ဒဏ်ရာရထားသော်လည်းလေ့ကျင့်ခန်းပြုလုပ်ခြင်းကိုရပ်တန့်ပစ်ရန်မလိုအပ်ပုံ

မည်သူမဆိုဒဏ်ရာရသည်ကို မနှစ်သက်ပါ။ အားကစားလိုက်စားသူများဆိုလျှင်ပိုဆိုးပါသည်။ သင်နှစ်သက်သောအားကစားတစ်ခုခုကိုမပြုလုပ်နိုင်သောအခါအတော်စိတ်ကသိကအောက်ဖြစ်ရသည်။ ထိုအခြေအနေမျိုးတွင်ဒဏ်ရာရသည့်ကာလအတွင်းသင့်အတွက်လိုအပ်မည်ဖြစ်သော ဆောင်ရန်ရှောင်ရန် တို့ကိုဖော်ပြအပ်ပါသည်။

အရှိကိုအရှိအတိုင်းလက်ခံပါ

သင်၏ဒဏ်ရာရသော အခြေအနေမှန်ကိုလက်ခံရန်လိုအပ်ပါသည်။ အကယ်စင်စစ်သင့်အနေဖြင့်တစ်ပတ်လုံးထိုင်၍နေရခြင်းကိုမနှစ်သက်သည်မှန် သော်လည်းဒဏ်ရာရချိန်အားကစားကိုဆက်လက်ပြုလုပ်ပါကအခြေအနေပိုဆိုးသွားနိုင်ပါသည်။ ထို့ကြောင့်သင်၏အားကစားလုပ်ခြင်းကိုကန့်သတ်ရန်အထူးလိုအပ်လာသည်။ သင်လုပ်နေကျအားကစားကိုခဏဘဲဖြစ်ဖြစ်ရပ်တန့်လိုက်ပါကအစကနေပြန်လုပ်ရန်ခက်ခဲခြင်း၊ကိုယ်အလေးချိန်နှင့်ခန္ဓါကိုယ်အမျိုးအစားလျော့ကျမှုတို့ဖြစ်သွား နိုင်ခြင်းကိုတော့နားလည်ပေးနိုင်ပါသည်။ သို့သော်လည်းဒဏ်ရာ ရနေသောအချိန်တွင်သတိပြုမဆင်ခြင်ပါကပို၍ အချိန်ကြာကြာအနားယူထိုင်နေရခြင်းမျိုးဖြစ်လာနိုင်ပါသည်။

တတ်နိုင်သမျှယခင်အခြေအနေပြန်ရောက်အောင်ကြိုးစားပါ

သင့်အနေဖြင့်လုံလောက်သော အနားယူမှုပြုလုပ်ရန်အရေးကြီးသည်။ အားကစားလိုက်စားရာမှလုံးဝရပ်ပစ်လိုက်ရခြင်းမျိုးအခြေအနေတစ်ခုကြုံလာရစေကာမူထိုအချိန်သည်ဒဏ်ရာအနာကျက်ရန်ဖြစ်သဖြင့်သင်လက်ခံရလိမ့်မည်။ တစ်ခါတစ်ရံအချိန် တစ်ခုကြာလုံးဝအနားယူလိက်မှကောင်းသွားခြင်းမျိုးလည်းရှိပါသည်။ သို့သော်လည်းသင့်အနေဖြင့်လှုပ်လှုပ်ရှားရှား နေလိုပါကလမ်းလျှောက်ခြင်း၊အိမ်မှုကိစ္စများပြုလုပ်ခြင်းတို့ကိုပြုလုပ်ပေးနိုင်ပါသေးသည်။ သင်ခန္ဓါကိုယ်ကအဆင်သင့်ဖြစ်ပြီဆိုတာနှင့်လေ့ကျင့်ခန်းများပြန်လည်စတင်ပါ။

ပေါ့ပါးသောလေ့ကျင့်မှုနှင့်ပြန်စပါ

သင့်အနေဖြင့်ဒဏ်ရာရထားသည့်အတွက်အလေးချိန်နည်းနည်းဖြင့်ပြေါ့ပါးသောလေ့ကျင့်မှုနှင့်ပြန်စပါ

