မတက်ခင် ဖြစ်လာမယ့် လက္ခဏာတွေကို ဘယ်လိုသတိထားနိုင်သလဲ

အတက်ရောဂါကို မထိန်းချုပ်နိုင်ဘူးဆိုလျှင် ရုတ်တရက် ဆက်ကာဆက်ကာ တက်တတ်ပါတယ်။ မတက်ခင်ဖြစ်တတ်တဲ့ လက္ခဏာတွေကို သိထားခြင်းဖြင့် အန္တရာယ်ရှိတဲ့အရာတွေနဲ့ ဒဏ်ရာအနာတရဖြစ်ခြင်းကနေ ရှောင်နိုင်ပါတယ်။

တက်တာဟာ သင်အိပ်နေချိန်ပဲဖြစ်ဖြစ်၊ နိုးနေချိန်ပဲဖြစ်ဖြစ် ဖြစ်နိုင်ပါတယ်။ ဒါတွေက အတက်ရောဂါ အမျိုးအစားတွေဖြစ်ပြီး လက္ခဏာတွေကတော့ အနည်းငယ်စီ ကွဲပြားနိုင်ပါတယ်။ အတက်ရောဂါက အဓိကအားဖြင့် ၂မျိုးရှိတယ်။

– တစ်နေရာပဲကွက်ပြီး အတက်ရောဂါ

– တစ်ကိုယ်လုံးပါတဲ့ အတက်ရောဂါ

တစ်နေရာပဲကွက်ပြီး အတက်ရောဂါ

တစ်နေရာပဲကွက်ပြီး အတက်ရောဂါ ဖြစ်နေချိန်မှာ သင်ဟာသတိကောင်းနေပါမယ်။

တစ်နေရာပဲကွက်ပြီး အတက်ရောဂါရဲ့ လက္ခဏာတွေထဲမှာ အောက်ပါ အခြေအနေတွေပါဝင်ပါလိမ့်မယ်။

– ဖော်ပြရခက်တဲ့ ထူးဆန်းတဲ့ ခံစားချက်

– လူကမြင့်တက်နေသလို ခံစားရခြင်း။ ဒါက ရိုလာကိုစတာစီးနေချိန်မှာ ဗိုက်ထဲမှာဖြစ်တဲ့ ခံစားချက်နဲ့ ဆင်တူပါတယ်။

– အရင်တစ်ခါက ဖြစ်ခဲ့ဖူးသလို ပြန်ခံစားမိခြင်း

– ပုံမှန်မဟုတ်တဲ့ အနံ့နဲ့ အရသာကို ခံစားမိနေခြင်း

– ခြေ၊ လက်တွေကို ပင်အပ်နှင့်ထိုးသလို စူးခနဲခံစားရခြင်း

– ရုတ်တရက် ကြောက်လန့်သလို ပျော်သလို ခံစားရခြင်း

– ကိုယ်ခန္ဓာအစိတ်အပိုင်း ဥပမာ-ခြေ၊လက်စသည်တို့ တောင့်တင်းခြင်း

ရှုပ်ထွေးတဲ့ တစ်နေရာပဲကွက်ပြီးတက်တဲ့ အတက်ရောဂါ

ဒီအခြေအနေဟာ သင်အာရုံလွတ်သွားတဲ့ အထိတက်သွားနိုင်တယ်။ အတက်ကျပြီးနောက် တက်တာကို မမှတ်မိတတ်ဘူး။ ဒီအတက်ရောဂါရဲ့ လက္ခဏာတွေက ထူးဆန်းတဲ့ အမူအရာတွေပြတတ်တယ်။ ဥပမာ-

