ဆီးချိုသွေးချိုရောဂါ ဖြစ်နိုင်ချေမြင့်စေသော အရာများ

ဆီးချိုဖြစ်ပွားနိုင်ခြေကို မြင့်တက်စေတဲ့ အကြောင်းအရာများစွာ ရှိပါတယ်။ သင့်ဆီမှာ ဖြစ်နိုင်ခြေရှိမရှိ သိရအောင် အောက်ပါအချက်တွေကို မှတ်သားဖတ်ရှုနိုင်ပါတယ်။

အမျိုးအစား (၁) ဆီးချိုရောဂါ

သုတေသနပြုချက်များအရ အမျိုးအစား (၁) ဆီးချိုရောဂါ အကြောင်းကို တိကျစွာမသိရပေမယ့် ဖြစ်နိုင်ခြေမြင့်တက်စေတဲ့ အကြောင်းအရာတွေ ရှိပါတယ်။

• မိသားစုရာဇဝင်။ သင့်ရဲ့ မိဘနဲ့ မွေးချင်းတွေမှာရှိရင် သင့်မှာ ဖြစ်နိုင်ခြေမြင့်ပါတယ်။
• ပတ်ဝန်းကျင်အခြေအနေ
• ကိုယ်ခံအားဆဲလ်များ ပျက်စီးခြင်း။ မိမိကိုယ်ကို တိုက်ထုတ်တဲ့ ခုခံပစ္စည်းတွေ ဖြစ်ပါတယ်။ ဒါပေမယ့် လူတိုင်းမှာတော့ သူတို့ကြောင့် ဆီးချို မဖြစ်တတ်ပါဘူး။
• စားသောက်မှုပုံစံ။ နွားနို့ကို စောစီးစွာ စသောက်ဖူးခြင်း၊ ဗီတာမင်ဒီ စားသုံးမှု နည်းခြင်း၊ အသက်လေးလမတိုင်မီ အစေ့အဆန်များ ကျွေးခြင်း စတာတွေကြောင့် ဖြစ်တတ်ပါတယ်။ ဒါပေမယ့် ဒီအကြောင်းအရာတွေဟာ အမျိုးအစား (၁) ဆီးချိုနဲ့ တိုက်ရိုက် ဆက်စပ်နေကြောင်း မသိနိုင်ပါဘူး။
• ပထဝီအကြောင်းအရာ။ ဖင်လန်၊ ဆွီဒင် စတဲ့ နိုင်ငံတွေမှာ ဖြစ်ပွားမှု မြင့်တက်ပါတယ်။

ဆီးချိုဖြစ်နိုင်ခြေနှင့် အမျိုးအစား (၂) ဆီးချို

အချို့အကြောင်းအရာတွေဟာ ဖြစ်ပွားနိုင်ခြေကို မြင့်တက်စေပါတယ်။

• ကိုယ်အလေးချိန်များခြင်း
• လှုပ်ရှားမှုနည်းခြင်း။ လှုပ်ရှားမှုနည်းလေ၊ အဖြစ်များလေပါပဲ။ ကိုယ်လက်လှုပ်ရှားခြင်းဟာ သင့်ရဲ့ ကိုယ်အလေးချိန်ကို ထိန်းချုပ်ဖို့၊ ဂလူးကို့စ်ကို စွမ်းအင်အနေနဲ့ ရယူဖို့၊ သင့်ရဲ့ဆဲလ်တွေဟာ အင်ဆူလင်ကို ပိုပြီးအာရုံခံမိစေဖို့ အရေးကြီးတဲ့ လုပ်ငန်းဖြစ်ပါတယ်။
• မိသားစုရာဇဝင်။ သင့်ရဲ့မိဘနဲ့ မွေးချင်းတွေမှာ အမျိုးအစား (၂) ဆီးချိုဖြစ်ရင် သင့်မှာလည်း ဖြစ်နိုင်ခြေ ပိုများပါတယ်။
• လူမျိုးစု။ ဟစ်ပန်းနစ်၊ အမေရိကန် အင်ဒီးယန်း၊ အာရှ အမေရိကန် တွေမှာ ဖြစ်နိုင်ခြေ ပိုများပါတယ်။ အကြောင်းရင်းတော့ သေချာမသိသေးပါဘူး။
• အသက်အရွယ်။ အသက်ကြီးလာတာနဲ့အမျှ ဖြစ်နိုင်ခြေ ပိုများလာပါတယ်။ တဖက်မှာလည်း အမျိုးအစား (၂) ဆီးချိုဟာ ကလေးများ၊ အရွယ်ရောက်ခါစ လူငယ်များမှာ ဖြစ်တာ များတတ်ပါတယ်။
• ကိုယ်ဝန်ဆောင်စဉ်ဆီးချိုဖြစ်ခြင်း။ ကိုယ်ဝန်ဆောင်စဉ်ကာလမှာ ဆီးချိုဖြစ်ရင် နောင်မှာ ဆီးချိုဖြစ်နိုင်ခြေ မြင့်လာတတ်ပါတယ်။
• အမျိုးသမီးများတွင် ဖြစ်တတ်သော Polycystic ovary syndrome ရောဂါ
• သွေးတိုးခြင်း။ သွေးပေါင်ချိန် ၁၄၀/၉၀ နဲ့ အထက်ကို တက်ခြင်းဟာ အမျိုးအစား (၂) ဆီးချိုဖြစ်နိုင်ခြေ များပါတယ်။
• ပုံမှန်မဟုတ်သော ကိုယ်လက်စထရောနှင့် triglyceride မြင့်တက်ခြင်း

ကိုယ်ဝန်ဆောင်ဆီးချိုရောဂါ

အမျိုးသမီးတိုင်းဟာ ကိုယ်ဝန်ဆောင်ချိန်မှာ ဆီးချိုဖြစ်တတ်ပေမယ့် အချို့အမျိုးသမီးများဟာ သူများတွေထက် ဖြစ်နိုင်ခြေများပါတယ်။ အောက်ပါအချက်တွေဟာ ဖြစ်နိုင်ခြေ မြင့်တက်စေပါတယ်။

• အသက်အရွယ်။ ၂၅ နှစ်ထက်ကြီးတဲ့ အမျိုးသမီးတွေ ဖြစ်နိုင်ခြေ ပိုများပါတယ်။
• ကိုယ်အလေးချိန်။ ကိုယ်ဝန်မဆောင်မီ ကိုယ်အလေးချိန်များတာဟာ ဖြစ်နိုင်ခြေပိုများပါတယ်။
• မိသားစုနှင့် မိမိရာဇဝင်။ မိဘများ၊ မွေးချင်းများမှာ အမျိုးအစား (၂) ဆီးချို ဖြစ်တာရှိရင် ဖြစ်နိုင်ခြေ ပိုများပါတယ်။ ယခင် ကိုယ်ဝန်ဆောင်ခဲ့ချိန်မှာ ဆီးချိုဖြစ်ဖူးရင်၊ ကလေးကြီးကြီးမွေးဖူးရင် ဖြစ်နိုင်ခြေ ပိုများပါတယ်။

လူမျိုး။ လူမည်း၊ ဟစ်ပန်းနစ်၊ အမေရိကန် အင်ဒီးယန်း၊ အမေရိကန် အာရှတို့မှာ ဖြစ်နိုင်ခြေ ပိုများပါတယ်။ အကြောင်းရင်းတော့ သေချာမသိရပါဘူး။