ဗိုက်နာတယ်၊ ဗိုက်အောင့်တယ် ဆိုတာ လူတိုင်းဖြစ်ဖူးနေတဲ့ အရာတစ်ခုပါ။ ဗိုက်အောင့်တယ်ဆိုတာနဲ့ လူတိုင်းက လေအောင့်တာကို ပဲ အရင်ပြေးမြင်ကြပြီး အစာအိမ်အောင့်တယ်လို့ပဲ ထင်တတ်ကြပါတယ်။ တကယ်တော့ သင့်ကို ဗိုက်အောင့်စေတတ်တဲ့ အကြောင်းအရင်း တွေ အများကြီးရှိပါတယ်။ သူတို့က ဘာတွေလဲဆိုတာ ကြည့်ကြရအောင် ။ ။

ဗိုက်အောင့်စေတတ်တဲ့ အကြောင်းအရင်း တွေက ဘာတွေလဲ ။ ။

ဗိုက်ထဲမှာ အစာအိမ်နဲ့ အူတင် မဟုတ်ဘဲ တခြား ကလီစာတွေလည်းရှိတာကြောင့် ဗိုက်နာတာကိုဖြစ်စေတဲ့ အကြောင်းအရင်းပေါင်းများစွာရှိပါတယ်။ ခုပြောပြပေးမှာကတော့ သူတို့ကဘာတွေလဲ။ ဘယ်လို လက္ခဏာတွေ ရှိတတ်လဲ ။ ။

အစာအိမ်အောင့်တာ– အစာမကြေ လေအောင့်တယ်ဆိုတာ အဖြစ်အများဆုံး ဗိုက်အောင့်စေတတ်တဲ့ အကြောင်းအရင်း တစ်ခုပါ။ ဗိုက်ဆာလာရင် ဗိုက်ထဲ ဟာတာတာဖြစ်ပြီး နာလာတာ၊ စားပြီးရင်လည်း အစာမကြေဘဲ ဗိုက်ထဲလေပွပြီးအောင့်နေတတ်တာမျိုးပါ။

အစာအိမ်အက်ဆစ်ပြန်ဆန်တက်တာ – အစာအိမ်အက်ဆစ်ပြန်ဆန်တက်တာကြောင့် ရင်ပြူပီး ဗိုက်အောင့်တာတွေ ဖြစ်တတ်ပါသေးတယ်။

အစာအဆိပ့်သင့်တာကြောင့် ဝမ်းလျှောတာ – စားလိုက်တဲ့ အစားအသောက်တွေ မသန့်ရှင်းလို့ ဝမ်းပျက်ဝမ်းလျှောဖြစ်တဲ့သူတိုင် းဗိုက်ရစ်နာတာကို ခံစားဖူးကြမှာပါ။

အစာအိမ်အက်ဆစ်ပြန်ဆန်တက်တာ – အစာအိမ်အက်ဆစ်ပြန်ဆန်တက်တာကြောင့် ရင်ပူပြီး ဗိုက်အောင့်တာတွေ ဖြစ်တတ်ပါသေးတယ်။

အူရောင်တာ – ဘက်တီးရီးယားပိုးတွေ၊ ဗိုင်းရပ်စ်ပိုးတွေကြောင့် အစာအိမ်နဲ့ အူလမ်းကြောင်းမှာရှိတဲ့ နံရံတွေ ရောင်ပြီး ဗိုက်အောင့်တတ်ပါတယ်။ အူရောင် နေတဲ့အချိန်ဆို ဗိုက်ကြီးကလည်း အမြဲ တင်းနေတတ်ပါတယ်။

Irritable Bowel Syndrome – အူလှုပ်ရှားမှု မူမမှန်တဲ့ရောဂါဟာ ဗိုက်အောင့်တတ်စေတဲ့ အကြောင်းအရင်းများစွာထဲက တစ်ခုပါ။ IBS ရောဂါနဲ့ မတည့်တဲ့လေထစေတဲ့ ပဲတို့ ၊နို့တို့ စားမိရင် ပိုဖြစ်တတ်ပါတယ်။

အူအတက်ရောင်တာ – အူအတက်ရောင်တယ်ဆိုတာ လူတွေကို တော်တော်များများကို ဒုက္ခပေးနေတဲ့ ဗိုက်အောင့်တဲ့ပြဿနာတစ်ခုပါ။ အူအတက်ရောင်တဲ့ လက္ခဏာတွေမှာဆို ဗိုက်အောင့်မယ်၊ ပျို့အန်မယ်၊ ကိုယ်ပူမယ် စတဲ့ သုံးမျိုးပါရပါမယ်။

အူပုတ်တာ – အကြောင်းကြောင်းကြောင့် အူဆီကို သွားတဲ့ သွေးတွေ ကောင်းကောင်း မရောက်နိုင်တော့တဲ့အခါ အူတွေပုတ်ပြီး ဗိုက်အောင့်တဲ့ ဝေဒနာအပြင် ဗိုက်တစ်ပြင်လုံး တောင့်နေတာကို ခံစားရမှာပါ။

အစာမကြေတာ – အစာမကြေတာကြောင့် ဖြစ်တတ်တဲ့ ဗိုက်အောင့်ခြင်းမှာ လေထိုးလေအော့င့်တာအပြင် အီလည်လည် ခံစားမှုကိုပါခံစားရမှာပါ။

