သွေးပါသော ဝမ်း

မာကျစ်နေတဲ့ ဝမ်းမှာ သွေး ဒါမှမဟုတ် အချွဲတွေပါနေပါတယ်။ ကလေးဝမ်းမှာ အနီရောင်တွေတွေ့ရတာက သင့်ကလေးမှာ စအိုတဝိုက် အနည်းငယ် စုတ်ပြဲခြင်း၊ ကွဲခြင်းတို့ရှိနေတာကို ညွှန်ပြနေပါတယ်။

ကလေးရဲ့ဝမ်းမှာ အနီရောင်သွေးတွေပါနေတာက အကြောင်းရင်းအမျိုးမျိုးရှိနိုင်ပါတယ်။ တကယ်လို့ ဒီလက္ခဏာတွေပါ တွေ့ရရင် ဆရာဝန်ပြပါ –

• ပုံမှန်ဝမ်းမှာ သွေးပါနေတာ – နို့ပရိုတင်းဓါတ်မတည့်မှုလက္ခဏာဖြစ်နိုင်(ပုံပါအတိုင်း)
• သွေးအနီရောင်နည်းနည်းပါနေတဲ့ ချုပ်ဝမ်း – စအိုစုတ်ပြဲမှု ဒါမှမဟူတ် လိပ်ခေါင်းသေးသေးလေးကြောင့်ဖြစ်နိုင်
• အနီရောင်သွေးရောပါနေတဲ့ ဝမ်းပျက်ခြင်း – ဘက်တီးရီးယားပိုးကြောင့်ဖြစ်နိုင်။

ကလေးရဲ့သေးခံမှာ အမည်းရောင်သွေးတွေ့ရတဲ့အခါ (နှမ်းစေ့လို အမည်းရောင်အစအနလေးတွေ) ကလေးဟာ မိခင်နို့သောက်သုံးနေပြီး မိခင်ရဲ့ထိပ်ကွဲနေတဲ့နို့သီးခေါင်းကသွေးကို မျိုချမိတာဖြစ်နိုင်ပါတယ်။ ဒါပေမယ့် ကလေးရဲ့ဗိုက်ထဲက သွေးယိုစိမ့်မှုတစ်ခုခုလို ပြင်းထန်တာတွေဖြစ်နေသလား သေချာစေဖို့ ဆရာဝန်ပြတာကောင်းပါတယ်။