– နှုတ်ခမ်းကို တပြတ်ပြတ် အသံမြည်အောင်လုပ်ခြင်း

– လက်တွေကိုပွတ်သပ်ခြင်း

– ရုတ်တရက် ဆူဆူညံညံလုပ်ခြင်း

– လက်ဝှေ့ယမ်းခြင်း

– အဝတ်အစားတွေ ဆွဲချွတ်ခြင်း

– ပစ္စည်းတွေကို နေရာရွှေ့ခြင်း

– ပုံမှန်မဟုတ်တဲ့ ကိုယ်ဟန်တွေလုပ်ခြင်း

– ဝါးခြင်း၊ မြိုချခြင်း

တစ်ကိုယ်လုံးတက်တဲ့ အတက်ရောဂါ

ဒီအတက်ရောဂါအမျိုးအစား ၆မျိုးရှိပါတယ်။

– Absences

ဒီအတက်ရောဂါရတဲ့လူဟာ ပတ်ဝန်းကျင်ကို သတိမပြုမိတော့တာမျိုးဖြစ်တတ်တယ်။ ပုံမှန်အားဖြင့် ၁၅မိနစ်လောက်ကြာတတ်တယ်။ တခြားလူတွေက မျက်တောက်တွေခတ်၊ ပါးစပ်က အသံတွေထွက်နေပေမယ့် ဒီလူဟာ တနေရာရာကို စူးစိုက်ပြီး ကြည့်နေတတ်တယ်။ သူဟာ တက်တာကို လုံးဝမမှတ်မိတတ်ဘူး။

– Myoclonic seizures

ဒီအတက်ရောဂါက သင့်ရဲ့ လက်တွေ၊ ခြေထောက်တွေနဲ့ ကိုယ်ခန္ဓာအပေါ်ပိုင်းကို ဓာတ်လိုက်သလို တုန်ခါစေပါတယ်။ တစ်ခါတစ်လေ ၁စက္ကန့်၊ ၂စက္ကန့်သာကြာတတ်ပါတယ်။ ပုံမှန်ဆိုလျှင် ဒီအခြေအနေမှာ သတိကောင်းနေ တတ်ပါတယ်။

ဒီအတက်ရောဂါက မနက်နိုးပြီး နာရီအနည်းငယ်အတွင်းမှာ ဖြစ်တတ်ပါတယ်။ တစ်ခါတလေ တစ်ကိုယ်လုံးတက်တဲ့ အတက်ရောဂါနဲ့လည်း တွဲပြီးတွေ့ရတတ်ပါတယ်။

– Clonic seizures

ဒီအတက်ရောဂါက အပေါ်က myoclonic jeck နဲ့တူသော်လည်း ဒါက ပုံမှန်အားဖြင့် ၂မိနစ်လောက်အထိ ကြာတတ်ပါတယ်။ တက်နေစဉ်မှာ သတိလစ်နေတတ်ပါတယ်။

– Atonic seizures

ဒီအတက်ရောဂါဖြစ်လျှင် ကြွက်သားတွေ ရုတ်တရက် ပျော့ခွေသွားပြီး သင်ဟာ မြေပြင်ပေါ်ကျခြင်း၊ဒဏ်ရာရခြင်း ဖြစ်တတ်ပါတယ်။

– Tonic seizures

ဒီအတက်ရောဂါရလျှင် ကြွက်သားတွေ ရုတ်တရက်တောင့်တင်းသွားပါတယ်။ သင်ဟာ ကိုယ့်ကို ထိန်းချုပ်ဖို့ခက်ပြီး လဲကျနိုင်ပါတယ်။ အပေါ်က အတက်ရောဂါလိုပဲ ဒီဟာကလည်း ဒဏ်ရာရစေနိုင်ပါတယ်။

– Tonic-clonic seizures

ဒီအတက်ရောဂါကို Grand Mal လို့ခေါ်ကြပြီး အဆင့် ၂ဆင့် ပါဝင်ပါတယ်။ သင့်ကိုယ်ခန္ဓာဟာ ရုတ်တရက်တောင့်တင်းပြီး လက်တွေ၊ခြေတွေက ရုတ်တရက် တဆက်ဆက်တုန်နိုင်ပါတယ်။ ဒီအတက်ရောဂါဟာ မိနစ်အနည်းငယ်သာ ကြာနိုင်သလို ဒီထက်ပိုကြာတာလည်း ဖြစ်နိုင်ပါတယ်။