ဓမ္မတာ ကြောင့် ကိုက်ခဲတာ– ရာသီလာချိန်မှာ ကိုက်ခဲတဲ့ ဝေဒနာကို မိန်းကလေးတိုင်း ခံစားဖူးတတ်ကြမှာပါ။ ဒါလည္း ဗိုက်အောင့်စေတတ်တဲ့ အကြောင်းအရင်း တစ္ခုပါပဲ။

သည်းခြေမှာ ကျောက်တည်တာ – သည်းခြေမှာ ဖြစ်တတ်တဲ့ အဆီကနေဖြစ်တဲ့ ကျောက်လေးတွေကြောင့် သင်အစာမကြေ ရင်ပြည့်သလို ခံစားရမယ့်အပြင် ဗိုက်အောင့်တာကိုပါ ခံစားရမှာပါ။

အသည်းရောင်အသားဝါကြောင့် အော့င်တာ – ဗိုက်ရဲ့ ညာဘက်အခြမ်းမှာ အောင့်တဲ့ ဝေဒနာကိုခံစားရပြီး မျက်လုံးတို့ အသားတို့လည်း အဝါရောင် ပြောင်းလာမယ်ဆိုရင် သင် အသည်းရောင်နေပါပြီ ။

ဆီးကျောက်တည်တာ – ဆီးကျောက်တည်ရင် ဆီးသွားတဲ့အချိန်မှပဲ နာကျင်တဲ့ ဝေဒနာကို ခံစားရတာ မဟုတ်ပါဘူး။ ကျောက်ကပ်ရှိတဲ့ ခါးနောက်နား နှစ်ဘက်လုံး ဒါမှမဟုတ် တစ်ဘက်ချင်းစီကနေ အောင့်တတ်ပါတယ်။

မုန့်ချိုအိတ်ရောင်တာ – ဆီးချိုရောဂါ မဖြစ်အောင်လို့ ထိန်းပေးနေတဲ့ အင်ဆူလင်ထုတ်တဲ့နေရာ မုန့်ချိုအိတ် ရောင်ရင်လည်း ဗိုက်အောင့်တဲ့ ဝေဒနာကို ပြင်းပြင်းထန်ထန်ခံစားရပါတယ်။

သားဥမှာတည်နေတဲ့ အရည်အိတ်ကွဲသွားတာ – မိန်းကလေးတိုင်းနီးပါးလောက်ဖြစ်တတ်ကြတဲ့ သားဥအိမ်အရည်အိတ်က အရမ်းကြီးသွားတဲ့အခါ ပေါက်သွားတာမျိုးဖြစ်တတ်ပါတယ်။ ဒီလိုအချိန်ဆို ဗိုက်မခံမရပ်နိုင်အောင် အောင့်မယ့်အပြင် သွေးတွေလည်းယိုတတ်လို့ ရေဓာတ်ခမ်းခြောက်ပြီး ရှောခ်ပါရသွားနိုင်ပါတယ်။

ကင်ဆာ – ကင်ဆာရောဂါ ရင့်လာတာနဲ့ အမျှ အကျိတ်က ဟိုဖိ ဒီဖိနဲ့ ဗိုက်နာတတ်ပါတယ်။ အူမကြီးကင်ဆာ၊ အစာအိမ်ကင်ဆာ၊ မုန့်ချိုအိတ်ကင်ဆာ၊ အသည်းကင်ဆာ၊ သားဥပြွန်ကင်ဆာ၊ ဆီးကျိတ်ကင်ဆာ၊ သားအိမ်ကင်ဆာတို့ဟာ နာမည်ကြီးကင်ဆာတွေပါ။

ဘယ်လို အချိန်ဆို ဆရာဝန်ဆီသွားပြရမလဲ ။ ။

သာမာန် လေထိုး ၊လေအောင့်တာလောက်ကတော့ ဆေးစားဆေးသောက်လိုက်ရင် ပျောက်ပေမယ့် ချက်ချင်း ဆေးကုသမှု ခံယူသင့်တာတွေလည်းရှိပါတယ်။ ကိုယ်ဗိုက်အောင့်တာလည်း ၁ရက်နဲ့ အထက် ဖြစ်နေမယ် ၊ နာလိုက်ပျောက်လိုက် မဟုတ်ဘဲ ဗိုက်ကတစ်ချိန်လုံး မခံမရပ်နိုင်အောင် အောင့်နေမယ်၊ ဗိုက်အောင့်တာ အပြင် ဖျားမယ်၊ နာမယ်၊ ပျို့အန်တာတွေရှိမယ်၊ ဝမ်းမည်းမည်းတွေသွားမယ်၊ ဝမ်းသွားရင်သွေးပါမယ်၊ ရုတ်တရက် ကိုယ်အလေးချိန်ကျသွားမယ်ဆိုရင်တော့ ပေါ့ဆမနေဘဲ ဆရာဝန်ဆီချက်ချင်းသွားသင့်ပါတယ် ။ ။

ဗိုက်အောင့်စေတတ်တဲ့ အကြောင်းအရင်း ပေါင်း သောင်းခြောက်ထောင် ။ ။

ဗိုက်အောင့်စေတတ်တဲ့ အကြောင်းအရင်း တွေက ဘာတွေလဲ ။ ။

ဘယ်လို အချိန်ဆို ဆရာဝန်ဆီသွားပြရမလဲ ။ ။