သင့်အနေဖြင့်ဒဏ်ရာရထားသည့်အတွက် အလေးချိန်နည်းနည်းဖြင့်ပြန်လေ့ကျင့်ခြင်း(သို့မဟုတ်)အနည်းငယ်သောလေ့ကျင့်မှုဖြင့်သာစတင်ပါ။ဥပမာ သင်ကလက်မောင်းတွင်ဒဏ်ရာရထားလျှင်သင ်မနေကျအကြိမ် ၃၀အစား၁၀ကြိမ်၊၁၅ကြိမ်မှပြန်လည်စတင်ပြီးနာကျင်မှုကို စတင်ခံစားရသောအကြိမ်အရေအတွက်တွင်ရပ်တန့်ခြင်းမျိုးပြုလုပ်ရမည်။ ထိုသို့ဖြည်းဖြည်းချင်းပြန်လေ့ကျင့်ပါကဒဏ်ရာရထားသောနေရာကိုအရှိန်ရစေပြီးအနာကျက်လည်းပို၍မြန်စေသည်။ ပြောရလျှင်သင်၏ လုပ်နေကျလေ့ကျင့်မှုပြန်ရရန်သင့်ကိုယ်သင်သက်တောင့်သက်သာကူညီပြီးသားဖြစ်စေပါသည်။

အခြားသူများ၏အားပေးမှုကိုရယူပါ

သင်နှင့်ကစားဖော်မိတ်ဆွေ တစ်ဦးဦးထံမှအားပေးမှုကိုရနိုင်သကဲ့သို့အားကစားခန်းမတွင် အခြားသူများအားကစားလုပ်ခြင်းကိုကြည့်ရှုခြင်းဖြင့်လည်းအချိန်ကုန်ဆုံးပါ။ အားကစားခန်းမသို့ရောက်သောအခါကြိုးကြိုးစားစားအားကစားလုပ်သောသူများကိုကြည့်ပြီးသင်ကိုယ်တိုင်ကအားကစားကိုလုံးဝမရပ်တန့်ပစ်သင့်သည့်အတွေးမျိုး ရလာနိုင်သည်။ ထို့ပြင်အားကစားနည်းပြဆရာများကလည်းသင့်ကိုဖြည်းဖြည်းချင်းပြန်လည်စတင်နိုင်ဖို့ကူညီပေးလိမ့်မည်။

ဒဏ်ရာရခြင်းကြောင့် သင့်၏ပုံမှန်လေ့ကျင့်မှုကိုရပ်တန့်လိုက်ရလျှင်စိတ်ပျက်အားငယ်မှု ခံစားရမည်ဖြစ်ပါသည်။ သို့သော်လည်းသင်ကိုယ်တိုင်ကပြန်လည် စတင်နိုင်ပါသည်။ လေ့ကျင့်မှုပမာဏကိုမိမိအတွက်သက်တောင့်သက်သာအရှိဆုံးအနေအထားတွင်သိရှိအောင်စဉ်းစားပြီးထိုပမာဏမှပြန်လည်စတင်လေ့ကျင့်ပါ။ လောလောနှင့်လုပ်သောအလုပ်သည်အခြအနေကိုပိုဆိုးစေနိုင်ကြောင်းအမြဲသတိရပါ။ မြန်မြန်ပြန်လည်ကောင်းမွန်စေသောဆေးဝါးများရှိသော်လည်း အားကစားသမားများကဲ့သို့အရေးပေါ်အခြေ အနေတွင်သာအသုံးပြုသင့်ပါသည်။ တကယ်တမ်းပြောရလျှင်ကျွန်ုပ်တို့ သည်ကိုယ်စီရည်ရွယ်ချက်(ဥပမာ- ကိုယ်အလေးချိန်လျော့ချရန်၊ခန္ဓါကိုယ်အချိုးအစားလှပရန်)ဖြင့် အားကစားလုပ်နေကြသည်ပင်မဟုတ်ပါလား။