ဗိုက်အောင့်သက်သာစေသောဆေးများ

အကြောင်းအမျိုးမျိုးကြောင့် ဗိုက်အောင့်၊ ဗိုက်နာခြင်းတွေဖြစ်ရတတ်ပါတယ်။ အက်စစ်ပြန်ဆန်တက်ခြင်း၊ ဝမ်းချုပ်ခြင်း၊ အစာအိမ်ကြွက်သားများကျုံ့ခြင်း၊ အနာပေါက်ခြင်းတို့ကြောင့် အစာအိမ်နာခြင်းများဖြစ်ရတယ်။ ဗိုက်အောင့် ဗိုက်နာရတဲ့အကြောင်းအရင်းပေါ်မူတည်ပြီး သင့်လျော်တဲ့ကုသမှုတွေကွဲပြားသွားနိုင်ပါတယ်။

ရင်ပူခြင်း၊ အက်စစ်ပြန်ဆန်တက်ခြင်းအတွက်ဆေးများ

အက်စစ်ပြန်ဆန်တက်ခြင်းအတွက် အစာအိမ်အက်စစ်ကိုလျှော့ချပေးသောဆေးများ၊ အစာမျိုပြွန်ရှုံ့ကြွက်သားသန်မာစေသောဆေးများ သုံးလေ့ရှိပါတယ်။

အစာအိမ်အက်စစ်လျှော့ချသောဆေးများ

အလွယ်တကူဆေးဆိုင်များမှာဝယ်ယူရရှိနိုင်ပြီး simethicone ပါသောဆေးများမှာ လေထခြင်းကိုသက်သာစေပါတယ်။

အက်စစ်လျော့စေသောဆေးများမှာလည်း H-2-receptor blocker လို့ခေါ်ပြီး အလွယ်တကူဝယ်ယူမှီဝဲနိုင်ပါတယ်။ cimetidine (Tagamet HB®), famotidine (Pepcid AC®), nizatidine (Axid AR®), ranitidine (Zantac 75®). တို့ပါဝင်တယ်။ ပိုပြင်းသောဆေးများကိုတော့ ဆရာဝန်အညွှန်းနဲ့မှီဝဲရပါမယ်။

Proton Pump Inhibitor ဆိုသောဆေးများမှာလည်း အက်စစ်ထုတ်လုပ်မှုလျှော့ချပေးပြီး lansoprazole (Prevacid®) , omeprazole (Prilosec®)တို့ပါဝင်တယ်။

အစာမျိုပြွန်ရှုံကြွက်သားသန်မာစေသောဆေးများ

Prokinetic agents ပါသောဆေးတွေက အက်စစ်ပြန်ဆန်တက်ခြင်းကြောင့်ရသော ဗိုက်အောင့်ခြင်းကို အစာအိမ်လှုပ်ရှားမှုမြန်စေခြင်းဖြင့် သက်သာစေပါတယ်။ အစာအိမ်လှုပ်ရှားမှုမြန်ခြင်းကြောင့် အစာများအစာအိမ်ထဲတွင်နေသောအချိန်တိုပြီး အစာအိမ်နာကျင်ခြင်းသက်သာစေတယ်။ ဆရာဝန်များက metoclopramide (Reglan®)ဆေးညွှန်းနိုင်ပြီး ထိုဆေးဟာလူတိုင်းအတွက်တော့ အာနိသင်မရှိဘဲ ဘေးထွက်ဆိုးကျိုးတွေလည်းရှိနိုင်ပါတယ်။

ဝမ်းချုပ်ခြင်းအတွက်ဆေးများ

ဝမ်းပျော့ဆေးသုံးနိုင်ပြီး အူလှုပ်ရှားမှုများကောင်းစေသာဆေးများလည်းသုံးနိုင်ပါတယ်။

• ဝမ်းပျော့ဆေးများ

ဝမ်းပျော့ဆေးတွေဟာ ဝမ်းသွားရာမှာခြောက်သွေ့မှုကင်းပြီး စွန့်ရလွယ်ရန်အရည်ဓါတ်ပိုပါအောင်ကူညီပါတယ်။ ထိုနည်းကိုအစိုင်အခဲဖြစ်ပေါ်စေသောဝမ်းပျော့စေနည်းလို့ခေါ်တယ်။

အသုံးများသောဝမ်းပျော့ဆေးကတော့ ispaghula husk, methylcellulose, sterculia တို့ဖြစ်တယ်။ ထိုဆေးကိုသောက်ပါက အရည်များများသောက်သင့်ပြီး အိပ်ရာဝင်ခါနီးဆေးမသောက်ပါနဲ့၊ အာနိသင်ပြဖို့ ၂ ရက်၊ ၃ ရက်ခန့်ကြာပါလိမ့်မယ်။

တခြားနည်းလမ်းကတော့ osmotic နည်းလမ်းဖြစ်တယ်။ အညစ်အကြေးများမှာအရည်များမပါစေဘဲ၊ အူလမ်းကြောင်းမှာ အရည်ဓါတ်များစေသောနည်းဖြစ်တယ်။ ထိုနည်းဖြင့်မစင်များကိုပျော့သွားစေပြီး ခန္ဓါကိုယ်မှစွန့်ထုတ်ရလွယ်စေပါတယ်။ အထက်နည်းလမ်းအဆင်မပြေပါက ထိုနည်းလမ်းသုံးလေ့ရှိတယ်။

