တစ်နေကုန် လန်းဆန်းတက်ကြွနေဖို့ ဘယ်လိုလုပ်မလဲ

ပေါ့ပါးဖျတ်လက်စွာနေခြင်းဖြင့် အဝလွန်ခြင်း၊ သွေးတွင်းအချိုဓါတ်များခြင်း၊ သွေးဖိအားများခြင်း စတဲ့ ကျန်းမာရေးပြဿနာတွေက ကင်းဝေး စေနိုင်တဲ့အပြင် သင်လိုချင်တဲ့ ခန္ဓါကိုယ် အချိုးအစားကိုလည်း ပိုင်ဆိုင်စေနိုင်ပါတယ်။ ကိုယ်ရဲ့ တက်ကြွဖျတ်လက်မှုကို ရိုးရိုးရှင်းရှင်းနဲ့ ဘယ်လိုမြှင့်တင်နိုင်မလဲ။

အခုဖော်ပြသွားမယ့် အချက်တွေကတော့ ဈေးကြီးပေးရတဲ့ အားကစားစင်တာတွေ သွားဖို့မလိုတဲ့ နည်းလမ်းတွေပဲ ဖြစ်ပါတယ်။

(၁) အလုပ်မှာဆိုရင် – အထိုင်များတဲ့အလုပ်လုပ့်ရသူတွေအတွက် အဆီတွေကို လောင်ကျွမ်းစေဖို့ နည်းလမ်းတွေ အများကြီးရှိပါတယ်။ ဓါတ်လှေကားအစား ရိုးရိုးလှေကားသုံးပါ။ တစ်နာရီနှစ်နာရီလောက် အလုပ်လုပ်ပြီးတာနဲ့ အလုပ်ထိုင်ခုံကထပြီး လမ်းလျှောက်တာ ဒါမှမဟုတ် အကြောပြေစေတဲ့ ရိုးရှင်းတဲ့ လေ့ကျင့်ခန်းလုပ်ပါ။ ကိုယ်ခန္ဓါကို လှုပ်ရှားနိုင်သလောက် လှုပ်လှုပ်ရှားရှားနေပါ။ နေ့လည်စာထွက်စားပါ။ နီးနီးနားနားသွားဖို့ရှိရင် လမ်းလျှောက်ဖို့ စဉ်းစားပါ။

(၂) အိမ်မှာဆိုရင် – ခွေးကျောင်းခြင်း၊ ကလေးတွေနဲ့ ဆော့ကစားခြင်း စတဲ့ ကိုယ်ဝါသနာပါရာ လုပ်ဆောင်ပါ။ အားကစားတစ်ခုခုလုပ်ပါ။ ဖုန်သုတ်တာ ကြမ်းတိုက်တာနဲ့ ပန်းကန်ဆေးတာ စတဲ့ရိုးရှင်းတဲ့ အိမ်အလုပ်တွေက အသုံးဝင်ပါတယ်။ ခြံအလုပ်တွေဖြစ်တဲ့ မြက်ရိတ်ခြင်း၊ သစ်ရွက်ခြွေခြင်းနှင့် အသုံးမလိုတော့တဲ့ အမှိုက်တွေရှင်းထုတ်ခြင်းတွေ လုပ်နိုင်ပါတယ်။ နောက်ပြီး တီဗီကြည့်ရင်း လေ့ကျင့်ခန်း လုပ်တာမျိုးတွေလည်း လုပ်နိုင်ပါတယ်။

(၃) အပြင်သွားနေချိန်ဆိုရင် – ဖျတ်လတ်တက်ကြွစွာနေဖု့ိ တစ်ခါတစ်လေမှာ အချိန်နဲ့ အား ပိုကုန်ပါတယ်။ ဈေးဝယ်စင်တာမှာ ကားကို အဝေးမှာ ရပ်ပြီး လမ်းလျှောက်နိုင်ပါတယ်။ လေယဉ်နောက်ကျနေတဲ့အချိန်မျိုးမှာ လေဆိပ်ထဲမှာ လမ်းပတ်လျှောက်နေနိုင်ပါတယ်။ ခရီးသွားရင် ၁ နာရီ ၂ နာရီလောက် ကားဆက်တိုက်မောင်းပြီးတာနဲ့ ကိုယ်လက်လေ့ကျင့်ခန်း အနည်းငယ်လုပ်နိုင်ပါတယ်။

Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