ဆေးသောက်ပြီးရင် အရက်ေသာက်လို့ရလား၊ အရက်သောက်ပြီးရင်ရော ဆေးသောက်လို့ရသေးလား။ ဆေးတိုင်း အရက်နဲ့တွဲသောက်လို့ရလား။ အရက်မတည့်တဲ့ ဆေးတွေရှိလား။ ။ ဆေးနဲ့ အရက်တွဲသောက်မိရင် ဘာဖြစ်တတ်လဲ။ အရက်နဲ့ မတည့်တဲ့ ဆေးတွေက ဘာတွေလဲ ။ ။ ဆိုတဲ့မေးခွန်းတွေ မကြာခဏကြားရတတ်ပါတယ်။
Disulfiram-like reactions ဆိုတာ ဘာလဲ။ ။
အရက်နဲ့တွဲသောက်လို့ မဖြစ်တဲ့ ဆေးတွေရှိပါတယ်။ အဲဒါကို မသိဘဲ သောက်လိုက်မိရင် ကိုယ်ခန္ဓါမှာ တစ်ချို့ လက္ခဏာတွေ ခံစားရတတ်ပါတယ်။ ဒါကို ဆေးပညာအရ Disulfiram-like reactions လို့ခေါ်ပါတယ်။ acetaldehyde syndrome လို့လည်း လူသိများပါတယ်။
Disulfiram-like reactions ကဘယ်လိုပေါ်လာတာလဲ ။ ။
Disulfiram လို့ခေါ်တဲ့ဆေးတစ်မျိုးရှိပါတယ်။ အရက်သမားတွေကို အရက်ြဖတ်အောင် လုပ်တဲ့အခါ အဲ့ဒီ Disulfiram ဆေးကိုတိုက်လေ့ရှိပါတယ်။ သူကို့သောက်ပြီး အရက်သောက်လိုက်တဲ့အခါ မသက်မသာဝေဒနာတွေ ခံစားရတဲ့အတွက် နောက်ပိုင်း အရက်ကို မသောက်ချင်အောင် လုပ်တာဖြစ်ပါတယ်။ Disulfiram-like reactions ဆိုတာ Disulfiram ဆေးပြား မဟုတ်တဲ့ တစ်ခြားဆေးတွေကို အရက်နဲ့တွဲသောက်လိုက်ရင် Disulfiram ဆေးပြားနဲ့ အရက်နဲ့သောက်လိုက်တဲ့အခါ ဖြစ်လာတဲ့ ဝေဒနာတွေလိုပဲ ခံစားရတာကို ပြောတာပါ။ ။
ဘာကြောင့်ဖြစ်ရတာလဲ ။ ။
ကိုယ်ခန္ဓါထဲဝင်လာတဲ့ အရက်ကို ဖြိုခွဲပြီး နောက်ပိုင်းမှာ acetaldehyde လို့ခေါ်တဲ့ အဆိပ်တစ်မျိုး ကိုယ်တွင်းမှာ ထွက်လာပါတယ်။ အဲဒီ ဓါတ်ပေါင်းနဲ့ တစ်ချို့ဆေးတွေ ဓါတ်ပြုပြီး Disulfiram-like reactions ဖြစ်လာရတာပါ။
Disulfiram-like reactions ရဲ့ လက္ခဏာတွေက ဘာတွေလဲ ။ ။
နီးနီးကပ်ကပ်အချိန်တစ်ခုမှာ ဆေးနဲ့ အရက်နဲ့ တွဲသောက်မိပြီး သိပ်မကြာခင်မှာ
- ပျို့အန်ချင်လာမယ်
- မျက်နှာတွေ ထူအမ်းအမ်းကြီးဖြစ်လာပြီး နီနေမယ်
- ခေါင်းတွေလည်း မူးေနမယ်
- ခေါင်းကိုက်လာမယ်
- ရင်ဘတ်အောင့်လာပြီး
- ဗိုက်တွေလည်း နာလာမယ်
- သွေးပေါင်ရုတ်တရက်ကျသွားမယ်
- နှလုံးခုန်တွေလည်း မြန်လာမယ် ဆိုရင် သင်သောက်လိုက်တဲ့ ဆေးနဲ့ အရက် ဓါတ်ပြုပြီး သင့်ကို ဒုက္ခပေးနေပါပြီ ။
Disulfiram-like reactions ရဲ့နောက်ဆက်တွဲဆိုးကျိုးတွေက ဘာတွေလဲ ။ ။
ချက်ချင်းဆေးကုသမှု မခံယူဘဲ ဓါတ်ပြုတာတွေ အရမ်းများသွားတဲ့အခါ
- လူကတအားကို အန်နေမယ်
- လမ်းကိုလည်း ဒယိမ်းဒယိုင်လျှောက်မယ်
- နောက်ဆုံး သတိလစ်သွားပြီး အသက်ဆုံးရှုံးတဲ့အထိပြင်းထန်နိုင်ပါတယ်။
ဒါကြောင့် Disulfiram-like reactions စစဖြစ်ချင်းကတည်းက ဆေးဘက်ဆိုင်ရာ အကူအညီယူတာအကောင်းဆုံးပါ။
Disulfiram-like reactions ကိုဖြစ်စေတဲ့ ဆေးတွေကဘာတွေလဲ ။ ။
- Metro လို့လူသိများကြတဲ့ Metronidazole, tinidazole
- Sulfonylureas အုပ်စုဝင်တွေဖြစ်တဲ့ chlorpropamide, tolbutamide, glyburide
- နှလုံးဆေးတွေဖြစ်တဲ့ Isosorbide dinitrate, nitroglycerin နဲ့
- သွေးကျဲဆေး waffrin တို့ဟာ အရက်နဲ့ ဓါတ်ပြုနိုင်တဲ့ဆေးတွေဖြစ်ပါတယ်။
ဒါကြောင့် ဒီဆေးတွေသောက်ပြီး ၂၄ နာရီကနေ ၇၂ နာရီအတွင်း မှာ အရက်မသောက်သင့်ပါဘူး။
Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။
[embed-health-tool-bmi]