အသုံးများသောဆေးတွေကတော့ lactulose, macrogols တို့ဖြစ်ပြီး ရေအလုံအလောက်သောက်ဖို့တော့လိုပါလိမ့်မယ်။ အာနိသင်ပြဖို့ ၂ ရက်၊ ၃ ရက်လောက်လိုနိုင်တယ်။

အူလှုပ်ရှားမှုကောင်းစေသောဆေးများ

တချို့အူကြွက်သားများအားနည်းခြင်းကြောင့် ဝမ်းသွားရာမှာ အခက်အခဲရှိတတ်ကြပါတယ်။ ဝမ်းအနေအထားကောင်းနေရင်တောင်မှ အူလှုပ်ရှားမှုရိဖို့လိုပါတယ်။ အစာခြေစနစ်တွင်ရှိသော ကြွက်သားများကိုလှုံ့ဆော်ပြီး အညစ်အကြေးများကို ရွေ့လျားအောင်ကူညီပေးပါတယ်။

အသုံးများသောဆေးတွေကတော့- senna, bisacodyl, sodium picosulphate တို့ဖြစ်တယ်။ ၆ နာရီမှ ၁၂ နာရီအတွင်းမှာ အာနိသင်ပြပါတယ်။

အစာအိမ်အနာအတွက်ဆေးများ

အစာအိမ်အနာတွေဟာ များသောအားဖြင့် H. pylori ဘတ်တီးရီးယားကြောင့်ဖြစ်ပြီး မိမိဖာသာသောက်ဆေးများဖြင့် မသက်သာဘဲ H. pylori ကြောင့်ဟုထင်သောအခါ ဆရာဝန်ပြဖို့လိုလာပါလိမ့်မယ်။

အစာအိမ်အတွင်းမှအက်စစ်များကိုလျှော့ရန် အောက်ပါနည်းတွေလိုပါတယ်-

• Antacid – အစာအိမ်အတွင်းရှိ အက်စစ်များကို ချေဖျက်ပြီး နာကျင်မှုသက်သာစေတယ်။ ဘေးထွက်ဆိုးကျိုးတွေကတော့ ဝမ်းချုပ်ခြင်း၊ ဝမ်းလျှောခြင်း တို့ဖြစ်နိုင်တယ်။ antacid တွေဟာ နာကျင်ခြင်းကိုသက်သာစေနိုင်ပေမယ့် အစာအိမ်အနာကိုတော့မကုနိုင်ပါဘူး။
• Acid blockers or histamine blockers – အစာအိမ်ရှိ histamine လက်ခံသောပစ္စည်းများကို ပိတ်ဆို့ခြင်းဖြင့် အက်စစ်ပမာဏကျစေတယ်။ ranitidine (Zantac®), famotidine (Pepcid®), cimetidine (Tagamet®) , nizatidine (Axid®) စတဲ့ ဆေးတွေပါတတ်ပါတယ်။
• Proton pump inhibitors – proton pump ကိုပိတ်ခြင်းဖြင့် အက်စစ်ထုတ်ခြင်းလျော့စေတယ်။ omeprazole (Prilosec®), lansoprazole (Prevacid®), rabeprazole (Aciphex®), esomeprazole (Nexium®) and pantoprazole (Protonix®တို့ ပါပါတယ်။
• အစာအိမ်နဲ့ အူနံရံအားကောင်းစေသောဆေးများ – cytoprotective agents များဟုခေါ်ပြီး အစာအိမ်နဲ့ အူကိုကာကွယ်ပေးပါတယ်။ sucralfate (Carafate®) or bismuth subsalicylate (Pepto-Bismol®). စသည်ဖြင့် ညွှန်းနိုင်ပါတယ်။

တကယ်လို့ သင့်အစာအိမ်အနာဟာ H.pylori ကြောင့်ဖြစ်ပါက အထက်ပါဆေးများအပြင် ပဋိဇီဝဆေးများပါသောက်သင့်ပါတယ်။ ဆေးသောက်ရန်အချိန်မှာ ၂ ပတ်မှ ၄ ပတ်ထိကြာနိုင်ပြီး ဘတ်တီးရီးယားရှိနေသေးပါက ဆက်သောက်ရပါမယ်။

ထိုဆေးများကိုသုံးစွဲရန်၊ မှန်ကန်သောပမာဏ၊ အချိန်၊ ဖြစ်နိုင်သောဘေးထွက်ဆိုးကျိုးများနှင့် တခြားသောဆေးများနှင့်ဓါတ်ပြုမှုများအကြောင်းသိရန် ဆရာဝန်၊ ဆေးဘက်ဆိုင်ရာကျွမ်းကျင်သူများနှင့်တိုင်ပင်သင့်ပါတယ်။

Hello Health Group သည် ဆေးပညာ အကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။