကို သုံးပြီး ၎င်း antibodies များကို ရှာဖွေနိုင်ရန် သင့်ဆရာဝန်သည် အဆုတ်နှင့် ကျောက်ကပ် အသားစ လိုအပ်နိုင်ပါသည်။ Serology သည် Goodpasture’s syndrome ကို အမည်တပ်ရန် သုံးရာတွင် ပိုမြန်ပြီး ပိုစိတ်ချရ၏။ အထူးသဖြင့် အသားစယူရန် ခက်ခဲသော လူနာများ သို့မဟုတ် အသားစ လုံးဝ ယူလို့မဖြစ်သော လူနာများတွင် ပိုအသုံးဝင်သည်။ သွေးရည်ကြည်အတွင်း antibody လယ်ဗယ်သည် လူနာအားကုသမှု အခြေအနေ ကောင်း၊ မကောင်း သိရန် စောင့်ကြည့်ရာတွင် အထောက်အကူ ပြုနိုင်သည်။

ဤစမ်းသပ်ချက်ကို မလုပ်ခင် သတိပေးချက်များ အထူး သတိပြုရမည်များအား နားလည်ထားရန် အရေးကြီး၏။ မေးခွန်းများရှိလျှင် ညွှန်ကြားချက်များ ထပ်သိလိုသည်များ ရှိလျှင် သင်၏ ဆရာဝန်နှင့် တိုင်ပင်ဆွေးနွေးပါ။

Anti glomerular basement membrane မစစ်ဆေးခင် ဘာတွေ ပြင်ဆင်ထားရမလဲ

ဆရာဝန်ရှင်းပြသော စစ်ဆေးမှု အကြောင်းကို သေချာနားထောင်ပါ။ မစစ်ဆေးခင် ၈ နာရီ အလိုမှစ၍ အစာမစားဘဲ နေရမည်။ ရေသောက်နိုင်သည်။

အဆုတ် (သို့) ကျောက်ကပ်မှ အသားစ ယူမည်ဆိုပါက လုပ်ငန်းစဉ်ကို ရှင်းပြသော ဆရာဝန်စကားကို သေချာနားထောင်ပါ။

လက်ဖျံမှသွေးကို သူနာပြုများ အလွယ်တကူ ထုတ်ယူနိုင်ရန် လက်တိုအင်္ကျီကို ဝတ်ဆင်သင့်သည်။

စမ်းသပ် စစ်ဆေးခြင်း

Anti glomerular basement membrane စစ်ဆေးနေစဉ် ဘာဖြစ်နိုင်မလဲ

• သွေးတိတ်စေရန် လက်မောင်းတွင် ပတ်တီးစည်းခြင်း
• အပ်ထိုးသည့် နေရာတွင် ပိုးမဝင်စေရန် အရက်ပြန်နှင့် ပိုးသတ်ခြင်း
• သွေးပြန်ကြောထဲသို့ အပ်စိုက်ခြင်း။ လိုအပ်လျှင် တစ်ခါထက်ပိုပြီး စိုက်ပါလိမ့်မည်။
• ပိုက်နှင့်သွေးကို ယူခြင်း
• လိုအပ်သည့် ပမာဏရပါက လက်မောင်းတွင် ပတ်ထားသည့် တိပ်များကို ဖယ်ခြင်း
• အပ်စိုက်ရာတွင် ပတ်တီး (သို့) ဂွမ်းဖြင့် ဖိခြင်း
• Urgo ဆေးများသုံးခြင်း

Anti glomerular basement membrane စစ်ဆေးပြီးနောက် ဘာဖြစ်နိုင်မလဲ

ဆရာဝန် (သို့) သူနာပြုများသည် စစ်ဆေးရန် သွေးယူမည်ဖြစ်သည်။ ယေဘုယျအားဖြင့် သင်၏ နာကျင်မှု လယ်ဗယ်သည် သူနာပြု၏ ကျွမ်းကျင်မှု၊ သွေးပြန်ကြော၏ အခြေအနေနှင့် သင်၏ နာကျင်မှုကို ခံစားနိုင်စွမ်းပေါ်တွင် မူတည်ပါသည်။

သွေးထုတ်ယူပြီးနောက် ပတ်တီးစကို သုံးပြီး အပ်စိုက်သည့် နေရာကို ဖိကာ သွေးတိတ်ရပ်အောင် လုပ်နိုင်ပါသည်။ စစ်ဆေးပြီးနောက် နဂိုအလုပ်များကို ဆက်လုပ်နိုင်ပါသည်။

သွေးဓါတ်မတည့်မှု စစ်ဆေးခြင်းအကြောင်း မေးစရာများရှိလျှင် ပိုမိုနားလည်စေရန် ဆရာဝန်နှင့် တိုင်ပင်ဆွေးနွေးပါ။

အဖြေကိုသိရှိခြင်း

သင်ရဲ့ရလဒ်က ဘာအဓိပ္ပါယ်လဲ

ပုံမှန်တန်ဖိုး

တစ်သျှူး

Negative ­- ကျောက်ကပ်နှင့် အဆုတ် ဆဲလ်နံရံများတွင် immunofluorescence (IF) အရောင် မတွေ့ရပါ။

သွေး – enzyme immunoassay (EIA) နည်းအရ

Negative – <20 units;

Fluctuation (Borderline): 20-100 units

ပုံမှန်မဟုတ်သော ရလဒ်များ – Positive: သွေး (EIA)> 100 units

• Good pasture syndrome;
• Autoimmune glomerulonephritis disease;
• Lupus nephritis.

ဓါတ်ခွဲခန်းနှင့် ဆေးရုံပေါ် မူတည်ပြီး Anti glomerular basement membrane ပုံမှန်တန်ဖိုးသည် တူညီမည် မဟုတ်ပါ။ ရလဒ်နှင့် ပတ်သက်၍ သိလိုသည်များ ရှိပါက ဆရာဝန်နှင့် တိုင်ပင်ဆွေးနွေးပါ။