ကိုယ်ဝန်ဆောင်စဉ် ကိုယ်အလေးချိန်တွက်ချက်ခြင်း

ကိုယ်ဝန်ဆောင်ချိန်မှာ အမျိုးသမီးရဲ့ ခန္ဓာကိုယ်မှာ ပြောင်းလဲမှုတွေ ဖြစ်ပြီး ကလေးကို လိုအပ်တဲ့ အာဟာရတွေ ပေးနိုင်ဖို့ ကိုယ်အလေးချိန်တိုးလာရပါတယ်။ ဘယ်လောက်တိုးလာမလဲဆိုတာကတော့ ကိုယ်ဝန်မဆောင်ခင်မှာ ရှိထားတဲ့ ကိုယ်ပလေးချိန်ပေါ် မူတည်ပါတယ်။ ကိုယ်ဝန်မဆောင်ခင်မှာ ကိုယ်အလေးချိန်နည်းတဲ့သူက များတဲ့သူထက် ပိုပြီး ကိုယ်အလေးချိန် တက်ဖို့ လိုပါတယ်။ ကိုယ်ဝန်ဆောင်ချိန်မှာ ကိုယ်အလေးချိန်ကို ဆက်တိုက်စောင့်ကြည့်နေတာက မိခင်ရော ကလေးကိုပါ ကျန်းမာစေပါတယ်။

ကိုယ်ဝန်ဆောင်ချိန်မှာ ကိုယ်အလေးချိန်တိုးလာတာအပြင် တခြား ခန္ဓာကိုယ်ပြောင်းလဲမှုတွေလည်း ရှိနိုင်ပါတယ်။
-သွေးလည်ပတ်မှု ကောင်းတာကြောင့် ပန်းဆီရောင်သန်းတာ၊ ခေါင်းမူးတာ
-သားအိမ်ကြီးလာတာကြောင့် ဗိုက်ဖောင်းလာတာ
-နို့တိုက်ဖို့အတွက် ရင်သားပြောင်းလဲမှုတွေ ဖြစ်လာတာ
-ဝမ်းချုပ်တာ၊ ရင်ပူတာ

သားအိမ်ထဲမှာ ကလေးလေး ကျန်းမာပြီး အန္တရာယ်ကင်းကင်းနဲ့ ကြီးထွားလာစေဖို့ မိခင်ရဲ့ ခန္ဓာကိုယ်က ပြောင်းလဲမှုတွေ လုပ်ပေးရပါတယ်။

ကိုယ်အလေးချိန် ဘယ်လောက်တက်သင့်လဲဆိုတာကို ခန္ဓာကိုယ်ထုထည်ညွှန်းကိန်း (BMI)နဲ့ ခန့်မှန်းနိုင်ပါတယ်။

၁၈.၅ အောက်      BMI နည်း
၁၈.၅-၂၄.၉          ပုံမှန် BMI
၂၅နဲ့ အထက်       BMI များ